Buokiia Am Aomata Bwa A na Karekea Aia Iraorao ma Iehova

E tangiria Iehova bwa ti na beku irouna ibukina bwa ti tangiria. (Mt 22:​37, 38) A na kakorakoraaki n tangiran te Atua naake a reirei n te Baibara, bwa a na karaoi bitaki ao n tei nene i aan te kataaki. (1Io 5:3) Bon tangiran te Atua are e na kairiia bwa a na bwabetitoaki.

Buokiia am aomata bwa a na namakina tangiraia iroun te Atua. Titirakinia ni kangai: “Tera reireiam n aei ibukin Iehova?” ke “E kangaa n oti n aei tangiram iroun te Atua?” Kairiia bwa a na nora aron Iehova ni buokiia n tatabemania nako. (2Ro 16:9) Taekini katoto ni kaineti ma aron Iehova ni kaekai am tataro, ao kaungaia bwa a na nora aron Iehova ni kaekai aia tataro. E reke te kimwareirei ae bati man noraia am reirei n te Baibara ngkana a namakina ana tangira Iehova, ao ni kaotiota te reitaki ae kaan ma ngaia.

MATAKU N TE TAAMNEI AEI BUOKIIA AM AOMATA BWA A NA KAREKEA AIA IRAORAO MA IEHOVA, AO KAEKAI TITIRAKI AIKAI:

• 

  Tera ana kangaanga Jade?

• 

  E kangaa Neeta ni buoka Jade?

• 

  E kangaa Jade n tokanikai i aon ana kangaanga?