O tema principal da Biblia está relacionado co Reino de Deus. Xehová utilizará ese Reino para conseguir que se cumpra o que tiña pensado para a Terra. Que é o Reino? Como sabemos que xa está gobernando? Que conseguiu ata agora? E que fará no futuro? Esta lección e as dúas seguintes responderán estas preguntas.

1. Que é o Reino de Deus e quen é o seu Rei?

O Reino é un goberno que formou Xehová. O seu Rei é Xesucristo e goberna dende o ceo (Mateo 4:17; Xoán 18:36). A Biblia di que Xesús “reinará por sempre” (Lucas 1:32, 33). Como Rei do Reino de Deus, Xesús gobernará sobre tódalas persoas da Terra.

2. Quen goberna con Xesús?

Xesús non goberna só. A Biblia di que “xentes de toda raza, lingua, pobo e nación” gobernan con el (Apocalipse 5:9, 10). Cantos gobernarán con Cristo? Dende que Xesús veu á Terra, millóns de persoas fixéronse seguidoras del. Pero só 144.000 van ó ceo para gobernar con Xesús (le Apocalipse 14:1-4). Tódolos demais cristiáns vivirán na Terra e serán cidadáns dese Reino (Salmo 37:29).

3. Por que é superior o Reino de Deus ós gobernos humanos?

Aínda que hai gobernantes humanos que intentan facer as cousas ben, non teñen o poder para facer todo o que queren. E co tempo son cambiados por outros gobernantes que poida que non pensen no que é mellor para os cidadáns. Pero o Rei do Reino de Deus nunca será cambiado por outro. Deus estableceu “un reino que endexamais non será derrubado” (Daniel 2:44). Xesús gobernará sobre toda a Terra, sen favoritismos. El é cariñoso, amable e xusto, e ensinaralles ás persoas a tratarse uns ós outros do mesmo xeito: con amor, amabilidade e xustiza (le Isaías 11:9).

4. O Reino de Deus vai gobernar sobre toda a Terra

Xesucristo ten máis poder que calquera outro gobernante da historia. Lede Mateo 28:18 e logo comentade esta pregunta:

• Por que ten Xesús máis autoridade que calquera gobernante humano?

Os gobernantes humanos a miúdo cambian uns por outros e cada un só pode gobernar unha parte da terra. Pero, pásalle o mesmo ó Reino de Deus? Lede Daniel 7:14 e logo comentade estas preguntas:

• Cal é a vantaxe de que o Reino de Deus nunca vaia ser destruído?

• Cal é a vantaxe de que goberne sobre toda a Terra?

5. Os gobernos humanos teñen que ser substituídos

Por que o Reino de Deus ten que ocupar o lugar dos gobernos humanos? Poñede o VÍDEO e logo comentade esta pregunta:

VÍDEO: Que é o Reino de Deus? (fragmento) (1:41)

• Cal foi o resultado de que gobernasen os seres humanos?

Lede Eclesiastés 8:9 e logo comentade estas preguntas:

• Pensas que o Reino de Deus debería ocupar o lugar dos gobernos humanos? Por que?

6. Os gobernantes do Reino de Deus enténdennos

Xesús, o noso Rei, pódese “compadecer das nosas debilidades” porque viviu como humano na Terra (Hebreos 4:15). Os 144.000 que gobernarán con Xesús son homes e mulleres fieis que Xehová escolleu “de toda raza, lingua, pobo e nación” (Apocalipse 5:9).

• Cres que é tranquilizador que Xesús e tódolos que van gobernar con el saiban o que é vivir como humanos? Por que?

7. As leis do Reino de Deus son superiores

Os gobernos humanos fan leis pensadas para beneficiar e protexer os seus cidadáns. O Reino de Deus tamén ten leis que os seus cidadáns teñen que seguir. Lede 1 Corintios 6:9-11, TNM e logo comentade estas preguntas:

• Como cres que será o mundo cando todos sigan as normas de Deus?a

• Cres que é lóxico que Xehová lles pida ós cidadáns do seu Reino que obedezan estas leis? Por que?

• Que demostra que as persoas que non obedecen estas leis poden chegar a cambiar? (Ver o versículo 11).

RESUMO

O Reino de Deus é un goberno real que está no ceo e que gobernará sobre toda a Terra.

Repaso

• Quen son os gobernantes do Reino de Deus?

• Por que o Reino de Deus é superior a calquera goberno humano?

• Que espera Xehová dos cidadáns do seu Reino?

INVESTIGA

Analiza o que ensinou Xesús sobre onde está o Reino.

“É o Reino de Deus algo que temos no corazón?” (Artigo web)

Por que as testemuñas de Xehová deciden ser leais ó Reino de Deus antes que a calquera goberno humano?

Leais ó Reino de Deus (1:43)

Analiza o que ensina a Biblia sobre os 144.000 que Xehová escolleu para gobernar con Xesús.

“Quen vai ó ceo?” (Artigo web)

Que convenceu a unha muller que estaba no cárcere de que só Deus pode traer xustiza ó mundo?

“Atopei a solución á inxustiza” (¡Despertad!, novembro 2011)

O Reino de Deus empezou a gobernar no ceo en 1914. Ese ano tamén empezaron os últimos días da gobernación humana. Por que o sabemos? Analiza o que profetizou a Biblia, como é o mundo e como é a xente dende 1914.

1. Que indican as profecías da Biblia?

O libro bíblico de Daniel indica que o Reino de Deus empezaría a gobernar cando se terminase un período chamado “sete tempos” (Daniel 4:13, 14, nota [4:16, 17, TNM]). Séculos máis tarde, cando estivo na Terra, Xesús ensinou que ese período aínda non rematara e chamoulle “o tempo das nacións” (Lucas 21:24, EME). Como veremos, os sete tempos acabaron no ano 1914.

2. Como son o mundo e a xente dende 1914?

Os discípulos de Xesús pedíronlle: “Dinos cando van pasar estas cousas, e cal será o sinal da túa chegada e da fin do mundo” (Mateo 24:3). Para responderlles, Xesús profetizou moitas das cousas que pasarían despois de empezar a gobernar no ceo como Rei do Reino de Deus. Algunhas delas serían as guerras, a fame e os terremotos (le Mateo 24:7). A Biblia tamén profetizou que a forma de ser da xente nos “días derradeiros”, ou últimos días, faría que vivísemos tempos difíciles (2 Timoteo 3:1-5). Todo isto empezou a ser máis evidente dende o ano 1914.

3. Por que empeoraron tanto as cousas dende que empezou a gobernar o Reino de Deus?

Pouco despois de chegar a ser Rei do Reino de Deus, Xesús empezou unha guerra no ceo contra Satanás e os demos. Satanás perdeu esa guerra e a Biblia di que o botaron “á terra; e ós seus anxos con el” (Apocalipse 12:9, 10, 12). Satanás está moi enfadado porque sabe que vai ser destruído. Por iso está provocando tanta dor e sufrimento por toda a Terra. Esa é a razón pola que o mundo está tan mal. O Reino de Deus solucionará todos estes problemas.

AFONDA MÁIS

4. A Biblia sinala o ano 1914

VÍDEO: O Reino de Deus empezou a gobernar en 1914 (5:02)

Deus fixo que o rei Nabucodonosor da antiga Babilonia tivese un soño profético. Ese soño e a interpretación que lle deu Daniel indican que esa profecía se cumpriría tanto na gobernación de Nabucodonosor coma no Reino de Deus (lede Daniel 4:14 [4:17, TNM]).a

Lede Daniel 4:17-23 (4:20-26, TNM) e logo utilizade a táboa da páxina seguinte para comentar estas preguntas:

• (A) Que viu Nabucodonosor no seu soño? (Ver os versículos 17 e 18 [20 e 21, TNM]).

• (B) Que lle pasaría a árbore? (Ver o versículo 20 [23, TNM]).

• (C) Que pasaría ó acabar os “sete tempos”? (Ver o versículo 23 [26, TNM]).

Que relación hai entre o soño da árbore e o Reino de Deus

A PROFECÍA (Daniel 4:17-33 [4:20-36, TNM])

Goberno

(A) Unha árbore enorme

Interrómpese o goberno

(B) “Derrubade a árbore” ata que pasen sobre ela “sete tempos”

Restáurase o goberno

(C) “Porque che vai conserva-la realeza”

No primeiro cumprimento desta profecía...

• (D) A quen representaba a árbore? (Ver o versículo 19 [22, TNM]).

• (E) Como se interrompeu o seu goberno? (Lede Daniel 4:26-30 [4:29-33, TNM]).

• (F) Que lle pasou a Nabucodonosor ó rematar os “sete tempos”? (Lede Daniel 4:31-33 [4:34-36, TNM]).

PRIMEIRO CUMPRIMENTO

Goberno

(D) Nabucodonosor, Rei de Babilonia

Interrómpese o goberno

(E) Despois do ano 606 a. n. e., Nabucodonosor tolea da cabeza e non pode gobernar por sete anos literais

Restáurase o goberno

(F) Nabucodonosor recupera o xuízo e empeza a gobernar outra vez

No segundo cumprimento desta profecía...

• (G) A quen representaba a árbore? (Lede 1 Crónicas 29:23).

• (H) Como se interrompeu o seu goberno? Como sabemos que seguía interrompido cando Xesús estivo na Terra? (Lede Lucas 21:24).

• (I) Cando e onde se restaurou este goberno?

SEGUNDO CUMPRIMENTO

Goberno

(G) Reis israelitas que representan o goberno de Deus

Interrómpese o goberno

(H) Xerusalén é destruída, interrómpese a liña dos reis israelitas durante 2520 anos

Restáurase o goberno

(I) Xesús empeza a gobernar no ceo como Rei do Reino de Deus

5. O mundo cambiou de 1914 en diante

Poñede o VÍDEO.

VÍDEO: O mundo cambiou de 1914 en diante (1:10)

Xesús profetizou que cousas pasarían na Terra despois de que el chegase a ser Rei. Lede Lucas 21:9-11 e logo comentade esta pregunta:

• Cales destas cousas viches ou de cales oíches falar?

O apóstolo Paulo describiu como sería a xente durante os “días derradeiros” ou últimos días da gobernación humana. Lede 2 Timoteo 3:1-5 e logo comentade esta pregunta:

• Cales destas actitudes e comportamentos ves hoxe na xente?

6. Saber que o Reino de Deus xa goberna debería motivarnos a actuar

Lede Mateo 24:3, 14 e logo comentade estas preguntas:

• Que importante obra demostra que o Reino de Deus xa goberna?

• Como podes participar ti nesa obra?

O Reino de Deus xa está gobernando no ceo, e dentro de pouco tamén gobernará sobre toda a Terra. Lede Hebreos 10:24, 25 e logo comentade esta pregunta:

• Que deberiamos facer cada un de nós ó ver “que está a chegar aquel día”?

RESUMO

As profecías da Biblia, a historia e as cousas que pasan no mundo demostran que o Reino de Deus xa está gobernando. Demostramos que estamos convencidos disto predicando e indo ás reunións.

Repaso

• Que pasou cando remataron os sete tempos dos que se fala no libro de Daniel?

• Que te convence a ti de que o Reino de Deus empezou a gobernar en 1914?

• Como podes demostrar que cres que o Reino de Deus xa goberna?

INVESTIGA

Analiza o que din os historiadores e outras persoas sobre os cambios que houbo no mundo de 1914 en diante.

“O tempo no que os valores morais se viñeron abaixo” (¡Despertad!, abril 2007)

Le o efecto que tivo na vida dun home a profecía de Mateo 24:14.

“O que máis me gustaba no mundo era o béisbol” (La Atalaya, núm. 3 2017)

Por que sabemos que a profecía do capítulo 4 de Daniel tamén se cumpre no Reino de Deus?

“Cando empezou a gobernar o Reino de Deus? (Parte 1)” (La Atalaya, 1 outubro 2014)

Por que sabemos que os “sete tempos” que se mencionan no capítulo 4 de Daniel remataron en 1914?

“Cando empezou a gobernar o Reino de Deus? (Parte 2)” (La Atalaya, 1 novembro 2014)

O Reino de Deus xa goberna e pronto fará grandes cambios na Terra. Nesta lección imos analizar algunhas das cousas boas que fará ese Reino.

1. Como vai restaurar o Reino de Deus a paz e a xustiza na Terra?

Xesús, o Rei do Reino de Deus, vai destruír a xente mala e os gobernos na guerra de Harmaguedón (Apocalipse 16:14, 16). Entón cumprirase a promesa da Biblia que di: “Un pouco aínda: xa os impíos non existen” (Salmo 37:10). Mediante o Reino, Xesús encargarase de que haxa paz e xustiza por toda a Terra (le Isaías 11:4).

2. Como será a vida cando se faga a vontade de Deus na Terra?

Baixo o Reino de Deus, “os xustos herdarán a terra e habitarán nela para sempre” (Salmo 37:29). Imaxina o que será vivir nun mundo onde tódalas persoas sexan xustas e amen a Xehová e ós demais. Ninguén enfermará e todos vivirán para sempre.

3. Que conseguirá o Reino de Deus despois de que a xente mala sexa destruída?

Despois de que a xente mala sexa destruída, Xesús gobernará como Rei por mil anos. Durante ese tempo, el e os 144.000 que gobernen con el axudarán ós humanos que vivan na Terra a chegar a ser perfectos. Ó final dese período, a Terra será un fermoso paraíso. Estará chea de persoas que serán felices porque obedecen as leis de Xehová. Entón Xesús entregaralle o Reino ó seu Pai. O nome de Xehová será santificado como nunca antes (Mateo 6:9, 10). Quedará demostrado que Xehová é un bo gobernante que se preocupa polas persoas. Entón Xehová destruirá a Satanás, os demos e a calquera outro que decida rebelarse contra o seu goberno (Apocalipse 20:7-10). As condicións perfectas que traerá o Reino de Deus durarán para sempre.

AFONDA MÁIS

4. O Reino de Deus vai acabar cos gobernos humanos

“Un home domina sobre outro para mal” (Eclesiastés 8:9). Xehová vai usar o seu Reino para reparar todo o dano causado polos gobernos humanos.

Lede Daniel 2:44 e 2 Tesalonicenses 1:6-8 e logo comentade estas preguntas:

• Que farán Xehová e Xesús cos gobernos humanos e coa xente que os apoia?

• Polo que levas aprendido sobre Xehová e Xesús, por que podes estar seguro de que todo o que farán será xusto e imparcial?

5. Xesús é o mellor Rei

Como Rei do Reino de Deus, Xesús fará moitas cousas boas polas persoas que vivan na Terra. Poñede o VÍDEO para ver como demostrou Xesús que quere axudar a xente e que ten o poder de Deus para facelo.

VÍDEO: Xesús demostrou o que vai facer o Reino (1:13)

Cando estivo na Terra, Xesús deu un adianto do que faría o Reino. Lede os textos que falan das cousas boas que fixo e fará Xesús. Cal desas promesas tes máis ganas de ver cumprida?

6. O Reino de Deus daranos un futuro marabilloso

VÍDEO: Un anticipo dun futuro marabilloso (4:38)

Lede Salmo 145:16 e logo comentade esta pregunta:

• Como te sentes ó saber que Xehová lle dará “fartura a todo ser vivo”?

RESUMO

O Reino de Deus vai lograr o seu obxectivo. Converterá toda a Terra nun paraíso cheo de persoas boas que adorarán a Xehová para sempre.

Repaso

• Como se santificará o nome de Xehová grazas ó seu Reino?

• Por que podemos confiar en que o Reino de Deus cumprirá as promesas da Biblia?

• De tódalas cousas boas que vai conseguir o Reino, cal é a que máis esperas ver cumprida?

INVESTIGA

Descubre que é o Harmaguedón.

“Que é a guerra de Harmaguedón?” (Artigo web)

Le o que vai suceder durante a gran tribulación da que falou Xesús en Mateo 24:21.

“Que é a gran tribulación?” (Artigo web)

Mira como poden as familias imaxinar que están xuntas no Paraíso desfrutando das cousas boas que fará o Reino.

Imaxínate no Paraíso (1:50)

No artigo “Tiña moitas preguntas na cabeza” fíxate en como un rebelde político atopou as respostas que buscaba.

“A Biblia cambioulles a vida” (La Atalaya, 1 xaneiro 2012)