E Nang Katoka te Maiu ni Kainnano Iesu

E kaotiota te tangira ae korakora Iesu nakoia aomata ni menana i aon te aba, e a moamoa riki nakoia ake a maiu ni kainnano ao ni karawawataaki. (Mataio 9:36) E kareana naba maiuna ibukini kabwaiaia aomata. (Mataio 20:28; Ioane 15:13) E nang waekoa ni manga kaota naba koauan ana tangira ibukia aomata n arona ni kabongana riaina n tautaeka ao mwaakan Ueana n Ana Tautaeka n Uea te Atua, ni katoka iai te maiu ni kainnano ni kabutaa te aonnaba.

E kabonganai taeka aika raraoi te Baibara ni kabwarabwaraan te bwai ae e na karaoia Iesu:

• “Ke e tei ibukia akana mangori i buakoia aomata, ke e kamaiuia natiia akana maiu ni kainnano.”​—Taian Areru 72:4.

Ti na kangaa ni kaota ara kakaitau ibukini bwaai nako ake e a tia ni karaoi Iesu n ikotaki ma baika e nang karaoi ibukira? Te anga teuana bon reiakinan “te rongorongo ae raoiroi ae taekan ana Tautaeka n Uea te Atua” are e tataekinna. (Ruka 4:43) Wareka te kaongora ae “Tera Ana Tautaeka n Uea te Atua?”