A NOSA VIDA CRISTIÁ

Usa na predicación as novas ferramentas: Desfruta da vida para sempre!

Estamos moi emocionados por ter un novo folleto e un novo libro para dar clases da Biblia. Pedímoslle a Xehová que bendiga os nosos esforzos por facer moitos máis discípulos (Mt 28:18-20; 1Co 3:6-9). Como podemos usar estas novas ferramentas?

Como o libro Desfruta da vida para sempre! Curso da Biblia interactivo usa un novo método de ensino, debemos ter en conta as seguintes instrucións á hora de prepararnos e impartir cursos da Biblia:a

Lede a información e analizade as preguntas.
Lede os textos marcados con “le” e “lede” e axuda ó estudante a entender o que estes ensinan.
Vede os vídeos e analizádeos xuntos usando as preguntas que aparecen na publicación.
Intenta abarcar unha lección completa en cada sesión de estudo.

Na predicación, primeiro ofrece o folleto para determinar se a persoa está interesada en estudar a Biblia (ver o recadro “Como ofrecer o folleto Desfruta da vida para sempre! na primeira visita”). Se xa rematastes de estudar o folleto e a persoa desexa continuar co curso, ofrécelle o libro e empezade na lección 4. Se estás a estudar con alguén os libros Que nos ensina? ou Continúa, fai o cambio ó libro Desfruta da vida para sempre! e decide en que lección comezar.

O mesmo matrimonio usando o libro “Desfruta da vida para sempre!” para dar un curso da Biblia na casa do home

DESPOIS DE VER O VÍDEO BENVIDO Ó TEU CURSO DA BIBLIA, RESPONDE AS SEGUINTES PREGUNTAS:

Que aprenderán os estudantes co novo libro?
Por que deberiamos mostrar este vídeo ós novos estudantes?
Que obxectivos debes animar o estudante a alcanzar de forma progresiva? (Ver o recadro “Ideas principais e obxectivos de cada sección”).

a NOTA: Aínda que é opcional considerar a sección “Investiga” durante a clase, dedica tempo a ler cada artigo e ver cada vídeo cando te prepares. Así saberás que información lle pode axudar e interesar especialmente ó estudante. A publicación en formato dixital inclúe enlaces ós vídeos e á información adicional.

IDEAS PRINCIPAIS E OBXECTIVOS DE CADA SECCIÓN
	LECCIÓNS	IDEAS PRINCIPAIS	OBXECTIVOS PARA O ESTUDANTE
1	1-12	Descubre como che pode axudar a Biblia e como podes chegar a coñecer o seu autor.	Anima o estudante a ler a Biblia, a prepararse para a clase e a asistir ás reunións.
2	13-33	Descubre o que fixo Deus por nós e o tipo de adoración que lle agrada.	Motiva o estudante a falarlles da verdade a outros e a chegar a ser publicador.
3	34-47	Analiza que espera Deus dos que o adoran.	Anima o estudante a dedicar a súa vida a Xehová e a bautizarse.
4	48-60	Aprende como manterte no amor de Deus.	Ensínalle ó estudante a distinguir o que está ben do que está mal e a achegarse máis a Deus.