ASPECTO DA ORATORIA 1

Introdución eficaz

Feitos 17:22

EN QUE CONSISTE? Captar a atención do auditorio dende o comezo, identificar o tema do que se vai falar e explicar por que debería interesarlles ós presentes.

COMO LOGRALO?

Capta a atención. Escolle unha pregunta, un caso da vida real ou unha noticia que penses que lles poida interesar ós presentes.

Reflexiona con suficiente antelación no que lles interesa ou preocupa, e adapta a túa introdución.
Identifica o tema. Asegúrate de que na introdución se expoña claramente o tema e o obxectivo da presentación.
Explica por que o tema é importante. Adapta a información de xeito que sexa práctica para os que te escoitan. É importante que entendan ben como a información pode axudalos persoalmente.

Mentres preparas un discurso pensa cales son os problemas que afrontan os irmáns e as irmás da congregación. Despois, adapta a introdución ás súas necesidades.