ASPECTO DA ORATORIA 7

Exactitude e razoamento convincente

Lucas 1:3

EN QUE CONSISTE? Utilizar información de fontes fiables para axudar ós presentes a chegar á conclusión correcta.

Consulta fontes fiables. Basea os teus comentarios na Palabra de Deus e le directamente dela sempre que sexa posible. Se fas referencia a un dato científico, unha noticia, unha experiencia ou calquera outra información, asegúrate de que a fonte sexa fiable e que os datos estean actualizados.
Usa ben a información. Explica os textos bíblicos en harmonía co contexto, coa mensaxe xeral da Biblia e coas publicacións do “criado fiel e prudente” (Mt. 24:45). Utiliza a información segrar de xeito exacto e sen cambiar o significado orixinal, tendo en conta o contexto e o que quixo dicir o escritor.

Non esaxeres os datos nin as cifras. Ten coidado de que “algunhas persoas” non se convertan na “maioría das persoas”, “nalgúns casos” en “sempre” e “posiblemente” en “probablemente”.
Razoa cos presentes. Despois de ler un texto bíblico ou citar dunha fonte de información, fai preguntas con tacto ou ilustra a idea que queres destacar para axudar ós presentes a chegar á súa propia conclusión.