Ti Kona n Tokanikai i Aon te Riribai!

Ngkana ko tuai, ko bae n tia n noria n aanga aika kakaokoro. Ti aki toki n ongo riribaakia tabeman ibukin aia reeti, a binabinamwaane ke a binabinaaine ao a nanonnaba. Ibukin anne, a bati tautaeka aika karaoi tuua ibukini katuuaaeaia naake a iowawa ibukin riribaan te reeti teuana.

E kona ni butanako te riribai ibukina bwa naake a riribaaki a a manga riribaiia ake tabemwaang ao ni karaoa ae buakaka nakoia. E kona ni kabotauaki aei ma te wira ke te tiein ibukina bwa e okioki n riki ni karokoa ae e katokia temanna.

Ko bae n tia n riribaaki, n tataumwantaaki, ni bwainikirinaki, ni kabuakakaaki ao ni kakamaakaki. Ma e boni korakora riki te riribai. Ao n angiin te tai, e kariki mwakuri n iowawa n aron te moakakung, te kakeru, te kakamwarua, te mwakuri n tautau, ao te tiriaomata.

N te maekatin aei, a na kaekaaki iai titiraki aikai, ao ni kaotaki naba arora n tokanikai i aon te riribai:

• E aera ngkai e a rangi ni korakora te riribai?

• E na kangaa ni katokaki butanakon te riribai?

• Iai te tai ae e nang akea iai te riribai n aki toki?