Un segredo que che gustará descubrir

Contáronche algunha vez un segredo?—a A Biblia fala dun segredo especial de parte de Deus. Chámaselle segredo porque a xente non o coñecía. Mesmo os anxos querían saber máis del. Gustaríache saber que segredo é?—

Hai moito, moito tempo, Deus creou o primeiro home e a primeira muller. Chamábanse Adam e Eva. Deus deulles un fogar moi bonito, o xardín de Edén. Se Adam e Eva obedecían a Deus, eles e mailos seus fillos poderían facer da Terra un paraíso coma aquel xardín. E poderían vivir no Paraíso para sempre. Pero, acórdaste do que fixeron?—

Adam e Eva desobedeceron a Deus, e por iso agora non vivimos nun paraíso. Pero Deus dixo que ía poñer a Terra ben bonita, e que iamos ser felices e vivir para sempre. Como o faría? Durante moito tempo ninguén o soubo. Era un segredo.

Cando Xesús veu á Terra, ensinou máis cousas sobre este segredo. Dixo que se trataba do Reino de Deus. Xesús mandou orar para que este Reino viñese. O Reino vai facer da Terra un paraíso.

Gustouche descubrir este segredo?— Recorda que só os que obedezan a Xehová van vivir no Paraíso. Na Biblia hai un montón de historias sobre homes e mulleres que obedeceron a Xehová. Queres que aprendamos máis deles?— Imos ver quen foron algúns e como podemos seguir o seu exemplo.