MAIURA NI KRISTIAN
Rooro n Rikirake—Bunra Nanomi Nakoia Ami Karo
Bukin tera bwa ko riai ni kaota am iango nakoia am karo, n akea te imamaakin? (TNR 23:26) Ibukina bwa e a tia Iehova ni mwiokoiia bwa a na tabeakiniko ao ni kaiririko. (TA 127:3, 4) A na bae n aki kona ni buokiko ngkana ko aki kaotii tabeaiangam ao raraomam nakoia. Ao ko na aki kona naba ni karekea reireiam aika manena mani baike a a tia n rinanoi ni maiuia. Ma e kairua aki kaotan am iango tabeua? E aki n tabetai, ma taratara raoi bwa ko na aki mwamwanaia am karo.—TNR 3:32.
Ko na kangaa ni maroro ma am karo? Kataia n rinea te tai ae raoiroi ibukim ao ibukia naba. Ngkana e kangaanga reken anne, ko kona ni korea am reta nakon temanna irouia ao ni kaotii am namakin iai. Ma tera arom ngkana a kani maroroakina te bwai teuana ae ko aki kani maroroakinna ma ngaiia? Uringnga are a rangi ni kani buokiko. Iangoiia am karo bwa raoraom ao tiaki am kairiribai. Am kakorakora ni maroro ma am karo n akea te imamaakin, ko na boni kakabwaiaaki iai n aki toki!—TNR 4:10-12.
MATAKU N TE TAAMNEI AE MAIUU N RORO N RIKIRAKE—N NA KANGAA NI MARORO MA AU KARO? AO KAEKAI TITIRAKI AIKAI:
Tera ae a a tibwa ataia Esther ao Partik ibukia?
Tera reireiam man ana katoto Iesu?
A kangaa ni kaotia am karo bwa a bon tabeakiniko?
A tangiria am karo bwa e na nakoraoi maium
Baikara booto n reirei man te Baibara aika kona ni buokiko ngkana ko maroro ma am karo?