Gbĩ́ Gè Nó Ãa Nu Tṍó Eo Gé Nó Nu

Tṍó e gbĩ́ gè nó nu, èé láá bĩiná bẹẹ bá kọọ̀, éé ní e gé ẹbmà dẽe gè nò ẽ?’ Náa kal ló béè kọ à íe gbò nú e gé ẹbmà dẽe gè nò, à bọ́ló kọ é ọẹ̀ dẽe kọbé è mon gbò ãa nú e Jìhóvà gbĩ́ kọ é nò. Éé ní eé láá naa kọbé è nó gbò nú e Jìhóvà gbĩ́ kọ é nyimá ẽ́?

Bàn nyìmànù lọl bá Jìhóvà. Bàn Jìhóvà kọ á nvèè bá nè ni kọ ó dã́ ból ló gbò nú ea gbĩ́ kọ ó nyimá kà lèlà tṍóá. (Jém̀z 1:5) Ó gá dẹẹa boo áá gbò nú eo nyímà.​—Pró. 3:​5, 6.

Sọ̀tọ́ deè kọọ̀ Moǹ Bel Bàrì á nyaaná ni. “Moǹ Bel Bàrì di dùm.” (Híb. 4:12) Nú ea di mm̀ “Moǹ Bel Bàrì” é láá tọáí ló mm̀ kele-kele sĩ́deè buù tṍó e bugì Kpá Káí.

Nyíé ni á ẹẹ ló kọ̀láá kà nú e Jìhóvà gé nóòmà ni. Gbò nú e gé nó lọl mm̀ Kpá Káí bélí “lé gã́ gyã́á.” (Àìz. 25:6) Ó gá aa ló gè bugi gbò togó bel ea tõó ní ló kọ nóo é déè kpéè ló. Be ò náa vó, ò sọọ̀ tọ́ deè kọ Bàrì á bumá ni vaá òé dé kpéè ló gè nó nu!