Como decidir?

Creou Deus o Universo e a vida que hai nel ou é todo resultado da casualidade? As palabras dos dous físicos que citamos antes e as do inicio da Biblia dan dúas respostas totalmente opostas a esta pregunta. Cada unha destas opinións conta con moita xente que a apoia con firmeza. De feito, debátese sobre isto en libros moi vendidos e en programas de televisión. Pero hai unha gran cantidade de persoas que non sabe que crer.

É posible que os teus profesores che asegurasen que o Universo e a vida xurdiron de maneira espontánea, e non porque Deus os crease. Pero, déronche probas de que non existe un Creador? Por outro lado, quizais escoitaches a líderes relixiosos afirmar que si que hai un Creador. Pero, aportáronche probas que apoien a súa opinión? Ou simplemente che explicaron que tes que aceptalo porque eles o din ou porque é un asunto de “fe”?

É probable que pensases neste tema e sentises que ninguén che pode asegurar se realmente existe un Creador. Quizais tamén te preguntaches: “De verdade importa?”.

Esta revista presentará algúns feitos que convenceron a moitas persoas de que existe un Creador. Despois explicará por que é importante saber como chegou a existir o Universo e a vida na Terra.