KANAKORAOA AM MWAKURI NI MINITA
Karikirakean Rabakaura n te Mwakuri ni Minita—Karaoan Oin Am Maroro Ibukin te Maekatin
BUKINI KAKAWAKINA: E ngae ngke iai n te boki n reirei aron te maroro ma iango aika ibuobuoki iai ma bon tii bwaai ni kairiri. Ko riai n taekin n oin am taeka. Ko na bae n tangira te anga ae kaokoro ke n iangoa te reirei teuana ae anainano riki n am aono. Ngkana ngaia anne, imwini warekan te maekatin, iangoi katoto tabeua iai, ao n noran aroni karaoaia n te taamnei ko a kona ngkanne ni kamanenai aanga aikai ni karaoi iai oin am maroro.
ARONI KARAOANA:
Titirakiniko ni kangai: ‘I kani kabongana aron te maroro teuana mai buakon aikai?’
ENG
Katauraoa am moantaeka. Imwini kamauran te aomata iroum, kaota bukin rokom. (Te katoto: “I kawariko ibukina bwa . . . ”)
Iangoa arom n reita te maroro i marenan te titiraki, te kibu ao te bwai are ko na anga. (Te katoto: Ibukini kabonganaan te kibu, ko kona ni kangai: “E kona n reke te kaeka ae karaunano n te titiraki anne ikai.”)
I AKI
Rinea te reirei teuana n te maekatin ae kakannongora iroum ao n anainano n am aono
Iangoa te titiraki ae ko na tabekia are e na iaiangoia kaain te auti ao ni kani maroroakinna, ma tiaki ae kangaanga kaekaana irouna. (Te katoto: Titiraki ake n iteraniba 2 n te maekatin.)
Rinea te kibu teuana ae e na warekaki. (Ko kona ni wareka te kibu ke ko aki ngkana ko maroro i aon te Awake! ngkai e a tia ni katauraoaki te maekatin aei ibukia naake a uarereke aia atatai i aon te Baibara ao a aki naba kakoauaa te Aro.)
Taekina te kibuntaeka teuana ke uoua ae e na kabwarabwaraa aroni kakabwaiaani kaain te auti mani warekan te kaongora
N ITERA AIKA UOUA AIKAI
Katauraoa te titiraki ibukini manga kaekaana n okim are imwina
Koreia bwa ko aonga n uringa te baere ko kan taekinna ni manga okim