Karekea te Wanawana Ibukini Maium ni Katoabong n JW.ORG

E kataubobongaira raoi Ana Taeka te Atua ibukini kaitaraani kataaki n taai aika kangaanga ni kabaneani boong. (2Ti 3:1, 16, 17) Ma n tabetai, ti bae ni kainnanoa te ibuobuoki ibukini kakaaeani booto n reirei man te Baibara aika kaineti raoi nakon te kangaanga teuana. N te katoto, te karo ngkoe ae ko ukeri taeka n reirei ibukini kaikawaaia natim? Te roro n rikirake ngkoe ae ko kabokorakora ma kataakin am onimaki? Te mwaane ke te aine ngkoe ae ko karawawataaki ni mateni buum? Ko na boni kunei n jw.org rongorongo aika a na kairiko nakoni booto n reirei man te Baibara, aika a na buokiko ni baika riki nakoim aikai ao a a bati riki.—TNR 2:3-6.

N ara atureti n te intanete ae jw.org, ao kotea ANA REIREI TE BAIBARA. (Nora taamnei 1.) Kotea te kainikoto rikaaki, ao rinea ae ko nano iai mai ikanne. Ke kotea BAIKA KATAURAOAKI > KAONGORA ao rinea te kaongora ae ko tangiria. (Nora taamnei 2.) Ko kona n nori naba kaongora aikai n te JW Library^®.a Ko kona ni mamataku ni kaongora aikai n taabo aika uoua aikai. Te anga naba teuana, ko kona ni kaakaea te boto n iango teuana ni kamanenaan te bwaoki ae search n jw.org.

Taibini reirei aika oti aikai n te bwaoki ae search, ao taui mwini kaongora ake ko kani wareki.

• Kaikawaaia ataei

• Rawawataia rooro n rikirake

• Maten raom