Xehová quere que sexamos limpos

É habitual que os pais lles ensinen ós seus fillos cousas relacionadas coa limpeza, como lavar as mans, limpar a habitación, pasar a fregona ou sacar o lixo. Todos estes ensinos en realidade proveñen de Deus (Éx. 30:18-20; Dt. 23:15 [23:14, NM]; 2 Cor. 7:1). De feito, ó sermos limpos fisicamente e ó termos limpas as nosas pertenzas, honramos a Xehová (1 Pe. 1:14-16). E que pasa co noso fogar ou coa natureza? A diferenza das persoas que guindan o lixo na rúa ou nos parques, os cristiáns esforzámonos ó máximo por manter a terra limpa (Sal. 115:16; Ap. 11:18). Ata as cousas máis pequenas teñen importancia. Por exemplo, que facemos cos papeis das lambetadas, coas gomas de mascar ou coas latas? O que fagamos revela a actitude que temos cara a limpeza. Queremos acreditarnos “decote coma servidores de Deus” en todo aspecto da nosa vida (2 Cor. 6:3, 4).

DESPOIS DE VER O VÍDEO XEHOVÁ QUERE QUE SEXAMOS LIMPOS, RESPONDE AS SEGUINTES PREGUNTAS:

• Que escusas poden poñer algúns para non ter limpas as súas pertenzas?

• Como nos axuda a Lei de Moisés a saber o que pensa Xehová da limpeza?

• Como podemos darlle honra a Xehová sen dicirmos unha palabra?