Kpáá Bugi Togó Boo Gbò Nú Eo Ni Nó

É kọọ̀ sìgà tṍó, à ólò tàvàlà ní ló gè kẽ̀èa boo gbò nú eo ni nó? Lọl tṍó tẹlẹ tṍó, à ólò naaá ló dénè bẹ̀ì. Éé ní ea é láá nvèè bá nè ni ẽ́? Ge kpáá bugi togó boo gbò nú eo ni nó é nvèè bá nè ni.

Tṍó eo gé nó nu, olòó elá vaá ò bugi togó boo gbò nú eo ni nó. Níà nú e neǹ tóm Pọ́ọ̀l beè siè kpóó ló pá vígà kọ bàá naa tṍó e bà gé bugi kpá lẹ̀ẹ̀là tóm ea beè emí má va ẹ́. A beè emí kọọ̀: “Kpò kúm dénè nú e gé kọ́í kọlà.” (Híb. 8:1) Tṍó ea kọ́ vó, à nvèè bá nè va kọ bàá dã́ ból ló nú ea géè kọ̀, nè bé e kọ̀láá kà nú ea beè kọ̀ gbááá ló ene naa.

Tṍó eo ni nó nu lọ̀l, òé láá tú òb kà mínìt bùgmà togó boo gbò nú eo géè nòa. Be nóo láà kẽ̀èa boo gbò nú eo ni nó, kpáá bugi gbò ńkem̀ togó bel ea di m, àbèè túá tã́á bel ea di mm̀ buù kpò kọbé à nveè bá nè ni kọ ó kẽ̀èa boo. Be ò nó ãa nu, pììga boo gè kọ́ bé eo dã́à ból ló naa. Tṍó eo kpáà bugi togó boo gbò nú eo ni nó, àé nveè bá nè ni kọ ó kpáá kẽ̀èa boo vaá mòn bé e gbò nú eo géè nòa tọ́a ní ló naa.