1. Quen é Xesús?

Xesús é un ser espiritual moi poderoso que vive no ceo. Xehová creouno antes que todo o demais. Por iso se di que “de toda criatura el é o primeiro nacido” (Colosenses 1:15). A Biblia di que Xesús é o “Fillo Unixénito” de Deus porque foi o único creado directamente por El (Xoán 3:16). Traballou moi preto do seu Pai, Xehová, e axudoulle a crear tódalas demais cousas (le Colosenses 1:16). Xesús segue a desfrutar dunha relación estreita con Xehová. El serve lealmente a Deus como “a Palabra”, é dicir, como portavoz que leva as súas mensaxes e instrucións (Xoán 1:14).

Pecamos, sufrimos e morremos porque a primeira parella humana, Adam e Eva, desobedeceu a Deus.a Pero non estamos sen esperanza. Xehová mandou o seu Fillo, Xesucristo, á Terra para que morrese por nós e así puidese liberarnos da maldición do pecado e a morte. A Biblia ensina que coa súa morte Xesús pagou un rescate. Un rescate é o prezo que se paga para liberar a alguén. O prezo que Xesús pagou foi o valor da súa vida humana perfecta (le Mateo 20:28). Ó renunciar de boa gana ó seu dereito de vivir para sempre na Terra, Xesús abriu o camiño para que puidésemos recuperar todo o que Adam e Eva perderan. Tamén demostrou canto nos queren el e mais Xehová. Esta lección axudarache a aumentar o teu agradecemento pola morte de Xesús.

1. Como nos pode beneficiar na actualidade a morte de Xesús?

Como somos pecadores, facemos moitas cousas que lle desagradan a Xehová. Pero se nos arrepentimos de verdade dos nosos pecados, lle pedimos a Xehová por medio de Xesús que nos perdoe e facemos todo o posible por non repetir eses erros, poderemos desfrutar dunha amizade moi estreita con Deus (1 Xoán 2:1). A Biblia di: “Cristo morreu unha vez polos vosos pecados, o xusto polos pecadores, para vos achegar a Deus” (1 Pedro 3:18).

2. Como nos poderá beneficiar no futuro a morte de Xesús?

Xehová enviou a Xesús para ofrecer a súa vida humana perfecta “para que todo o que cre nel non se perda, senón que teña vida eterna” (Xoán 3:16). Grazas ó que fixo Xesús, Xehová pronto reparará tódalas cousas malas que causou a desobediencia de Adam. Isto significa que se demostramos ter fe no sacrificio de Xesús, teremos a oportunidade de desfrutar da vida para sempre na Terra feita un paraíso! (Isaías 65:21-23).

AFONDA MÁIS

3. A morte de Xesús libéranos do pecado e da morte

VÍDEO: Por que morreu Xesús? (Parte 1) (2:01)

• Que oportunidade perdeu Adam cando desobedeceu a Deus?

Lede Romanos 5:12 e logo comentade esta pregunta:

• Que efecto tivo o pecado de Adam na túa vida?

Lede Xoán 3:16 e logo comentade esta pregunta:

• Por que mandou Xehová o seu Fillo á Terra?

1. Adam foi un home perfecto que desobedeceu a Deus e, por culpa diso, tódolos humanos pecamos e morremos

2. Xesús foi un home perfecto que obedeceu a Deus e, grazas a iso, tódolos humanos temos a oportunidade de ser perfectos e vivir para sempre

4. A morte de Xesús pode beneficiar a tódalas persoas

VÍDEO: Por que morreu Xesús? (Parte 2) (2:00)

• Como podería a morte dun só home beneficiar a todo o mundo?

Lede 1 Timoteo 2:5, 6 e logo comentade esta pregunta:

• Adam foi un home perfecto pero, por culpa do seu pecado, tódolos humanos herdamos a imperfección e a morte. Xesús tamén foi un humano perfecto. Por que foi a súa morte un rescate equivalente e que conseguiu grazas a iso?

5. O rescate é un regalo que che fixo Xehová

Os amigos de Xehová ven o rescate como un regalo persoal. Para ver un exemplo, lede Gálatas 2:20 e logo comentade esta pregunta:

• Como indicou o apóstolo Paulo que para el o rescate era como un regalo persoal?

Cando Adam pecou, condenouse a si mesmo e a tódolos seus descendentes a morte. Pero Xehová enviou o seu Fillo a morrer para que teñas a oportunidade de desfrutar da vida para sempre.

Segundo vaias lendo os seguintes versículos, imaxina como se debeu sentir Xehová ó ver sufrir o seu Fillo. Lede Xoán 19:1-7, 16-18 e logo comentade esta pregunta:

• Como te sentes ó pensar no que fixeron Xehová e Xesús por ti?

RESUMO

A morte de Xesús puxo a base para que Xehová poida perdoar os nosos pecados e dános a oportunidade de desfrutar da vida para sempre.

Repaso

• Por que morreu Xesús?

• De que xeito foi a vida humana perfecta de Xesús un rescate equivalente?

• Como te pode beneficiar a ti a morte de Xesús?

INVESTIGA

Aprende por que se lle chama rescate á vida humana perfecta de Xesús.

“Por que o sacrificio de Xesús é un ‘rescate por todos’?” (Artigo web)

Descubre que necesitamos para salvarnos.

“Como nos salva Xesús?” (Artigo web)

Pode perdoar Xehová incluso os pecados graves?

“Preguntas sobre a Biblia” (La Atalaya, 1 maio 2013)

Mira como aprender sobre o sacrificio de Xesús lle axudou a un home a transformar a súa personalidade.

“Xa non son escravo da violencia” (Artigo web)

1. Cal é unha maneira de demostrar que agradecemos o que Deus e Cristo fixeron por nós?

A Biblia promete que “todo o que cre nel”, é dicir, en Xesús, pode vivir para sempre (Xoán 3:16). Crer en Xesús implica demostrar a nosa fe coas decisións que tomamos e as cousas que facemos (Santiago 2:17). Cando demostramos a nosa fe co que facemos e co que dicimos, fortalecemos a nosa amizade con Xesús e co seu Pai, Xehová (le Xoán 14:21).