Kamanenaan Titiraki

Mataio 16:​13-16

KABWARABWARAANA: Tabeki titiraki ma te karinerine bwa ko aonga ni kauekea ao ni kateimatoa te kan ongora, ao ko aonga ni kaira aia iango taan ongora, ao ni katuruturui reirei aika kakawaki.

ARONI KARAOANA:

• Kauekea ao kateimatoa te kan ongora. Tabeki titiraki ake a na kaekai taan ongora aika kammwakura te iango ke ni kaingaingaa te nano.

• Kaira aia iango taan ongora nakon te reirei. Buokiia taan ongora bwa a na ota n te baere maroroakinaki n arom n tabeka te titiraki teuana imwin teuana ake a na kaira aia iango taan ongora bwa a na ota n te reirei.

• Katuruturui reirei aika kakawaki. Tabeka te titiraki ae kammwakura te iango imwain taekinan te reirei ae kakawaki. Kamanenai titiraki ni kauring imwini maroroakinan te reirei ae kakawaki, ke ni motikan am maroro.