LECCIÓN 15
Quen é Xesús?
Xesús é unha das persoas máis coñecidas da historia. Pero aparte do seu nome, moitos saben pouco acerca del e teñen ideas diferentes sobre quen é Xesús realmente. Que di a Biblia sobre el?
1. Quen é Xesús?
Xesús é un ser espiritual moi poderoso que vive no ceo. Xehová creouno antes que todo o demais. Por iso se di que “de toda criatura el é o primeiro nacido” (Colosenses 1:15). A Biblia di que Xesús é o “Fillo Unixénito” de Deus porque foi o único creado directamente por El (Xoán 3:16). Traballou moi preto do seu Pai, Xehová, e axudoulle a crear tódalas demais cousas (le Colosenses 1:16). Xesús segue a desfrutar dunha relación estreita con Xehová. El serve lealmente a Deus como “a Palabra”, é dicir, como portavoz que leva as súas mensaxes e instrucións (Xoán 1:14).
2. Por que veu Xesús á Terra?
Hai uns dous mil anos, Xehová usou o seu espírito santo para transferir de maneira milagrosa a vida de Xesús dende o ceo á matriz dunha virxe chamada María. Deste xeito, Xesús naceu como humano (le Lucas 1:34, 35). Xesús veu á Terra para ser o Mesías prometido ou Cristo e para salvar a humanidade.a Tódalas profecías da Biblia sobre o Mesías se cumpriron nel, permitindo que a xente identificase a Xesús como o Cristo, “o Fillo do Deus vivo” (Mateo 16:16).
3. Onde está Xesús agora?
Despois de rematar a súa vida como ser humano, Xesús foi resucitado como ser espiritual e volveu ó ceo. Alí “Deus o exaltou sobre todo” (Filipenses 2:9). Agora, Xesús ten unha posición de moita autoridade, só por detrás do propio Xehová.
AFONDA MÁIS
Descubre máis sobre quen é Xesús realmente e por que é tan importante aprender del.
4. Xesús non é o Deus todopoderoso
A Biblia ensina que, aínda que Xesús é un espírito poderoso no ceo, sométese a Xehová, o seu Deus e Pai. Por que chegamos a esa conclusión? Para ver o que ensina a Biblia sobre a posición que ocupa Xesús con relación ó Deus todopoderoso, poñede o VÍDEO.
Os seguintes textos axúdannos a entender a relación que hai entre Xehová e Xesús. Lede cada un deles e logo comentade as preguntas:
Lede Lucas 1:30-32.
Como describiu o anxo a relación entre Xesús e Xehová Deus, o Altísimo?
Lede Mateo 3:16, 17.
Que dixo unha voz dende o ceo no bautismo de Xesús?
De quen pensas que era esa voz?
Lede Xoán 14:28.
Quen é maior e ten máis autoridade? Un pai ou un fillo?
Que quixo dicir Xesús cando dixo que Xehová era seu Pai?
Lede Xoán 12:49.
Pensa Xesús que el e seu Pai son a mesma persoa? E ti que pensas?
5. Xesús demostrou ser o Mesías
A Biblia contén moitas profecías que axudarían ás persoas a identificar o Mesías. Poñede o VÍDEO para aprender máis sobre algunhas das profecías que se cumpriron en Xesús cando veu á Terra.
Lede estas profecías da Biblia e logo comentade as preguntas:
Lede Miqueas 5:1 (5:2, TNM) para aprender onde nacería o Mesías.b
Cumpriuse esta profecía co nacemento de Xesús? (Mateo 2:1).
Lede Salmo 34:21 (34:20, TNM) e Zacarías 12:10 para ver algúns detalles que se profetizaron sobre a morte do Mesías.
Cumpríronse estas profecías? (Xoán 19:33-37).
Pensas que Xesús puido influír no cumprimento dalgunha destas profecías?
Que che demostra isto sobre Xesús?
6. Como nos beneficia aprender de Xesús
A Biblia destaca a importancia de aprender sobre Xesús e o seu papel. Lede Xoán 14:6 e 17:3 e logo comentade esta pregunta:
Por que é vital aprender de Xesús?
Xesús abriu o camiño para que poidamos ser amigos de Deus e ensinou a verdade sobre Xehová. A través de Xesús podemos chegar a ter vida eterna
HAI QUEN DI: “As testemuñas de Xehová non cren en Xesús”.
Como responderías?
RESUMO
Xesús é un ser espiritual moi poderoso. É o Fillo de Deus e o Mesías.
Repaso
Por que se di de Xesús que “de toda criatura el é o primeiro nacido”?
Que fixo Xesús antes de vir á Terra?
Como sabemos que Xesús é o Mesías?
INVESTIGA
Aprende máis sobre o papel de Xesús como Mesías.
“Demostran as profecías mesiánicas que Xesús foi o Mesías?” (Artigo web)
Descubre se a Biblia ensina que Deus chegou a ser o pai de Xesús de maneira literal, do mesmo xeito que os humanos teñen fillos.
“Por que se lle chama a Xesús o Fillo de Deus?” (Artigo web)
Analiza por que a Trindade non é unha ensinanza bíblica.
“Son Xesús e Deus a mesma persoa?” (La Atalaya, 1 abril 2009)
Le como lle cambiou a vida a unha muller cando aprendeu o que di a Biblia sobre Xesús.
“Unha muller xudía explica por que reconsiderou as súas crenzas” (¡Despertad!, maio 2013)
a Tanto Mesías como Cristo son títulos que se refiren ó escollido de Deus para salvar a humanidade. As leccións 26 e 27 analizarán por que necesita ser salvada a humanidade e como nos salva Xesús.