Que podo facer se non me gusta ir á escola?

Profesores duros. Presión de grupo. Exames estresantes e unha morea de deberes. Se dis que non che gusta a escola, é comprensiblea. Unha adolescente que se chama Rachelb di:

“Preferiría estar en calquera outro lugar que na escola. Por exemplo gustaríame estar na praia, cos meus amigos ou incluso axudar ós meus pais a cociñar ou limpar”.

Se te sentes como Rachel, o tempo que pasas na escola pode ser como unha condena en prisión, que terás que soportar ata que te gradúes. É esa a mellor maneira de ver o tempo que pasas na escola?

Sabíalo? Cando cambias o teu punto de vista sobre a escola, ti colles o control da situación e deixas de vela como algo que simplemente tes que soportar. En certo sentido, a escola convértese nunha ferramenta que che axudará a perfeccionar as habilidades que necesitarás cando sexas adulto.

Para mellorar o teu punto de vista sobre a escola, intenta centrarte nisto:

A túa educación. Canto máis aprendas, en lugar de depender sempre dos demais poderás resolver mellor os problemas que poidas ter no futuro, tanto no traballo como noutras situacións da vida. Pregúntante: “Incluso se hai cousas da escola que non me gustan, estou aprendendo algo útil?”.

Principio bíblico: “Protexe a sabedoría práctica e a capacidade de pensar” (Proverbios 3:21).

Os teus hábitos. A rutina escolar ensínache como administrar o teu tempo, ser disciplinado e traballar duro, habilidades que necesitarás cando sexas adulto. Pregúntate: “De que maneira a rutina escolar pode axudarme a ser disciplinado e un bo traballador? Que podo facer para mellorar nestes campos?”.

Principio bíblico: “Todo traballo ten o seu proveito” (Proverbios 14:23).

As túas habilidades sociais. Relacionarte cos teus compañeiros na escola pode axudarche a desenvolver empatía e respecto polos demais. Un mozo chamado Joshua di: “Aprender a comunicarse coa xente é tan importante como aprender historia e ciencias. É unha habilidade que vas usar toda a túa vida”. Pregúntate: “Que aprendín na escola sobre levarme ben con outros, aínda que teñan diferentes orixes ou crenzas ca min?”.

Principio bíblico: “Procurade de tódolos xeitos a paz entre todos” (Hebreos 12:14).

O teu futuro. A escola pode axudarche a recoñecer cales son os teus puntos fortes e poñerte metas nesa liña. Unha moza chamada Brooke conta: “Pode que, coma min, decidas formarte nun campo específico que te prepare para traballar cando te gradúes”. Pregúntate: “Como me vou manter despois de graduarme na escola? Como me podo asegurar de que aprendo o que necesito para logralo?”.

Principio bíblico: “Fíxate nos vieiros que tomas” (Proverbios 4:26, SBG).