LECCIÓN 28
Demostra que agradeces o que Xehová e Xesús fixeron por ti
Como te sentes cando un amigo che dá un fermoso regalo? É probable que te sintas moi contento e que queiras demostrarlle que agradeces ese agasallo. Xehová e Xesús déronnos o regalo máis grande que xamais poderiamos recibir: o rescate. Como podemos demostrar que o agradecemos?
1. Cal é unha maneira de demostrar que agradecemos o que Deus e Cristo fixeron por nós?
A Biblia promete que “todo o que cre nel”, é dicir, en Xesús, pode vivir para sempre (Xoán 3:16). Crer en Xesús implica demostrar a nosa fe coas decisións que tomamos e as cousas que facemos (Santiago 2:17). Cando demostramos a nosa fe co que facemos e co que dicimos, fortalecemos a nosa amizade con Xesús e co seu Pai, Xehová (le Xoán 14:21).
2. Que evento especial nos axuda a demostrar que agradecemos o que fixeron Xehová e Xesús?
A noite antes de morrer, Xesús faloulles ós seus seguidores doutra forma de demostrar agradecemento polo seu sacrificio. Díxolles que se xuntasen para un evento especial que a Biblia chama a “Cea do Señor”, tamén coñecido como a Conmemoración da morte de Cristo (1 Corintios 11:20). Xesús estableceu esta celebración para que os seus apóstolos, e tódolos demais cristiáns verdadeiros, recordásemos que deu a súa vida por nós. Por iso mandou: “Facede isto en memoria de min” (Lucas 22:19). Cando asistes á Conmemoración, demostras que agradeces o amor tan grande que Xehová e Xesús senten por todos nós.
AFONDA MÁIS
Aprende máis formas de demostrar o teu agradecemento polo amor que demostraron Xehová e Xesús. Fíxate na importancia que ten a Conmemoración da morte de Cristo.
3. O agradecemento motívanos a actuar
Imaxina que alguén te salva de morrer afogado. Cres que esquecerías sen máis o que fixo por ti? Ou buscarías formas de demostrar que estás agradecido?
Debémoslle a vida a Xehová. Lede 1 Xoán 4:8-10 e logo comentade estas preguntas:
Por que é o sacrificio de Xesús un regalo especial?
Como te sentes ó pensar no que Xehová e Xesús fixeron por ti?
Como podemos demostrar o noso agradecemento polo que Xehová e Xesús fixeron por nós? Lede 2 Corintios 5:15 e 1 Xoán 4:11; 5:3. Despois de ler cada texto comentade esta pregunta:
Segundo este texto, que podemos facer para demostrar o noso agradecemento?
4. Imita a Xesús
Outro xeito de demostrar agradecemento é imitar a Xesús. Lede 1 Pedro 2:21 e logo comentade esta pregunta:
De que xeitos podes seguir con coidado os pasos de Xesús?
Xesús amaba a Palabra de Deus, predicaba as boas noticias e axudaba a outros
5. Asiste á Conmemoración da morte de Cristo
Para ver como se celebrou a primeira Cea do Señor, lede Lucas 22:14, 19, 20. Logo comentade estas preguntas:
Que se fixo na Cea do Señor?
Que representan o pan e o viño? (Ver os versículos 19 e 20).
Xesús quería que os seus discípulos celebrasen a Cea do Señor unha vez ó ano no aniversario da súa morte. Por iso as testemuñas de Xehová nos xuntamos cada ano para recordar a morte de Xesús da maneira que el nos mandou. Para aprender máis sobre esta importante reunión, poñede o VÍDEO. Logo comentade esta pregunta:
Que se fai durante a Conmemoración?
O pan e o viño son símbolos. O pan representa o corpo humano perfecto de Xesús que el sacrificou por nós. O viño representa o seu sangue
HAI QUEN DI: “O único que tes que facer para salvarte é crer en Xesús”.
Como usarías Xoán 3:16 e Santiago 2:17 para explicar que fai falta algo máis?
RESUMO
Mostramos que agradecemos o que Xesús fixo por nós demostrando fe nel e asistindo á Conmemoración da súa morte.
Repaso
Que implica crer en Xesús?
Como che gustaría demostrar o teu agradecemento polo que Xehová e Xesús fixeron por ti?
Por que é tan importante asistir á Conmemoración da morte de Cristo?
INVESTIGA
A que nos motiva a morte de Xesús?
Aprende máis sobre a fe e sobre como podemos demostrala.
“Demostra que tes fe nas promesas de Xehová” (La Atalaya, outubro 2016)
Le o relato de Victoria Tong e fíxate en que efecto tivo na súa vida aprender sobre o sacrificio de Xesús.
Descubre por que só uns poucos participan na Conmemoración.