Usa ben o espello

O discípulo Santiago comparou a Biblia cun espello que nos permite ver que tipo de persoas somos no noso interior (Sant. 1:22-25). Como podemos usar ben este espello?

Le con atención. Se só nos miramos rapidamente nun espello, quizais non vexamos algúns defectos importantes. Do mesmo xeito, se só lemos a Biblia de maneira superficial, non seremos capaces de ver as cousas que temos que corrixir. Para conseguilo é necesario que a leamos con atención.

Mírate máis a ti mesmo que ós demais. Ás veces, cando nos miramos nun espello, tamén vemos o reflexo doutras persoas e poderiamos centrarnos máis nos seus defectos que nos nosos. De maneira parecida, quizais ó ler a Biblia pensemos no que outros poden mellorar. Pero iso non nos axudará a corrixir os nosos propios fallos.

Sé razoable. Se cando te miras nun espello só te fixas nos teus defectos, quizais te desanimes. Temos que ser razoables ó ler a Palabra de Deus, non esperando máis de nós mesmos do que espera Xehová (Sal. 103:14).