Kpoogè Dee Ló O Nyíe Nyòòmà Ge Nó Nu

Tṍó e nóò Kpá Káí, èé sọtọ́ deè kọọ̀ nú e nóò ea kil ló Jìhóvà á tọáí ló. Ẹ́zrà beè zogè kà lé nu dòòmà bá ea kil ló níí tṍó ea beè “kpoogè dee ló a nyíe nyòòmà ge nó Log Jìhóvà.” (Ẹ́zrà 7:10) Mósĩ́ deè ní eé láá nó Ẹ́zrà ẹ?

Tã̀àgã ló Jìhóvà. Tã̀àgã ló Bàrì besĩ́ ò kálá nó nu. Tã̀àgã ló Jìhóvà kọ á nvèè bá nè ni kọbé ò dã́ ból ló nú eo gé nó kọbé ò láá tú siimá tóm.​—Ps. 119:​18, 34.

Ié dùm kìlmà kpá ló kẽ. Jìhóvà ólò gṍ kà-kà bel ea di mm̀ Kpá Káí lọl ló gbò e bà dalà kpá ló boo vaá dẹẹa boo ba nyìmànù. (Lúùk 10:21) Née gé nó nu boo béè ge naa kọọ̀ dõona gbò á nyimá kọ è palàge nyimá nu. Kìlmà kpá ló kẽ vaá ò nyááná bé eo bugì togó naa tṍó e bè náa gbááá ló níí Jìhóvà.

Gbàntṍ ló bẹẹ gbò sọ́l. Sọ́l íe kpóó vaá à ólò kpoogè dee ló bẹẹ nyíe nyòòmà ge nó nu. Sọ́l é láá tọá ló bé e bugì togó naa, vóà naa tṍó e gbaǹ tṍ ló sọ́l besĩ́ è kalá nó nu, àé nveè bá nèi kọ é ká bùlà gbẹẹ́ boo Jìhóvà kọbé è láá tú gbò nú e nóò siimá tóm.