E Ongoraei Am tataro Te Atua?
Ngkana ko tataro, ko iangoia bwa e bon ongo te Atua?
TERA AE TAEKINAKI N TE BAIBARA?
E kakauongo te Atua. E karaua nanora te Baibara ni kangai: “E kaan Iehova nakoia akana weteia ni kabane, ao nakoia akana weteia ni kabane n te koaua. . . . E ongo tangia ni kani buokaki.”—Taian Areru 145:18, 19.
E tangiriko te Atua bwa ko na tataro nakoina. E kaungaira te Baibara ni kangai: “A na kaotaki ami bubutii ni bwaai ni kabane nakon te Atua, n te tataro ma te kakorakora n tataro ni bubutii n raonaki n te katituaraoi.”—I-Biribi 4:6.
E boni mutiakiniko te Atua. E bon atai tabeaiangara ao raraomara te Atua, ao e kani buokira. E taku te Baibara: “Kabanei ami iango n raraoma ni kaaki i aona, ibukina bwa e mumutiakiningkami.”—1 Betero 5:7.