ASPECTO DA ORATORIA 11

Entusiasmo

Romanos 12:11

EN QUE CONSISTE? Falar con intensidade e viveza co propósito de animar e motivar o auditorio.

Fala dende o corazón. Mentres preparas a túa intervención, dedica tempo a reflexionar na importancia da información que vas presentar. Familiarízate con ela ata que poidas falar con sentimento e dende o corazón.
Pensa no auditorio. Reflexiona en como pode beneficiar ó auditorio a información que vas presentar ou a lectura que vas facer. Pensa en como podes conseguir que os presentes valoren aínda máis a información.
Dálle vida á presentación. Fala con entusiasmo. Os teus xestos e expresións faciais deben expresar sentimento, pero sempre dun xeito natural.

Procura non distraer o auditorio repetindo un xesto de maneira mecánica. Os teus ademáns deben encaixar co que estás a dicir. Fala con máis entusiasmo cando analices os puntos clave e motiva os presentes a actuar. Evita mostrar un entusiasmo tan intenso ó longo de toda a intervención que termine cansando o auditorio.