Mwaing Nakon te Tabo ae Kainnanoaki Riki Iai te Ibuobuoki

E boni kainnanoaki te onimaki ngkana ko na mwaing man te tabo ae ko a taneiai iai nakon te tabo ae boou, ibukini karababaan am mwakuri ni minita. (Ebr 11:8-10) Ngkana ko iangoa tiam ae te mwaing nakon te tabo ae kainnanoaki riki iai te ibuobuoki, maroro ma am unimwaane. Baikara mwaneka aika ko kona ni karaoi, ae ko na ataia iai bwa ko kona n roko n tiam anne, ao n te tabo anne? Rinanoi baika katauraoaki ake a a tia ni boreetiaki ni kaineti ma te beku n te tabo ae kainnanoaki riki iai te ibuobuoki. Maroro ma naake a a tia ni mwaing nakon te ekaretia teuana. (TNR 15:22) Ukera ana kairiri Iehova rinanon te tataro. (Iak 1:5) Karaoa am ukeuke i aon te tabo ane ko iaiangoa te mwaing nako iai, ao ngkana ko konaa, kawara te tabo anne ao tiiku iai tabebong moa, ao imwina ko a karaoa naba am babaire.

MATAKU N TE TAAMNEI AE RIIN NI MATAROAN TE MWAKURI AEI MA TE ONIMAKI—MWAING NAKON TE TABO AE KAINNANOAKI RIKI IAI TE IBUOBUOKI, AO KAEKAI TITIRAKI AIKAI:

• Baikara kangaanga ake e riai n tokanikai i aoia Gabriel, ao tera are buokaki iai?