Sodes tolerantes con outras relixións?

Seguimos o consello da Biblia de ter “consideración con todo o mundo”, é dicir, respectamos a todos sen importar de que relixión sexan (1^a Pedro 2:17). Por exemplo, aínda que nalgúns países hai centos de miles de testemuñas de Xehová, nunca facemos presión para que políticos ou lexisladores restrinxan ou prohíban as actividades doutros grupos relixiosos. Tampouco facemos campañas para que aproben leis que impoñan as nosas crenzas e prácticas ós demais. De feito, toleramos e respectamos ós demais do mesmo xeito que queremos que fagan con nós (Mateo 7:12).