Tabeki Titiraki

E tangirira Iehova ae “te Atua ae kukukurei,” bwa ti na kimwareirei n te mwakuri ni minita. (1Ti 1:11) E na rikirake kimwareireira ngkai ti karikirakei riki rabakaura. E kona tabekan titiraki ni kauekea te kan ongora, ao bon anne te anga ae momoanaki iai te maroro. A kairaki aomata n taian titiraki bwa a na iango ao n ataa te bae kananonaaki. (Mt 22:41-45) Ngkana ti tabeki titiraki ao ti kakauongo, ai aron ae ti kangai, ‘Ko kakawaki irou.’ (Iak 1:19) E na buokira ana kaeka te aomata n ataa arora ni kairira raoi te maroro.

MATAKU N TE TAAMNEI AE KIMWAREIREI NI KAREKEAIA TAAN RIMWINI KRISTO​—KARIKIRAKEA RIKI RABAKAUM​—TABEKAN TITIRAKI, AO IMWINA KAEKAI TITIRAKI AIKAI:

• 

  Baikara aroaro aika raraoi ake e kaotiotii Jade?

• 

  E kangaa Neeta ni kaota tabeakinan Jade?

• 

  E kangaa Neeta ni karikirakea kan ongoraan Jade n te rongorongo ae raoiroi?

• 

  E kangaa Neeta ni kabonganai titiraki ni buoka iai Jade bwa e na iango ao n ataa te bae kananonaaki?