Idea para estudar

Estaslle sacando proveito ás explicacións de textos bíblicos que aparecen na Guía de estudo para as testemuñas de Xehová?

Estas explicacións pódenche axudar a afondar na Palabra de Deus. Por exemplo, poden incluír detalles sobre o contexto histórico dalgún versículo da Biblia, información de por que se escribiu, a quen ía dirixido ou o significado dalgunhas palabras e expresións.

Tanto a BIBLIOTECA EN LIÑA Watchtower^™ como a aplicación JW Library^® permítenche ver as referencias da Guía de estudo directamente desde un versículo da Biblia. Podes atopar estas referencias no panel de estudo en tódalas versións da Biblia dispoñibles na aplicación.

Cando consultes estas referencias, fíxate na data. Os artigos están ordenados de máis recentes a máis antigos. É posible que os máis antigos conteñan algún entendemento que xa non estea actualizado.

• As referencias da Guía de estudo están dispoñibles automaticamente na BIBLIOTECA EN LIÑA Watchtower.

• Para poder ver estas referencias en JW Library, descarga a Guía de estudo e actualízaa cando sexa necesario. Podes facelo no botón Descargar na parte de arriba da columna onde aparecen as notas de estudo en calquera capítulo da Biblia.