IZAIAS

 2 Mollba aik, ani prithume dhean di,

Karonn Jehova* mhunntta:

“Hanvem putank lhanache vhodd kele,

Punn te mhojea add gele.

 3 Boil aplea dhoniak borea bhaxen vollkhota,

Ani gaddum aplea dhoniachea khaunnek* vollkhota.

Punn Izrael mhaka* vollkhona,

Mhojech lok somjikaien vagonant.”

Tannim Jehovak soddun dila,

Tannim Izraelachea Povitr Devacho opman kela,

Tannim taka fatt kelea.

Tumchi akʼkhi tokli ghaveamnim bhorlea,

Ani akʼkhem kalliz duent asa.

Sogleak ghave zaleat, mar* lagla ani ukte ghave asat*

—Konnench tancho ilaz korunk na,* te bandunk nant vo tel lavun mov korunk nant.

 8 Sionachea dhuvek drakxanchea molleantlea mattva* sarkem soddun dilam,

Tem touxeanchea xetantlea khompi sarkem

Ani soinikamnim gherav ghatlolea xara sarkem zalam.

 9 Fouzancho Dev Jehovan amchea modlea thoddeank jive dovrunk nasle zalear,

Ami Sodoma bhaxen zatole asle,

Ani amchi poristhiti Gomora bhaxen zatoli asli.

12 Mhojea mukhar ieun,

Mhojea mondirachim angnnam maddounk,

Tumkam konnem sanglam?

Tumi nove chondrimache dis* ani sabath monoitat, ani povitr sobha dovortat

—Punn tumi jadu kortat ani teach borabor povitr zomat dovortat, tem mhojean sosunk zaina.

Teo mhaka vojeacho bhar koxeo zaleat,

Tanchem vojem uklun mhaka puro zalam.

15 Tumi mhojea mukhar hat posraitat tednam,

Hanv mhoje dolle dhamptam.

Tumi zaitim magnnim kortat,

Punn hanv tumchem aikona,

Karonn tumche hat rogtan bhorleat.

16 Tumi tumkanch dhuvun nitoll korat,

Mhojea mukhavoilim tumchim noxttim kamam kaddun uddoiat,

Vaitt korop bond korat.

17 Borem korunk xikat, neai korat,

Zulum kortoleak sudhraiat,

Onathacho* hokʼk rakhat,

Ani vidve pasot uloiat.”

Tumchim patkam rogta sarkim tambddim aslear pasun,

Tim borfa bhaxen dhovim zatolim.

Tim samkinch tambddim aslear pasun,

Tim vula bhaxen dhovim zatolim.

19 Tumi mhojem aikonk toiar asat zalear,

Tumi desantleo boreo-boreo vostu khatole.

20 Punn tumi aikonk toiar nant ani mhojea add gelear,

Tolvar tumkam khaun uddoitoli,*

Karonn Jehovan oxem mhunnttlam.”

Eka vellar thoim sodanch neai zatalo,

Thoim nitivontponn ravtalem,

Punn atam thoim khun korpi ravtat.

22 Tumchi chandi mhelli zalea,

Ani tumchea soreant* udok miks* zalam.

Te onathank* neai dinant,

Ani vidvechi kes tanchea koddem kednanch pavona.

24 Taka lagon khoro Dhoni, fouzancho Dev Jehova,

Izraelacho Xoktivont Dev, oso mhunntta:

“Atam puro! Mhojea dusmanank hanv mhojea mukhavoile nanch kortolom

Ani mhojea dusmanam koddlean bodlo ghetolom.

25 Hanv tumchea add mhozo hat ubartolom,

Chandi pigllaun tantuntlo soglo mhell sabanvan* kaddun uddoitat toso,

Hanv tujem soglem mhelleponn kaddun uddoitolom.

26 Poilim bhaxen, hanv tumcher neai korpi

Ani tumchea pasot solʼle diupi nemtolom.

27 Sionachi neai-a pormonnem suttka zatoli,

Ani tiche je lok porot ietole tanchi nitivontponnan suttka zatoli.

28 Punn je add voitat tancho, ani patkeancho ekach borabor nas zatolo,

Ani Jehovak soddun voitat tanchem nisontton zatolem.

29 Karonn tumkam avoddttale tea vhoddlea-vhoddlea rukhanchi tankam loz bhogtoli,

Ani tumi vinchun kaddlolea bagenk* lagon tumcho opman zatolo.

30 Panam sukon gelolea eka vhoddlea rukha sarke tumi zatole,

Ani udok naslolea eke bage sarki tumchi poristhiti zatoli.

31 Bollvont munis suklolea tonna sarko zatolo,

Ani tachem kam ujeachea kittʼtte sarkem zatolem.

Donui borabor zollttole,

Ani tankam palounk konnuch aschona.”

 2 Xevottachea disamnim*

Jea dongrar Jehovachem ghor asa,

To soglea dusrea porvotam poros unch stapon zatolo,

Ani soglea dongram poros voir ubarlolo astolo,

Ani soglim raxttram tache lagim lotton ietolim.

“Ieiat, ami Jehovachea dongrar choddom-ia,

Jakobachea Devachea ghorant vochom-ia.

To amkam tacheo vatto xikoitolo,

Ani ami tache vatten choltolim.”

Karonn Sionantlean kaido,*

Ani Jeruzalemantlean Jehovachem utor bhair sortolem.

 4 To veg-vegllea raxttrantlea lokanchi zhoddtti kortolo,

Zaitea desantlea lokanche vad-vivad suttave kortolo.

Te apleo tolvari moddun zotam kortole,

Ani aplea bhaleancheo koiteo* kortole.

Ek raxttr dusrea raxttra add porot anik tolvar ubarchem na,

Toxench, te porot kednanch zhuz pasun korunk xikchenant.

 5 Jakobachea ghorannea, ieo,

Ami Jehovachea uzvaddant cholom-ia.

 6 Deva, tunvem tujea lokank, Jakobachea ghoranneak soddun dila,

Karonn udentecheo zaiteo vostu tannim apnnaileat,

Te Filistevkaram bhaxen jadu kortat,

Ani tancho des pordexianchea bhurgeamnim bhorla.

 7 Tanche lagim zaiti chandi ani bhangar asa,

Ani hixob naslole theve asat.

Tancho des ghoddeamnim bhorla,

Ani tanche lagim hixob na titlim rotham asat.

Te apleach hatanchea kama mukhar,

Ani apleach bottamnim toiar kelʼlea murteam mukhar man bagoitat.

10 Jehovachea krodhak lagon ani tachea mhoimevont vorteponnak lagon

Khoddpamnim vochat ani tumkam dhulʼlint lipoiat.

11 Tednam gorvan bhorloleank* loz bhogchi poddttoli,

Ani ghomonddi munxacho ghomondd denvtolo.*

To dis gorvixttancher ani gorvan fulʼloleancher,

Sogleancher, mhotvachea ani sadea munxancher,

13 Lebanonachea soglea unch ani vhoddlea cedar* zhaddancher,

Ani Bashanachea soglea oak* zhaddancher,

14 Soglea unch dongrancher

Ani soglea vhoddlea porvotancher,

15 Dor eka vhoddlea gopuracher ani dor eke ghott vontticher,

16 Tarshishachea soglea tarvancher

Ani sobit vhoddeancher to ieta.

17 Tednam munxachea gorvacho churo zatolo,

Tacho soglo ghomondd denvtolo.*

19 Jednam Jehova mhoimebhorit vorteponnan ietolo

Ani apli bhirant posraitolo,

Jednam to prithumek bhirantin koddkoddaitolo,

Tednam lok khoddpanchea dholimnim

Ani zomnichea fonddamnim vochon liptole.

20 Tea disamnim lok apleo chandicheo ani bhangracheo murteo

Jeo tannim puza korunk toiar kelʼleo,

Teo chichundream ani pakheam mukhar uddoitole.

21 Ani lok khoddpanchea dholimnim

Ani tollpanchea khanchimnim ghustole,

Karonn Jehova aplea mhoimebhorit vorteponnan ietolo

Ani apli bhirant posraitolo,

To prithumek bhirantin koddkoddaitolo.

22 Tumcheach boreak lagon, munxacher visvas dovrop soddun diat,

To fokot nakachea puddantlo svas zaun asa.

3 Polloi! khoro Dhoni, fouzancho Dev Jehova,

Jeruzalem ani Juda koddlean tancho sogle torecho adar kaddun ghetolo,

Ani tankam ieta to unddo ani udokui bond kortolo.

 2 Tanchea xoktivont munxak ani zhuzareak,

Neai korpeak ani provadeak, fuddar parkhupeak ani vhoddilak,

 3 50 munxachea mukheleak, unch odhikareak ani solʼlo diupeak,

Onnbhov aslolea jadugarak ani sorop dhorpeak to kaddun uddoitolo.

 4 Hanv cheddeank tanche kunvor kortolom,

Ani mon bodlit ravtat te* tancher odhikar choloitole.

 5 Lok eka-mekacher zulum kortole,

Dor eklo aplea sangateacher zulum kortolo.

Bhurgo zanntteachea angar voitolo,

Ani kainch valor naslolo munis man aslolea munxacho opman kortolo.

“Hanv tuzo ghavo bandpi* zaunchom na,

Mhojeach ghorant mhaka jevonn na vo kopdde nant.

 8 Jeruzalem addkhollʼllam,

Ani Juda poddlam,

Karonn tanchem ulovop ani tanchi vagnnuk Jehova add asa,

Mhoimevont Devachea dolleam mukhar tannim tachi adnea moddlea.

 9 Tanchea tondda voile hav-bhav tanchea add govai ditat,

Ani te Sodomachea lokam bhaxen aplea patkam vixim vorʼran* sangtat.

10 Nitivontank sangat ki tanchem borem zatolem,

Tankam tanchea kamachem borem foll mellttolem.

Tancher odruxtt ietolem,

Karonn tannim dusreank kelam toxench tanchea-i sangata ghoddttolem.

13 Jehova lokank guneanvkari tharaunk toiar zata,

Ani aplo nirnnoi sangonk ubo ravta.

14 Jehova aplea lokanchea vhoddilanchi ani kunvranchi zhoddtti kortolo,

To tankam mhunnttolo, “Tumi drakxanche molle zolloun kabar kele,

Ani goribam koddlean luttlolea vostumnim aplim ghoram bhorlim.

15 Mhojea lokank chiddʼddunk

Ani goribanchem tondd matient zhorounk tumi kapostad koxi keli?”* oxem Akʼkhea Vixvacho Dhoni, fouzancho Dev Jehova mhunntta.

Tim apleo tokleo voir kaddun choltat,

Dolle martat, bhendd haloit choltat,

Ani aplea painzonnancho avaz korit bhonvtat.

17 Taka lagon, Jehova Sionachea dhuvanchea tokler khoroz* zai-xi kortolo,

Ani Jehova tanchea tokler ekui kens urona toso kortolo.

18 Tea disa, tankam sobitkai haddtta teo vostu Jehova kaddun ghetolo, tanchim kanknnam,

Toklek ghalpacheo vostu ani chondrachea akarache nettouncheo vostu,

19 Kanantlim, breslett* ani veil,*

20 Oddnni,* painzonnam, hoddʼddeache pottʼtte,*

Cheracheo battleo, taviz,*

21 Mudio, nakachim notim,

22 Moladik kopdde, lamb kott, shol ani porsi,*

23 Hatint dhorpache harxe, bhitorle vistid,*

Munddaxe* ani veil.

24 Balsamachea* telachea bodlek tanchea angak kuslolo vas ietolo,

Pottʼtteachea bodlek tanchea bhenddak dori bandloli astoli,

Sobit kensanchea bodlek tim khoddʼddim zalʼlim astolim,

Mharog kopddeachea bodlek tim sak ghalun astolim,

Ani sobitkaiechea bodlek tanchea angacher dag* astolo.

25 Tuje munis tolvarin mortole,

Ani tuje xoktivont zhuzari zhuzant mortole.

26 Sionachim daram roddttolim ani dukh kortolim,

Ani tem padd zaun zomnir bostolem.”

“Ami amchea jevnnachem

Ani kopddeanchem polloun ghetolim.

Fokot amcho opman* pois korunk,

Tum amkam apnnaun tujem nanv di.”

5 Hanv zacho khub mog kortam tachea pasot ek git gaitolom,

Hem git tachea vixim ani tachea drakxanchea mollea vixim asa.

Thoim tannem ekdom bori drakxanchi val roili,

Ani mollea modem ek gopur bandlo,

Toxench, drakxam maddoupacho zago khonnlo.

Uprant borim drakxam zatolim mhunn to vatt polloit ravlo,

Punn tika fokot ranvotti drakxam zalim.

 3 Taka lagon tannem mhunnttlem, “Jeruzalemant ravtoleamno ani Judachea lokamno,

Mhoje ani mhojea drakxanchea mollea modem nit korat.

Tor hanv borea drakxam pasot axeun aslom tednam,

Mhaka ranvotti drakxam kiteak mhunn mellʼllim?

 5 Mhojea drakxanchea molleak hanv kitem kortolom,

Tem hanv tumkam sangtam:

Hanv tachi voim* kaddun uddoitolom

Ani mollo zollon voitolo,

Tachi fatrachi vonnot hanv moddun uddoitolom

Ani mollo paim-am ponda maddon voitolo.

 6 Hanv taka padd zaunk soddttolom,

Taka kednanch benddche nant ani khonnche-i nant.

To mollo kantteanchea jhilkuttamnim ani tonnan bhortolo,

Ani tacher paus poddona zaunk hanv kupank hukum ditolom.

Neai mellttolo mhunn to ravlo,

Punn polloi! tannim onʼneai kelo.

To nitivontponnak ravlo,

Punn polloi! taka sonkoxttachem roddnnem aikonk ailem.”

 8 Anik zago urona tea meren,

Jim konn ghorak-ghor zoddun

Ani xetak-xet zoddun,

Akʼkhi zomin aplich zalʼlea porim thoim ravtat, tancher hai!

 9 Fouzancho Dev Jehova oso soput ghetana hanvem aikolem,

Zaitim ghoram padd zatolim, tim kitlim-i vhoddlim ani sobit aslear pasun

Tim padd zatolim ani thoim ekui munis ravchona,

Tanchi poristhiti polloun lok samkech thottoktole.

10 Karonn dha ekor drakxanchea molleantlean fokot ek bath* drakxancho soro mellttolo,

Ani ek homer* bim-am thaun fokot ek efa* itlench pik mellttolem.

11 Je soro pieunk sokallim fuddem uttʼtthat,

Ani sanjer kallokh zaisor ttaitt zaum poriant piet ravtat, tancher hai!

12 Tim jevnnam dovortat tednam kinori,* tar aslolem sadhon,

Ddofli* ani basuri* vazoitat, ani drakxancho soro dovortat.

Punn te Jehovachea kamacher dhean dinant,

Ani tachea hatachim kamam polloinant.

13 Taka lagon, mhoje lok koident voitole,

Karonn tankam mhoji vollokh na.

Tanche manadik munis upaxim poddttole,

Ani tanche sogle munis tanen vollvollttole.

14 Fonddan* aplo zago vaddoila,

Tannem aplem tondd ugddun khub vhoddlem kelam.

Tache* vhoddle-vhoddle munis,* tache bovall korpi zome ani mouza korpi munis,

Sogle Fonddant voitolech.

15 Tednam munxak man bagounchi poddttoli,

Taka loz bhogchi poddttoli,

Ani gorvixttanche dolle lojen bhortole.

18 Je fosoupachea doriemnim aple guneanv voddttat

Ani zonvaram voddttat tea doriemnim aplem patok voddttat, tancher hai!

19 Ani je mhunnttat: “Devan aplem kam begin korchem,

Ami tem pollounchem mhunn tannem tem begin korchem.

20 Je boreak vaitt ani vaittak borem mhunnttat,

Je kallkhak uzvadd ani uzvaddak kallokh mhunnttat,

Je koddu asa taka godd ani godd asa taka koddu mhunnttat, tancher hai!

21 Je aplech nodren apunn zannvaieche mhunn somzotat,

Ani je apunnuch xanne mhunn somzotat, tancher hai!

22 Je bhorpur drakxancho soro pietat,

Ani soro miks* korunk huxar asat, tancher hai!

23 Je lonch* gheun noxtteak soddttat,

Ani nitivontak neai dinant, tancher hai!

24 Jea toren ujean tonn zollon voita,

Ani agttean suklolem tonn kabar zata, tea toren tancho-i nas zatolo.

Tanchim mullam kustolim,

Tanchim fulam dhulʼli bhaxen ubon voitolim,

Karonn fouzancho Dev Jehovacho tannim kaido nakarlo*

Ani Izraelachea Povitr Devachea utracho opman kelo.

25 Taka lagon, Jehovacho rag aplea lokancher pettla,

Ani tankam marunk to aplo hat ubartolo.

Tednam dongor thorthortole,

Ani tanchim moddim kochrea sarkim rostear poddlolim astolim.

Hem soglem* polloun, tacho rag thondd zaunk na,

Punn tankam marunk tannem aplo hat azunui ubarlolo asa.

Konnanchoch bhenddacho pottʼtto luz* na,

Ani tanchea paim-anchea zoteancheo lesi tunttloleo nant.

28 Tanche sogle bann dhariche asat,

Ani tanche sogle dhonu tann kelʼle asat.*

Tanchea ghoddeanchim fuddam* ghott fatra* sarkim asat,

Ani tanchea rothanchim rodam* vadollachea varea sarkim ghunvtat.

29 Te xinva sarke goroz ghaltat,

Te tornattea xinvam sarke goroztat,

Te gurguron aplea xikaracher uddi martole ani taka gheun voitole,

Konnuch taka tanchea hatantlean vanchounk xokchona.

30 Tea disa te aplea xikaracher

Doria gurgurta tea toren gurgurtole.

Melom hanv!*

Karonn mhoje vontt oxudʼdh asat,

Ani oxudʼdh vontt aslolea munxam modem hanv ravtam.

Tuzo guneanv kaddun uddoila,

Ani tujem patok bhogsolem.”*

‘Tumi porot-porot aikotole,

Punn tumkam somzochem na.

Tumi porot-porot polloitole,

Punn tumkam kainch kollchem na.’

10 Hea lokanchem kalliz nibor kor,

Tanche kan bhere kor,

Tanche dolle kuddʼdde kor,

Jea udexim, dolle asonui te pollounk xokchenant,

Ani kan asonui te aikonk xokchenant.

Jea udexim, tanchem kalliz somzonk pavchem na,

Ani porot ieun te bore zaunk pavchenant.”

“Jea meren xaracho nas zaun tantunt ekui munis urona,

Ani ghoramnim konnuch ravona,

Ani akʼkhea desacho nas zaun to padd zaun urona, tea meren.

12 Jea meren Jehova munxank dhanvddaun pois korina,

Ani padd zalolea desachi poristhiti anikui paxtt zaina, tea meren.

“Oxem kednanch zaunchem na,

Tankam ies mellchem na.

 8 Karonn Siriechi rajdhani Damask,

Ani Damaskacho raza Rezin.

65 vorsam bhitor

Efraimache kuddkean-kuddke zatole ani tem ek raxttr mhunn anik urchem na.

 9 Efraimachi rajdhani Samaria,

Ani Samariecho raza Remaliacho put.

Tumkam ghott bhavarth na tea meren,

Tumi surokxit urchenant.”’”*

 6 “Hea lokamnim xantponnim vhanvta tem Shiloachem* udok nakarlam,

Ani te Rezin ani Remaliachea putak lagon khuxal asat.

Jehova Nhoim-chem* bollixtt ani zaitem udok tanchea add haddttolo,

Hoi, Asiriecho raza aple sogle xokten tanchea add zhuzonk ietolo.

To ieun tancheo nhoim-o ani vhall bhortolo,

Ani tancheo dego bhoron votʼtoleo

 8 Ani Judantlean voitoleo.

Tumkam zai tem mhunnat, punn tem ghoddon ieunchench na,

Karonn Dev amchea sangata asa!*

Tumi tachich bhirant dhorunk zai,

Ani tacheach mukhar tumi kampunk zai.”

14 To tumchea pasot ek povitr zago koso zatolo,

Punn Izraelachea donui ghoranneam pasot,

Adllonk ek fator koso zatolo

Ani addkhollonk ek khoddop koso zatolo,

Ani Jeruzalemant ravtolea lokam pasot,

Ek fas ani ek zall koso zatolo.

15 Zaite lok addkhollttole, poddttole ani tankam mar lagtolo,

Te fasak sampoddttole ani tankam dhortole.

16 Sondex boroilʼlo asa to kovllo guttlaun dovor,

Ani mhojea xisam modem kaideak* xikʼko marun dovor!

 2 Kallkhant choltolea lokamnim

Bhorpur uzvadd polloilo.

Kallea-kitt kallkhachea desant ravtat tea lokancher,

Uzvadd porzollʼllo.

 3 Tunvem tea raxttrachea lokancho ankddo vaddoila,

Tunvem tankam khub khuxalkai dilea.

Lunvnnechea vellar ani luttlolo mhal vanttun ghetana

Lok khuxal astat,

Toxe te tujea mukhar khuxal asat.

 4 Tancher ghatlolem zum, tanchea khandar aslolo danddo mhunnche tancher zulum kortolea odhikareancho danddo,

Tunvem moddun tache kuddkean-kuddke kele,

Zoxem tunvem Midianachea disamnim kelʼlem.

 5 Zomin haloun uddoupi soinikanche butt

Ani rogtan buddlole sogle kopdde

Ujeant lasun uddoitole.

 6 Karonn amchea pasot ek bhurgo zolmola,

Amkam ek put dila,

Taka raz cholounk* odhikar* ditole.

 7 Tachi razvottki* vaddot voitoli

Ani xanti kednanch kabar zaunchina.

To aplea rajeant Davidachea xinvasonar bostolo,

To aplem raj ghott stapon kortolo.

Atam thaun sodankal,

To neai-an ani nitivontponnan tem samballttolo.

 8 Jehovan Jakoba add sondex dhaddla,

Izraela add to sondex aila.

 9 Ani Efraimant ani Samarient ravtolea

Soglea lokank hem kollttolem,

Je gorvan ani opman korun mhunnttat:

10 “Vitteanchim ghoram poddlim zalear kitem zalem,

Ami taslolea fatramnim tim bandtole.

Anjirachim zhaddam* katorlim zalear kitem zalem,

Tachea zagear ami cedar-achim* zhaddam laitole.”

11 Jehova Rezinachea dusmanank tachea* add ubo kortolo

Ani Izraelachea dusmanank akromonn korunk uksaitolo.

12 Udente thaun Siria ani ostome* thaun Filistevkar ietole,

Te tonddam ugddun Izraelak khaun uddoitole.

Hem soglem* polloun tacho rag thondd zaunk na,

Punn tankam marunk tannem aplo hat azunui ubarlolo asa.

13 Karonn he lok tankam marla tachea lagim porot ieunk nant,

Tannim fouzancho Dev Jehovak sodhunk na.

14 Taka lagon, Jehova ekach disa bhitor Izraelachi tokli ani xempddi,

Tacho fantto ani lamb tonn* katrun uddoitolo.

15 Vhoddil ani man aslolo munis tachi tokli zaun asa,

Ani khotteo xikounneo xikoupi provadi tachi xempddi zaun asa.

16 Hea lokanche fuddari tankam bexttech hanga-thoim bhonvddaitat,

Ani tanchea fattlean voitat te ghuspoleat.

17 Taka lagon, tanchea tornatteam pasot Jehova khuxal zaunchona,

Ani tanchea onathanchi* ani vidvanchi kakut korchona,

Karonn sogle Devachea add geleat* ani noxtteponn kortat,

Ani dor ekleachea tonddantlean pixeponnachim utram bhair sortat.

Hem soglem* polloun tacho rag thondd zaunk na,

Punn tankam marunk tannem aplo hat azunui ubarlolo asa.

18 Karonn noxtteponn ujea bhaxen zollot voita,

Tem kantteanchim jhilkuttam ani ranvotti tonn zolloun uddoita.

Tem datt ranam lasun uddoitolem

Ani tacho dhunvor voir kupamnim voitolo.

19 Fouzancho Dev Jehovachea krodhan

Akʼkhea desak uzo pettla,

Tea ujeant lokancho bhosm zatolo.

20 Te aplea uzvea vatten masacho kuddko katrun khatole,

Tori astana, te upaxinch urtole.

Ani aplea dave vatten masacho kuddko khatole,

Punn dhadoxi zaunchenant.

21 Manase Efraimak khaun uddoitolo,

Ani Efraim Manasek.

Hem soglem* polloun Devacho rag thondd zaunk na,

Punn tankam marunk tannem aplo hat azunui ubarlolo asa.

10 Dusreank tras zata tosle nem-kaide kortat,

Dusreank jieunk kotthin zata toslim formonnam martat, tancher hai!

 2 Te goribank tancho hokʼk diunk nakartat,*

Te adar nasloleank neai dinant,

Te vidvam koddem asa tem kaddun ghetat

Ani onathank* luttʼttat.

Poisulʼlean tumcher nisontton ieta tednam,

Modot magonk tumi konnam koddem dhanvtole?

 4 Tumchea mukhar anik kainch vatt aschina,

Ek tor tumi koideam modem chiddʼddon poddlole astole vo moddeam modem moron poddlole astole.

Hem soglem* polloun Devacho rag thondd zaunk na,

Punn tankam marunk tannem aplo hat azunui ubarlolo asa.

 5 “Polloi! Asiriekar,*

To mhozo rag dakhouncho danddo zaun asa,

Ani tachea hatant aslolo danddo hanv khast lavunk uzar kortam!

 6 Hanv taka, mhojea add gelam tea* raxttra add dhaddttolom,

Tea lokam add dhaddttolom zannim mhaka rag haddla.

Tankam purnn toren luttunk ani rostea voilea matie bhaxen maddounk,

Hanv taka hukum ditolom.

 7 Punn tachem mon dusreach kodden astolem

Ani tachem kalliz veglleoch ievzonneo kortolem.

Karonn to raxttram kabar korunk sodhta,

Thoddeach raxttrancho nhoi, punn zaitea raxttrancho nas korunk sodhta.

 8 Karonn to mhunntta:

‘Mhoje sogle kunvor raza nhoi kai?

10 Hanvem oslim rajeam tabeant ghetleant jim valor naslolea devanchim bhokti kortalim,

Zanchea lagim Jeruzalem ani Samaria poros chodd kantoilʼleo murteo asleo!

11 Samaria ani tachea murteanchem hanvem jem kelem,

Tench hanv Jeruzalem ani tachea murteanchem korchona kai?’

12 “Sion Dongrar ani Jeruzalemant Jehova aplem soglem kam purnn korta tednam to* Asiriechea razak, tachea ghomonddi kallzak ani gorvan bhorlolea nodrek lagon khast laitolo. 13 Karonn to mhunntta,

‘Hanv hem mhojea hatachea bollan

Ani mhojea zannvaien kortolom, karonn hanv zannvaien bhorlolom.

Hanv veg-vegllea desancheo ximo kaddun uddoitolom,

Ani tanche theve luttʼttolom,

Eka xoktivont munxa bhaxen hanv thoim ravtoleank mhojea adhin kortolom.

14 Ek munis ghontterant hat ghalun tantiam kaddtta,

Tosoch hanv veg-vegllea desantlea lokanchi girestkai kaddun vhortolom.

Ani eklo soddun dilʼlim tantiam ektthaim korta,

Toso hanv prithumer aslolem soglem ektthaim kortolom!

16 Taka lagon khoro Dhoni, fouzancho Dev Jehova,

Tachea* ghott-mutt munxank oskot kortolo,

To tachi mhoima ujeant lasoun, tacho gobor korun uddoitolo.

17 Izraelacho Uzvadd uzo zatolo,

Ani tacho Povitr Dev agttem zatolo;

Tem agttem pettʼttolem ani tachem ranvotti tonn ani kantteanchim jhilkuttam ekach disa bhitor kabar korun uddoitolem.

19 Tachea ranantlim urlolim zhaddam itlim unnim astolim ki

Ek bhurgo pasun tim mezunk xoktolo.

20 Tea disa Izraelache urlole lok,

Ani Jakobachea ghoranneantle vanchon urlole lok,

Tachi anik modot gheunchenant zannem tankam marlole,

Tachea bodlek, te Izraelacho Povitr Dev,

Jehovachi modot ghetole ani takach visvaxi ravtole.

21 Fokot thoddech lok, Jakobache urlole lok

Xoktivont Deva lagim porot ietole.

22 O Izraela, tuje lok

Doria voilea renvenchea konnam sarke mezunk zainant title aslear pasun,

Tanchea modle fokot mutt-bhor* lok porot ietole.

Devan tujea lokanchem nisontton tharailam,

Ani beginuch neai* tankam buddtte bhaxen buddoitolo.

23 Hoi, Akʼkhea Vixvacho Dhoni, fouzancho Dev Jehovan tharailʼlea pormonnem,

Akʼkho des purnn toren nas zatolo.

27 Tea disa, tujea khandar dovorlolem tachem vojem,

Ani tujea maner dovorlolem tachem zum kaddttole,

Ani telak lagon tem zum moddun uddoitole.”

28 Tannem Aiathacher akromonn kelam,

To Migronantlean pasar zala.

29 Tannim vhanvtem udok par korun Gebant rat sarli,

Bhirantin Ramantle lok thorthortat

Ani Sauluchea Gibea xarantle lok pollon gele.

To Sionachea dhuvechea dongrak,

Jeruzalemachea porvotak mutt dakhoun dhomki dita.

33 Polloi! Khoro Dhoni, fouzancho Dev Jehova,

Oxe toren khande katrun uddoitolo ki vhoddlo avaz zatolo,

To lamb-lamb zhaddam katrun uddoita,

Ani unch aslolim zhaddam sokol haddtta.

34 Ranantlim datt jhilkuttam to kuradden* katorta,

Ani ek xoktivont zhuzari Lebanonak haroitolo.

11 Jesechea munda* thaun ek khando vaddttolo,

Ani tachea mullam thaun ek kombri futtʼttoli ji follam ditoli.

 2 Tacher Jehovachi povitr xokti astoli,

Taka lagon, to zannvaiecho ani somjikaiecho astolo,

Boro solʼlo diupi ani xoktivont astolo,

Gineanan bhorlolo astolo ani Jehovachea bhirantin choltolo.

Dolleank dista tea pormonnem to nit korchona,

Ani fokot kanamnim aikota tachea adarit sudhraichona.

 4 To nitivontponnan* adar nasloleanchi nit kortolo,

Prithume voilea khaltea lokam pasot to dusreank promannikponnan sudhraitolo.

Aplea tonddachea danddean to prithumek martolo

Ani aple funken* to noxtteank marun uddoitolo.

 5 To aplea komrak nitivontponnacho pottʼtto bandtolo,

Ani aplea bhenddak visvaxiponnacho pottʼtto bandtolo.

 6 Kolo, menddrea sangata ravtolo,

Bibtto vag, bokddechea pora sangata add poddttolo,

Paddkulo, xinv* ani mottim-mottim zonvaram* sangata jietolim,*

Ani ek lhan bhurgo tankam vatt dakhoitolo.

 7 Gai ani vanxel sangata chortolim,

Tanchim poram sangata nhidtolim,

Xinv boila bhaxen tonn khatolo.

 8 Dudh pieta to bhurgo nagachea billa lagim khellttolo,

Dudh soddlolo bhurgo vikari sorpachea billant hat ghaltolo.

 9 Mhojea akʼkhea povitr dongrar te konnankuch vaitt korchenant,

Vo konnanchench luksonn korchenant,

Karonn doria udkan bhorlolo asa,

Toxich prithum Jehovachea gineanan bhortoli.

Raxttram tachea lagim margdorxon gheunk ietolim,*

Ani tacho ravpacho zago mhoimebhorit zatolo.

13 Tednam Efraimachi nattkai kabar zatoli,

Ani Judachea dusmanancho nas zatolo.

Efraim porot Judachi nattkai korchona,

Ani Juda Efraima koddem dusmankai dovorchona.

14 Te ostome vatten Filistevkaranchea denvter* uddi martole,

Ani sangata mellon te Udentechea lokank luttʼttole.

Te Edom ani Moaba add aplo hat ubartole,*

Ani Amonitkar tanchea adhin zatole.

15 Jehova Ejipttachea doriacho ek bhag* doxi kortolo,*

Ani Nhoim-cher* aplo hat ubartolo.

Aplea svasachea gormen* to tichea sat vhallank martolo,*

Ani lok zotim ghalun te par kortole.

16 Izrael Ejiptta thaun bhair sorlolo tednam tannem tachea pasot ek mha-marg kelʼlo toso,

To aplea urlolea lokank Asirientlean bhair haddunk ek mha-marg toiar kortolo.

“Jehova Deva, hanv tuzo khub upkari,

Tum mhojer ragar aslo khoro,

Punn sovkas-sovkas tuzo rag thondd zalo, ani tunvem mhaka bhuzvonn dili.

Karonn Jah,* Jehova mhojem boll ani mhoji xokti,

Ani to mhozo taronn diupi zala.”

 3 Taronnachea zhorintlean

Tumi khuxalkaien udok kaddttole.

“Jehovache upkar attoiat, tachem nanv gheiat,

Veg-vegllea desantlea lokank tachea kamam vixim sangat!

 6 Sionant ravtoleamno,* khuxalkaien bob marun roddat,

Karonn tujea modem aslolo Izraelacho Povitr Dev vorto asa.”

 2 “Khoddpam aslolea dongrar khunna mhunn khambo ubo korat,

Ulo marat ani hat dakhoun foujek apoiat,

Jea udexim te khas lokanchea darvontteantlean bhitor ghustole.

Mhozo rag dakhounk hanvem mhojea zhuzareank apoileat,

Zankam gorv bhogta ani je khuxal asat.

 4 Aikat! Dongra voilean lokancho avaz ieta,

To avaz zaitea lokanchea avaza sarko asa!

Aikat! Rajeancho bovall aikonk ieta,

Ektthaim zalʼlea raxttrancho bovall aikonk ieta!

 5 Te poisulʼlea desantlean,

Mollbachea konnxeam thaun ietat,

Jehova ani tachim krodhachim hotʼtearam,

Akʼkhea prithumecho nas korunk ietat.

 7 Taka lagon, sogleanche hat oskot zatole,

Ani dor eka munxachem kalliz bhirantin pigollttolem.

Ek gorbest bailek ballontiniche vollvolle ietat toxe,

Te tollmollttole ani foddfoddttole.

Te bhirantin bhoron eka-mekak polloitole,

Tanchea tonddar usko astolo.

 9 Polloi! Jehovacho dis ieta,

To krodhacho ani zollttea ragacho dis astolo,

To dis konnanchich kakut korchona,

To dis desachi poristhiti oxi korun uddoitolo, ki lok polloun bhietole

Ani to dis desantlea patkeancho nas korun uddoitolo.

10 Mollba voilim noketram ani tanche zome*

Aplo uzvadd divop bond kortole.

Suria udelear pasun kallokhuch astolo,

Ani chondrim aplo uzvadd diunchona.

11 Prithumer ravtoleam koddlean hanv tanchea vaittponnacho,

Ani noxtteam koddlean tanchea guneanvacho hixob ghetolom.

Hanv gorvixtt lokancho* gorv moddun uddoitolom,

Ani lokancher zulum kortat tancho gorv denvoitolom.

12 Xudʼdh bhangar ani Ofirantlem* bhangar mellonk kotthin zata tea toren,

Hanv munis mellonk kotthin kortolom.

13 Heach karonnak lagon hanv, fouzancho Dev Jehova, mollob thorthoraitolom,

Ani ragachea disa mhojea krodhan

Prithumek tichea zagea voili haloitolom.

14 Aplo jiv vanchounk polltta tea chitolla* bhaxen ani gonvlli naslolea hindda bhaxen,

Dor eklo aplea lokam lagim porot voitolo,

Dor eklo aplea desant pollon voitolo.

15 Zo melltta taka topun martole,

Ani zo sampoddtta taka tolvarin martole.

16 Tanchea dolleam mukhar tanchea bhurgeanche kuddkean-kuddke kortole,

Tanchim ghoram luttʼttole,

Tanchea bailancho bolatkar kortole.

17 Zanchea nodrent chandik kainch mol na,

Ani zankam bhangarachi koslich avodd na,

Tea Medes lokank hanv tanchea add haddttolom.

18 Te aple dhonu uzar korun tornattea munxank marun tanche kuddkean-kuddke kortole,

Kusveachea follachem konnuch churchure korchenant,

Toxench, bhurgeank konnuch kakut dakhounchenant.

19 Ani Babilon, jem rajeam modem sogleant chodd mhoimebhorit asa,

Jem Kaldeikaranchi sobitkai ani tancho gorv zaun asa,

Tachi poristhiti Devan nas kelʼlea Sodom ani Gomora bhaxen zatoli.

20 Thoim porot konnuch ravchona,

Pillgean-pillgi poriant konnuch thoim ieun ravchona,

Khoinchoch Arab thoim aplo tombu ubo korchona,

Toxench, khoinchoch gonvlli aplea hinddak thoim gheun voichona.

21 Tem oronnʼnneantlea ranvotti zonvarancho ravpacho zago zatolem,

Thoinchim ghoram ghugumamnim* bhortolim,

Thoim xohamrugam* ravtolim,

Ani ranvotti bokddeo thoim uddio martoleo.

22 Ranvotti zonvaram tachea gopuramnim

Ani kole* tachea sobit rajmahalamnim kuleo ghaltole,

Tacho vell lagim pavla ani taka chodd dis mellchenant.”

 5 Jehovan noxtteacho danddo moddla,

Raz choloupeanchi boddi moddlea.

 6 Zo konn ragan bhoron veg-vegllea desachea lokank thambonastana martalo,

Ani raxttram jikhon gheunk eka-fattlean-ek zulum kortalo tachi boddi tannem moddun uddoilea.

 7 Atam akʼkhea prithumer suseg asa, sogleak xanti asa,

Lok khuxalkaien bob martat.

 8 Juniper* zhadd ani Lebanonache cedar* zhadd pasun

Tuji poristhiti polloun khub khuxal asat.

Te mhunnttat, ‘Tum poddla tednam thaun,

Khoinchoch lakddam katorpi amchea add iena.’

 9 Tum ieta tednam tuka mellonk

Sokol Fonddant* pasun goddbodd cholʼla.

Tuka lagon, to meloleank nhidentlean utthoita,

Prithume voilea, soglea zulum korpi fuddareank* utthoita.

10 Te sogle tuka mhunnttat,

‘Tum amcheach bhaxen oskot zala!

11 Tuzo gorv ani tar aslolea sadhonancho avaz,

Sokol Fonddant* somplo.

Tum kiddeanche khattir nhidla,

Ani gaindoll tujem chador zaun asa.’

12 Chokchoktolea noketra, fantoddechea puta,

Tum mollba thaun koso mhunn sokol poddla!

Raxttrank dhulʼlint xevttitolea,

Tuka koso mhunn katrun prithumer uddoila!

Mhojem xinvason Devachea noketram poros voir ubartolom,

Hanv utʼtorechea sogleam poros poisulʼlea vattarant,

Sobhechea porvotar bostolom.

14 Hanv kupam poros voir choddon voitolom,

Hanv mhaka, Sogleant Vortea Deva sarko kortolom.’

15 Punn tuka sokol Fonddant* uddoitole,

Hoi, sogleam poros khol fonddant uddoitole.

16 Tuka polloitat te, tuka bariksannen polloit ravtole,

Te lagim ieun tuka bariksannen polloitole ani mhunnttole,

‘Ho toch munis kai, zachea mukhar akʼkhi prithum kamptali,

Zannem soglim rajeam thorthorailim?

17 Ho toch kai, zannem prithumek ranvott vattar korun soddlo,

Ani tachea xarancho nas kelo,

Ani aplea koideank suttka diunk nakarlem?’

18 Dusrea raxttrantlea razank,

Hoi, tankam sogleank favo to man diun,

Dor ekleak tanchea-tanchea fonddant* purleat.

19 Punn tuka purunk na,

Eka kuslolea kombre* sarko tuka uddoilo,

Tuji kudd tea lokanchea kuddim modem uddoiloli asa

Zankam tolvarin marleat ani zankam fatranchea fonddant uddoileat,

Tum paim-am ponda maddoilʼlea moddea sarko zala.

20 Tuka razam sangata fonddant purchenant,

Karonn tunvem tuzoch des kabar korun uddoila,

Ani tujeach lokank jivexim marun uddoileat.

Oxe toren, te xoktivont zaun prithumer kobzo korunk pavchenant,

Ani ti aplea xaramnim bhorunk pavchenant.”

“Zoxem hanvem chintlam toxem ghoddttolench,

Jem hanvem tharailam tem purnn zatolench.

25 Hanv mhojea desant Asiriekarak mostitolom,

Hanv taka mhojea dongrancher maddoitolom.

Tachem zum hanv mhojea lokam voilem kaddttolom,

Ani tachem vojem tanchea khanda voilem kaddun uddoitolom.”

26 Akʼkhe prithume add hem tharailʼlem asa,

Ani hoch hat soglea raxttram add ubarlolo asa.*

27 Karonn fouzancho Dev Jehovan hem tharailam,

Tor konn tem bodlunk xokta?

Tannem aplo hat ubarla,

Tor konn taka addaunk xokta?

29 “Are Filistia,

Tuka martoleacho danddo moddla dekhun khuxal zainaka,

Karonn sorpachea sonsti* thaun ek vikari sorop ietolo,

Ani tachi sonsot eka uddttolea ujeachea sorpa sarki* astoli.

30 Adar nasloleanche malgodde pott-bhor khatole,

Ani gorib lok koslich bhirant nastana add poddttole,

Punn tujea lokank* hanv bhuk dhaddun marun uddoitolom,

Ani tujea urloleank jivexim martolom.

Karonn utʼtore thaun dhunvor ieta,

Ani tanchi fouz ekach borabor ieta, konnuch fattim urona.”

Hoch ki Jehovan Sionachi buniad ghatlea,

Ani tachea lokam modle adar naslole lok thoim asro ghetole.

Ratiam bhitor tacho nas zala dekhun,

Moabachem Ar xar vogi poddlam,

Ratiam bhitor tacho nas zala dekhun,

Moabachem Kir xar vogi poddlam.

 2 To dukh korunk voir Ghorant* ani Dibonant gela,

To roddonk unch zageancher gela.

Nebo ani Medeba pasot Moab vhoddlean bob marun roddtta,

Sogleank tasun hoddʼdde keleat ani sogleanchem khadd kaddlam.

 3 Tanchea rosteancher lok sak ghalun asat,

Aplea ghorancher* ani xarachea nakeancher te bob marun roddttat,

Ani roddon-roddon sokol poddttat.

 4 Heshbon ani Eleale roddttat,

Tancho avaz khub pois Jahaza meren aikonk ieta.

Te Luhithachea choddtter choddttana dukam golloun roddttat,

Ghoddlolea odruxttak lagon te Horonaimak voichea vatter roddttat.

 6 Karonn Nimrimachem soglem udok sukon gelam,

Hirvem tonn suklam,

Soglem tonn kabar zalam ani hirvem kainch uronk na.

 7 Taka lagon, aplea lagim urleat teo vostu ani apli girestkai gheun,

Te zhaddanchem* falkem* par kortat.

Tanchi bob Eglaim poriant pavta,

Tanchi bob Berelim poriant pavta.

 9 Dimonachem udok rogtan bhorlam,

Hanv Dimonacher anik odruxtt haddttolom:

Moabantlean pollon voitoleancher,

Ani desant urloleancher hanv ek xinv dhaddttolom.

16 Desacher raz choloupeak ek menddro dhaddat,

Taka Selantlean, ranvott vattarantlean,

Sionachea dhuvechea dongrar dhaddat.

 2 Ghontterantlean dhanvddailolea suknnea bhaxen,

Moabacheo dhuvo Arnonachea vhanvtea udka lagim astoleo.

Zulum kortoleacho nas zatolo,

Nisontton kabar zatolem,

Ani dusreank maddoitat te prithume voile nanch zatole.

Davidachea tombunt, tea xinvasonar bostolo to visvaxi astolo,

To sarke toren neai kortolo ani nitivontponnachim kamam rokddea-rokddim korun kaddttolo.”

 6 Ami Moabachea gorva vixim aikolam—to khub gorvixtt asa—

Tachea ghomondda vixim, tachea gorva vixim ani tachea raga vixim ami aikolam,

Punn to marta ti boddai sogli polki!

 7 Moab svota pasot vhoddlean bob marun roddttolo,

Tache sogle lok bob marun roddttole.

 8 Karonn Heshbonantle molle sukon geleat,

Raxttrantlea raz korpeamnim Sibmacheo drakxancheo vali,

Tiche tambdde-tambdde khande* maddoileat,

Te Jazer poriant pavlole

Ani ranvott vattara poriant vaddlole.

O Heshbon ani Eleale, hanv tumkam mhojea dukamnim bhizoitolom,

Karonn tumchea thoim gimachea follanchea vellar ani lunvnnechea vellar zatalo to bovall bond zala.*

10 Bage thaun sontos ani khuxalkai kaddun ghetli,

Drakxanchea molleant konnuch gitam gaina vo khuxalkaien bob marina.

Drakxam maddoupachea zagear konnuch drakxam maddoun soro kaddina,

Karonn hanvem tancho soglo bovall bond kela.

11 Taka lagon, Moaba pasot hanv bhitorlean tollmollttam,

Vazoilʼlea kinore* bhaxen,

Hanv bhitorlea-bhitor Kir-haresetha pasot tollmollttam.

“Polloi! Damask xaracho nas zatolo,

Tem fatranchi ani matiechi ras zatolem.

 2 Aroerachea xaramnim konnuch ravchona,

Thoim fokot hindd ravtole,

Ani tankam konnuch bhieonchona.*

 3 Efraimachim kilʼleanchim xaram nanch zatolim,

Damaskachem raj nas zatolem,

Ani Izraelachi* mhoima kabar zaloli toxi

Siriechea urloleanchi mhoima kabar zatoli,” oxem fouzancho Dev Jehova mhunntta.

 4 “Tea disa Jakobachi mhoima unni zatoli,

Ani tachi ghott-mutt kudd oskot zatoli.

 5 Refaimachea Falkeantlea* xetant lunvnni zalea uprant

Punzaunk thoddinch konnsam urtat

Toxi tachi poristhiti zatoli.

 6 Zoitunachem zhadd haloilea uprant,

Zoxim tacher thoddinch follam urtat, toxi tachi poristhiti zatoli.

Sogleant voilea khandeacher fokot don vo tin piklolim follam urtat,

Ani follamnim bhorlolea khandeacher fokot char vo panch follam urtat, toxi tachi poristhiti zatoli,” oxem Izraelacho Dev Jehova mhunntta.

 9 Tea disa, tachim kilʼleanchim xaram, ranantlea oslea ravpachea zagea sarkim zatolim zo soddun dila,

Izraelitkaram mukhar soddun dilʼlea khandea sarkim zatolim,

Tim xaram padd zatolim.

Taka lagon, tum zhaddancheo sobit-sobit* bago roita,

Ani tantunt porkeache* fantte roita.

11 Tea disa, tunvem tujea bagent chotraien voim bandlear pasun

Ani sokallim tunvem tujea bim-ank komb kaddlear pasun,

Tujea duensachea ani ilaz naslolea dukhichea disa, soglem pik nanch zatolem.

12 Aik! Veg-vegllea desantlean lokancho bovall aikonk ieta,

Doriantlea vadollachea avaza bhaxen te bovall kortat!

Goroztolea udkachea lottachea avaza bhaxen,

Raxttram vhoddlo bovall kortat!

Tim oxim pollon voitolim zoxim dongra voili daneachi sal varean ubon voita,

Ani vadollachem varem ek umttolʼlem ranvotti zhadd ubarun vhorta.

Amkam luttʼttat tankam oxench ghoddttolem

Ani amkam luttʼttoleanchi tich poristhiti zatoli.

 2 To aplea sondexkarank doriantlean,

Papyrus-achea vhoddeamnim udkantlean poltoddi oxem sangon dhaddtta:

Tea raxttra lagim vochat, zanche lok lamb ani zanchi kat sullsullit asa,

Tea raxttra lagim vochat, zankam sogle lok bhietat,

Jem raxttr xoktivont asa ani zoit melloun gheit asa,

Zachi zomin nhoim-emnim vhanvon geli, tea raxttra lagim vochat.”

 3 Veg-vegllea desantlea lokamno ani prithumer ravtoleamno,

Tumi jem polloitat tem dongram voir khunna mhunn ubarlolea khambea sarkem astolem.

“Zoxi suriachea uzvadda borabor gormi asta,

Lunvnnechea vellar gorom vatavoronnant dov poddtta,

Toso hanv mhojea staplolea zageak* vogich polloit ravtolom.

 5 Fulam purnn toren fultolim, ani drakxam pikonk lagtolim,

Punn lunvnnecho vell ieunchea poilinch,

Tache fantte koiteamnim katortole

Ani tacheo vali katrun uddoitole.

 6 Tankam dongra voilea xikar korpi suknneam pasot,

Ani prithume voilea ranvotti zonvaram pasot soddun ditole.

Xikar korpi suknnim gimant tacher aplem pott bhortolim,

Lunvnnechea akʼkhea kallar ranvotti zonvaram tem khatolim.

 7 Tea vellar, tem raxttr zanche lok lamb ani zanchi kat sullsullit asa,

Zaka sogle lok bhietat,

Jem xoktivont asa ani zoit melloun gheit asa,

Zachi zomin nhoim-emnim vhanvon geli,

Tem raxttr fouzancho Dev Jehova pasot ek dennem haddttolem.

Ejipttantle valor naslole dev tachea mukhar koddkoddttole,

Ani Ejipttantlea lokanchem kalliz pigllon voitolem.

 2 “Hanv Ejipttkarank eka-meka add uksaitolom,

Ani te eka-meka add zhogoddttole,

Dor eklo aplea bhava add ani xezarea add zhogoddttolo,

Ek xar dusrea xara add ani ek raj dusrea rajea add zhogoddttolem.

 3 Ejipttache lok gondhollant poddttole,

Hanv tancheo ievzonneo purnn zaunk diunchom na.

Te valor naslolea devam koddem,

Jadu-ttona kortoleam koddem, melolea lagim uloitoleam koddem ani fuddar parkhupeam koddem modot magtole.

 4 Hanv Ejipttak nibor kalliz aslolea eka dhoniachea hatant ghaltolom,

Ani ek krur raza tacher raz choloitolo,” oxem khoro Dhoni, fouzancho Dev Jehova mhunntta.

 5 Doriachem udok suktolem,

Ani nhoim-chem udok sukon voitolem.

 6 Nhoim-enk ghann martoli,

Ejipttantlea Nil kanalachem* udok denvon suktolem,

Lamb tonn ani udkantlim zhaddam kuson voitolim.

 7 Nil nhoim-che deger, tachea tondda koddem aslolim soglim zhaddam,

Ani tachea bhonvtonnim aslolim soglim xetam suktolim,

Varem tankam hanga-thoim uboun vhortolem ani kainch urchem na.

 8 Kharvi dukh kortole,

Nil nhoim-ent goroitat te roddttole,

Udkacher zallam uddoitoleancho ankddo unno zatolo.

 9 Sonnbim-anchea sutan kopdde kortoleank,

Ani attiecher dhovo kopddo vinnpeank loz bhogunk poddttoli.

10 Ejipttantle vinnpi niraxi zatole,

Ani disvoddeak kam korpi kamdar dukh kortole.

11 Zoanache kunvor murkh,

Faraoh-che solʼle diupi sogleam-von bore zannar munis faideak poddona toslo solʼlo ditat.

“Hanv zannaranchea sonstintlo,

Adlea kalla voilea razanchi sonsot”?

13 Zoanache kunvor murkhponnan vagleat,

Nofachea* kunvrank fosoileat,

Ejipttachea kullanchea mukheleamnim Ejipttak fosoun dusre vatten vheleat.

14 Jehovan Ejipttak ghuspa-gondhollant ghatlam,

Ek bebdo apunn vonkla tantunt lolltta toso,

Ejipttachea fuddareamnim Ejipttak tachea soglea kamamnim ghuspaila.

15 Ejiptt kainch korunk pavchona,

Tachi tokli vo tachi xempddi, tacho fantto vo tachem lamb tonn* kainch korunk pavchem na.

Dokxinne koddlean ieta tea vadolla sarkem,

Ek vhodd odruxtt oronnʼnneantlean, eka bhirankull desantlean ieta.

Visvasghat korpi visvasghat korit asa,

Nas korpi nas korit asa.

Eke bailek ballontiniche vollvolle sosche poddttat,

Toso hanv-ui vollvollonk laglom.

Hanv itlom dukhi zalam ki mhaka kainch aikonk iena,

Hanv itlom bhielam ki mhaka kainch disona.

 4 Mhojem kalliz dhodd-dhoddtta, hanv bhirantin koddkoddttam,

Jea sanjechea vellak hanv axetalom, tachich atam mhaka bhirant disonk laglea.

 7 Tednam tannem ek zhuzachem roth polloilem zaka don ghodde voddttale,

Tannem anik ek zhuzachem roth polloilem zaka gaddvam voddttalim,

Toxench, tannem anik ek zhuzachem roth polloilem zaka untt voddttale.

“Jehova Deva, hanv dor disa nodor dovrunk gopuracher* ubo ravtam,

Dor rati hanv mhojea rakhonn korpachea zagear ubom asam.

10 Xet mollttat toxem mollʼllolea mhojea lokamno,

Mhojea mollnnechea khollachea* danea,*

Izraelacho Dev, fouzancho Dev Jehova koddlean hanvem jem aikolem tem hanvem tumkam sanglem.

Poslolim zonvaram gheun bhonvpi* Dedanachea zomea,

Tumi oronnʼnneantlea ranant rat sartole.

14 Temant ravpi lokamno,

Tanelʼlea pasot udok haddat,

Pollon voitolea pasot unddo haddat.

15 Karonn te tolvari thaun, bhair kaddlolea tolvari thaun pollon voitat,

Tannun dhorlolea dhonu thaun ani zoran choltolea zhuza thaun te pollon voitat.

 2 Tujea xarant gondholl choltalo,

Hoi, akʼkhea xarant bovall zatalo, soglim khuxalkai monoitalim.

Tujea jea lokank jivexim marle, te tolvarin moronk nant,

Toxench te zhuzantui moronk nant.

 4 Taka lagon hanvem mhunnttlem: “Mhaka polloinakat,

Hanv dukamnim roddttolom.

Mhojea lokancho nas zala mhunn

Mhaka bhuzvonn diuncho proitn pasun korinakat.

 5 Akʼkhea Vixvacho Dhoni, fouzancho Dev Jehova thaun,

Ho dis Dorxonachea Falkea pasot

Goddboddacho, zoit mellona toslo ani bhirant haddtta toslo dis zaun asa.

Xaracheo vontti koslloun uddoitat

Ani tanchi bob dongra meren aikonk ieta.

 6 Elaman bannamnim bhorlolem beg aplea hatant ghetlam,

To rotham ani ghoddesvar* gheun ieta.

 7 Tujim borim-borim falkim* zhuzachea rothamnim bhortolim,

Ghoddesvar* darvonttea lagim ap-aplo zago ghetole.

12 Tea disa, Akʼkhea Vixvacho Dhoni, fouzancho Dev Jehovan,

Tumkam roddonk ani dukh korunk sanglem,

Tumche tokleche kens tasunk ani sak ghalunk sanglem.

13 Punn tumi mouza marli ani khuxal zale,

Menddram ani gorvam katorlim,

Mas khalem, drakxancho soro piele ani mhunnttlem,

‘Ieiat, ami khaum-ia, pieum-ia, karonn faleam ami mortolech.’”

 3 Shihoracho* dano* doriachea vatten pavoila,

Tannim Nilachem pik diun

Raxttrank faido korun dila,

Tirak zodd* melloun dili.

 5 Lok Ejiptta vixim aikon dukhi zalʼle toxe,

Tira vixim aikonui dukhi zatole.

 6 Doria deger ravtoleamno,

Poltoddi Tarshishak pollon vochat ani vhoddlean-vhoddlean roddat!

 8 Tir xar, zannem dusreank mukutt ghatle,

Zache veapari vhoddle-vhoddle kunvor asle,

Zachea dhondekarank prithumer vhodd man aslo,

Tea xara add hem soglem korunk konnem nirnnoi ghetlo?

 9 Fouzancho Dev Jehovan

Tachi sobitkai ani tacho gorv moddun uddounk tharailam.

11 Devan aplo hat doriacher ubarla,

Tannem rajeank haloun uddoileant,

Jehovan Finisieche ghott kilʼle nas korcho hukum dila.

12 To oxem mhunntta: “Zulum soslolea Sidonachea ankvar dhuve,

Atam tum khuxalkai monounchem na.

Utth, doriachea poltoddi Kittim voch,

Punn thoim pasun tuka suseg mellchona.”

13 Polloi! Te Asiriekar nhoi,

Punn Kaldeikar,

Zannim haka* ranvotti zonvarancho ravpacho zago kelo.

Zannim aple zhuzache gopur ube korun gherav ghatlo,

Zannim tache vhoddle gopur moddun uddoile,

Ani akʼkhea xaracho gobor korun uddoilo.

Kinori bore toren vazoi ani bhorpur gitam gai,

Jea udexim lokank tuzo porot ugddas ietolo.”

Lokanchi toxench iadnikachi,

Chakrachi toxench dhoniachi,

Chakornichi toxench dhoninichi,

Viktem gheupeachi toxench vikpeachi,

Udar diupeachi toxench udar gheupeachi,

Rinn diupeachi toxench rinn gheupeachi.

 3 Des purnn toren rito zatolo,

Tantunt asa tem soglem luttʼttole,

Karonn oxem Jehovan mhunnttlam.

 4 Des dukh korta* ani sovkas-sovkas kabar zait voita,

Pik dita ti zomin sovkas-sovkas sukon voita ani kabar zata,

Ani desantlea manadik lokancho ankddo unno zait voita.

 5 Thoim ravtoleamnim to oxudʼdh kela,

Te kaidea add geleat,

Tannim nem-kaide bodolʼleat,

Ani sasnak urta toslo* korar moddla.

 6 Taka lagon, akʼkhea desak xirap khaun uddoita,

Ani tantunt ravpi guneanvkari zata.

Tea pasot, desant ravpi lok unne zait voitat,

Ani thoddech lok urleat.

 7 Novea drakxancho soro dukh korta,* drakxanchi val sukta,

Ani khuxal aslim tim pirgotat.

 8 Ddoflicher* khuxalkaiechem songit vazovop bond zalam,

Mouza martoleancho avaz aikonk iena,

Ani kinorecho* khuxalkaiecho avaz bond zala.

 9 Drakxancho soro pietat tednam konnuch gitam gaina,

Ani soro pietoleank soro koddu lagta.

10 Soddun dilʼlem xar padd zaun gelam,

Dor ek ghor oxem bond asa ki konnuch bhitor vochonk xokona.

Sogli moja nanch zalea,

Akʼkhea desachi khuxalkai kabar zaun gelea.

12 Xar padd zaun gelam,

Tacho darvontto moddun, tachea kuddkeanchi ras kelea.

13 Zoitunachem zhadd haloilea uprant, tacher fokot thoddinch follam urtat,

Ani pikechea vellar drakxam kaddlea uprant, punzaunk thoddinch drakxam urtat,

Toxe veg-vegllea desantlea lokam modem mhoje lok astole.

14 Te vhoddlea avazan ulo kortole,

Khuxalkaien bob martole.

15 Te udentek* Jehovachi mhoima kortole,

Doriantlea zunveancher Izraelacho Dev Jehovachea nanvachi mhoima kortole.

18 Akantacho avaz aikon zo pollon voitolo, to fonddant poddttolo,

Fonddantlean bhair soron ietolo, to fasak sampoddttolo.

Karonn mollbache udkache darvontte ugoddttole,

Ani desacheo buniadi haltoleo.

19 Zomin halʼlea,

Ti futton voita,

Ti samki thorthorta.

20 Zomin bebdea sarki lokta,

Ti hevtten thaun tevtten oxi halta, zoxi vadollant ek khomp halta.

Ti aplea opradachea vojeak lagon sokol poddttoli,

Ani porot kednanch ubi ravonk xokchina.

21 Tea disa, voir mollba voilea fouje add

Ani sokol prithumechea razam add Jehova panvl ghetolo.

22 Koideank fonddant ektthaim kortat toxe,

Tankam ektthaim kortole,

Ani tankam kallkhi kuddant bond korun dovortole,

Ani zaitea disam uprant tanche koddlean hixob ghetole.

23 Chondrimacho uzvadd unno zatolo,

Porzolltta tea suriak pasun loz bhogtoli,

Karonn fouzancho Dev Jehova, Sion Dongrar ani Jeruzalemant Raza zala,

To aplea lokanchea vhoddilam mukhar mhoimen raz kortolo.

Hanv tuji vhoddvik kortam, tujea nanvachi vakhannʼnni kortam,

Karonn tunvem ojapvont kamam keleant.

Tum kitem kortolo tem tunvem adlea kallar tharailolem,

Tum visvaxi ani patieupa sarko asa mhunn tunvem dakhoun dilem.

 2 Tunvem xarak fatranchi ras kelea,

Kilʼleanchea xaracho tunvem churo kela.

 3 Taka lagon, xoktivont lok tuji mhoima kortole,

Zulum korpi raxttranchem xar tuka bhietolem.

 4 Tum adar nasloleank,

Ani dukhant aslolea goribank ghott kilʼlo zala,

Vadollachea pausant tum asro zala,

Ani khor votant tum savlli zala.

Jednam zulum kortoleancho rag vontticher martolea vadollachea pausa sarko asta,

 5 Ani sukea vattarantlea gorme sarko asta,

Tednam tum porkeancho bovall xant korta.

Kupanchea savllek lagon zoxi gormi unni zata,

Toso tum zulum kortoleanchea gitacho avaz bond korta.

 6 Hea dongracher fouzancho Dev Jehova, veg-vegllea desantlea lokank oslem jevonn dovortolo,

Zoim boreo-boreo khaupacheo vostu astoleo,

Khub boro drakxancho soro astolo,

Haddanchi bori chorob aslolem jevonn astolem,

Ani galloun kaddlolo ekdom boro drakxancho soro astolo.

 7 Dev dongra voilem tem chador kaddttolo, jem veg-vegllea desanchea lokank dhampta,

Ani to poddʼddo* kaddttolo, zo soglea raxttrancher posorla.

 8 To mornnak sasnak gillun uddoitolo,*

Akʼkhea Vixvacho Dhoni Jehova sogleanchea dolleantlim dukam pusun kaddttolo,

Ani aplea lokank zalʼlo opman to akʼkhea prithume voilo kaddun uddoitolo,

Karonn Jehovan svota hem sanglam.

Ami tacher bhorvonso dovorla,

Ani tannem amkam salvar kele.

10 Jehovacho hat hea dongracher astolo,

Zoxem sukem tonn xennachea raxint maddoitat,

Toso to Moabak tachea zagear maddoitolo.

11 Ek penvpi udkacher aplo hat marta toso,

Dev aplo hat ubarun Moabak martolo.

To aplea hatanchi kola uzar korun,

Moabacho soglo gorv denvoitolo.

12 Tujem* kilʼleanchem xar ani vhoddleo-vhoddleo vontteo to moddun uddoitolo,

To tem zomnir xevttun,

Tachi dhulʼl korun uddoitolo.

 2 Nitivont raxttr bhitor ieunchem mhunn tache darvontte ukte korat,

Tem raxttr jem visvaxiponnan vagta.

Tum tankam xanti di-it ravtolo,

Karonn tannim tujer visvas dovorla.

 4 Sodanch Jehovacher visvas dovrat,

Karonn Jah* Jehova sasnachem Khoddop zaun asa.

 5 Unchaier aslolem gorvan bhorlolem xar,

Devan sokol haddlem,

Tannem tem zomnir xevttilem,

Tannem tachi dhulʼl korun uddoili.

 6 Taka paim-a ponda maddoitole,

Tras sostole ani adar naslole lok taka aplea paim-amnim maddoitole.”

 7 Nitivontachi vatt nitt asa,

Karonn Deva tum promannik,

Taka lagon tum nitivontachi vatt sullsullit kortolo.

 8 Jehova Deva, tujea nitichea vatten cholta astana,

Ami tujer bhorvonso dovortat.

 9 Ratchea vellar, mhojea purnn kallzan hanv tuka axetam,

Mhojem mon tuka sodhit asta,

Tum prithumechi nit korta tednam,

Nitivontponn mhunnttlear kitem tem lok xiktat.

10 Noxtteak doia dakhoili zalear pasun,

To nitivontponn kednanch xikchona.

Promannikponnachea desant pasun, to noxttim kamam kortolo,

Ani Jehovachem vorteponn pollounk pavchona.

12 Jehova Deva, tum amkam xanti ditolo,

Karonn ami korunk pavlim tem soglem

Tukach lagon korunk pavlim.

13 Jehova amchea Deva, tujea bhair dusrea dhoniamnim pasun amcher raz choloilam,

Punn ami fokot tujeach nanvachi vakhannʼnni kortat.

Karonn tankam kabar korun uddounk ani tancho nas korunk

Tunvem tanchea add panvl ghetlam.

15 Tunvem raxttrantlea lokancho ankddo vaddoila, Jehova Deva,

Tunvem tancho ankddo vaddoila.

Ami zolm diunchi asa tea gorbest baile bhaxen zaleat,

Ji ballontiniche vollvolle sosta ani dukhin bob marun roddtta.

18 Ami gorbest zalʼlea bhaxen asle, amkam ballontiniche vollvolle aile,

Punn ami fokot vareak zolm dilo.

Ami desak salvar korunk pavonk nant,

Ani thoim ravonk konnuch zolmak ieunk na.

19 Dev mhunntta: “Tuje lok je meleat te uttʼtthole,

Mhojea lokanchea moddeank* jiv ietolo.

Tumi je dhulʼlint asat,

Utthat ani khuxalkaien bob marat!

Tuzo dov, sokallchea dova sarko* asa,

Fonddant aslolea melolea lokank prithum porot ditoli, te jivont zatole.

20 Mhojea lokamno, tumchea bhitorlea kuddamnim vochat,

Ani tumchim daram bond korat.

Mhozo rag xant zaina tea meren,

Thoddea vella pasot lipon ravat.

21 Polloi! Tea desant ravpi lokanchea guneanvancho hixob gheunk,

Hanv Jehova, mhojea zagear thaun ietam,

Desant jitlem rogot varoilam, tem ukteponnim dison ietolem,

Ani zankam thoim jivexim marleat, te lipon urchenant.”

27 Tea disa, Jehova apli bhirankull, vhoddli ani ghott tolvar gheun var kortolo,

To Leviathanacher,* tea sullsullit voitolea sorpacher var kortolo,

Guttlon boslolea sorpacher, Leviathanacher var kortolo,

Ani doriant ravpi tea vhoddlea pranneak to marun uddoitolo.

Dor eka vallar taka udok ghaltam,

Konnench taka piddʼddear korina zaunk,

Rat ani dis hanv tachi rakhonn kortam.

Konnem-i mhojea molleant kantteanchim jhilkuttam ani ranvotti tonn roilem zalear,

Hanv tachea lagim zhogoddttolom ani teach vellar tankam mostitolom, ani tancho bhosm korun uddoitolom.

 5 Punn oxem zalʼlem taka naka zalear, tannem mhojea kilʼleant ieunchem,

Ani mhoje koddem xanti korchi,

Hoi, tannem ieun mhoje koddem xanti korchi.’”

 6 Ieta tea disamnim Jakobachi pallam vaddttolim,

Izraelak kombri futtʼttoli ani fulam ietolim,

Tachea piken des bhortolo.

 8 Tum ticho fuddo kortolo, ani bob marun tika pois dhaddun ditolo,

Tum udentechea vareachea disa, tujea krodhachea sfottan tika dhanvddaun ghaltolo.

 9 Hea toren Jakobachea guneanvanchem farikponn zatolem,

Tache guneanv pois zatole tednam taka hem foll mellttolem:

10 Tea kilʼleanchea xarak soddun ditole,

Tache chorvache zage soddun dilʼlea ranvott vattara sarke zatole.

Thoim paddkulo chortolo ani add poddttolo,

To tache sogle khande khaun uddoitolo.

11 Tea xarache khande suktole tednam,

Bailo ieun te khande moddttoleo,

Ani zollounk uzar kortoleo.

Taka lagon, tancho Rochpi* tankam doia dakhounchona,

Tankam Ghoddoupi tanchi kakut korchona.

To goddgodd marun poddtta toslea korveanchea pausa sarko ani nas korun uddoitolea vadolla sarko ietolo,

Vadollachea varea sarko ani khub paus poddon ieta tea buddtte sarko ietolo,

Ani tea mukuttak nettan prithumer xevttitolo.

 3 Efraimachea bebdeank jea mukuttacher gorv asa,

Taka paim-am ponda maddoitole.

 4 Pik dita tea falkeachea mathear aslolea

Bavon voita tea sobit fulachi tich poristhiti zatoli,

Ji gima poilim anjirachea poilea pikachi zata.

Te soro pieun loktat,

Hoi, te soro pieun chukichea vatten pavtat.

Drakxancho soro pieun te ghuspotat,

Soreak lagon te loktat.

Tanchim dorxonam tankam vankdde vatten vhortat,

Te sarke toren nit korunk xokonant.

 8 Karonn tanchim mezam vonkarin bhoron burxim zaleant,

Ekui zago nitoll na.

Kaideacher-kaido, kaideacher-kaido!*

Hangachem thoddem, thoinchem thoddem.’”

Kaideacher-kaido, kaideacher-kaido!*

Hangachem thoddem, thoinchem thoddem.”

Punn te tachem aikochenant,

Taka lagon, te addkhollon fattlea vatten poddttole,

Tankam mar lagtolo, te fasak sampoddttole ani tankam dhortole.

14 Tor boddai martoleamno, Jeruzalemachea lokanchea odhikareamno,

Jehovachem utor aikat.

“Ami Mornna sangata korar kela,

Ani Fondda* sangata koblat kelea.

Taka lagon, okosmat buddttechea udkacho lott ietolo tednam,

To amchea meren pavchona.

Karonn ami fottik amcho asro kela,

Ani fottingponnam fattlean lipon bosleat.”

“Hanv Sionant topasun kaddlolea fatrachi buniad ghaltam,

Tea moladik konnxeachea fatrachi hanv buniad ghaltam.

17 Hanv neai-ak mezpachi dori

Ani nitivontponnak ollombo* kortolom.

Korveancho paus fottincho asro koslloun uddoitolo,

Ani buddtti tanchea lipʼpachea zageak lottun vhortoli.

18 Mornna sangata tumcho korar moddttolo,

Ani Fondda* sangata tumchi koblat urchina.

Okosmat udkacho lott ietolo tednam,

Tumcho nas zatolo.

19 Jitle pavtti to ietolo,

Title-i pavtti to tumkam vhanvoun vhortolo.

To dor sokallim ietolo,

To disacho ani ratcho vhanvtolo.

20 Karonn paim posraunk khatt lhan poddtta,

Ani pangrunk chador oxir poddtta.

21 Aplem kortutv, aplem vichitr kortutv purnn korchem mhunn,

Aplem kam, aplem ojapachem kam purnn korchem mhunn,

Jehova Perazim Dongrar utthlolo toso, to uttʼttholo.

22 Fokannam korinakat,

Na zalear tumcheo sanklleo anikui ghott korun uddoitole,

Karonn hanvem, Akʼkhea Vixvacho Dhoni, fouzancho Dev Jehova koddlean aikolam ki,

Tannem akʼkhea desacho* nas korunk tharaila.

23 Kan diat ani hanv sangta tem aikat,

Hanv kitem sangta tem dhean diun aikat.

25 Zomin ek-sarki kelea uprant,

To jirem ani kallem jirem ximpddaina kai?

Toxench gonv, zovar ani zov* ap-aplea zagear vompun,

Ani xetachea ximer holke toreche gonv* vompna kai?

26 Dev taka sarki vatt xikoita,*

Tacho Dev taka suchounneo dita.

27 Kallem jirem, mollnnek uzar kortat tea lakddachea follean* maddoinant,

Ani jireacher kednanch mollnnechim rodam* choloinant.

Tache bodlek kallem jirem danddean boddoitat,

Ani jirem boddien boddoitat.

Ani to ghoddeank uzar korun mollnnechim rodam tache voilean choloita tednam,

To daneacho churo zai meren tachea voilean tim choloina.

29 Hem pasun fouzancho Dev Jehova thaun asa,

Zacho udʼdhex* khub boro asa,

Ani tachim soglim kamam vortim.*

Tacheo porbo chaluch urom,

Vorsan-voros teo chaluch urom.

 2 Punn hanv Arielacher sonkoxtt haddttolom,

Sogleak roddnnem ani dukh korop astolem,

Ani mhojea pasot hem xar vedicher aslolo zolloupacho zago zatolem.

 3 Hanv soglea vattamnim tuka veddo ghaltolom,

Tujea bhonvtonnim tonk aslolea lakddanchi voim ghaltolom,

Soglea vatten tuka gherav ghaltolom.

 4 Tuka sokol zomnir uddoitole,

Tum thoim thaun uloitolem,

Punn tuzo avaz dhulʼlintuch ghusmottʼttolo.

Zoso konnui melolea lagim uloita,

Toso tuzo avaz zomni thaun aikonk ietolo.

 5 Tujea dusmanancho* zomo dhulʼli bhaxen zatolo,

Tujer zulum kortoleancho zomo varean ubtolea bhatachea sali* sarko zatolo.

Tea vellar, goddgodd martolo, bhuimkamp zatolo ani vhoddlo avaz zatolo,

Vadoll-modd zatolem ani bhosm korta toslea ujeache agtte astole.”

 7 Tednam raxttrancho zomo zo Ariela add zhuz kortolo

—Je lok tachea lagim zhuztole,

Tacher akromonn korunk zhuzache gopur ube kortole,

Ani tacher sonkoxtt haddttole—

Te sogle ek sopon koxe zatole, ratchem dista toslea eka dorxona sarke zatole.

 8 Zoso ek bhukelʼlo munis apunn jevta mhunn sopneta,

Punn zago zalea uprant to upaxinch asta.

Zoso ek tanelʼlo munis apunn udok pieta mhunn sopneta,

Punn zago zalea uprant to thoklolo ani tanelʼloch asta.

Toxi tea raxttranchea zomeachi poristhiti zatoli,

Jim Sion Dongra add zhuz kortat.

Te bebde zaleat, punn drakxancho soro pieun nhoi,

Te loktat, punn soro pieun nhoi.

10 Karonn Jehovan tumcher sust nhid ghatlea,

Tannem tumchea dolleank, tumchea provadeank kuddʼdde keleat,

Tannem tumchea toklecher, tumchea dorxona polloupeancher poddʼddo dhampla.

13 Jehova mhunntta: “He lok mhaka aplea tonddan

Ani vonttamnim man ditat,

Punn tanchem kalliz mhojea thaun khub pois asa.

Tankam mhoji bhirant asa mhunn te dakhoitat,

Punn te munxamnim kelʼlea kaideam pormonnem choltat.

14 Taka lagon, hanv anik ek pavtt tanchea pasot kitem tori ojapachem kortolom,

Eka-fattlean-ek ochoriam kortolom.

Tednam tanchea zannaranchi zannvai kabar zatoli,

Ani tanchea xanneanchi somzonni nanch zatoli.”

Te kallkhant lipon kamam kortat,

Ani mhunnttat: “Amkam konn polloita?

Keloli vost, apleak zannem kela taka oxem mhunnonk xokta kai,

“Tannem mhaka korunk na”?

Vo ghoddoilʼli vost, aplea ghoddnnarak oxem mhunnonk xokta kai,

“Taka okʼkol na”?

17 Thoddea vellan Lebanon follanchi bag zatolem,

Uprant ti bag, ran koxi distoli.

18 Tea disa, bherim pasun tea pustokantlim utram aikotolim,

Kuddʼddim aplea dolleamnim pollounk lagtolim, tim anik kallkhant aschimnant.

19 Lhanvik lok Jehovak lagon sontostole,

Ani gorib Izraelachea Povitr Devak lagon khuxal zatole.

20 Karonn zulum korpi aschona,

Boddai marpi nanch zatolo,

Ani dusreank vaitt korunk toiar ravtat tancho nas zatolo.

21 Je fott marun dusreank guneanvkari tharaitat,

Je xarachea darvontteacher neai magtolea pasot fas manddttat,

Ani khotte arop korun nitivontak neai dinant, tancho nas zatolo.

“Jakobak porot kednanch loz bhogonk poddchina,

Taka kednanch man bagounk poddchina.*

23 Karonn mhojea hatanchem kam zaun aslolea tachea bhurgeank,

To aplea modem polloitolo tednam,

Tim mhojea nanvak man ditolim.

Hoi, tim Jakobachea Povitr Devachea nanvak man ditolim,

Ani Izraelachea Devachi bhirant dhortolim.

24 Zanchim monam bhottokleant, tim somjikai melloun ghetolim,

Ani jim gunngunnttat, tim xikonk toiar astolim.”

Te oslea ievzonneam pormonnem kam kortat, jeo mhojea thaun nant,

Te osleo ixttagoti zoddttat,* jeo mhojea khuxe* add asat,

Ani te patkacher-patok korit ravtat.

 2 Faraoh koddlean rakhonn melloun gheunk,

Ani Ejipttachea savllent asro mellonk,

Te mhaka vicharinastana sokol Ejipttant voitat.

 3 Punn Faraoh koddlean rakhonn, tumchea pasot lojechem karonn zatolem,

Ejipttachi savlli tujea pasot opmanachem karonn zatolem.

 4 Karonn tache kunvor Zoanant asat,

Ani tache sondexkar Hanesak pavleat.

 5 Izraelitkarank loz bhogchi poddttoli,

Karonn Ejiptta koddlean tankam kainch faido zaunchona,

Tankam koslich modot mellchina ani boreponn mellchem na,

Tachea bodlek, tankam loz bhogunk poddttoli ani tancho opman zatolo.”

6 Dokxinnek voitat tea zonvaram add ho sondex:

Gaddvachea fattir girestkai dovrun,

Unttachea fattir dennim dovrun,

He sondexkar, dukh ani trasanchea vattarantlean pasar zatat,

Tea vattarantlean, zoim xinv ravta, goroztolo xinv ravta,

Zoim furxem* ani uddtta to ujeacho sorop* ravta.

 7 Karonn Ejipttachi modot kainch faideachi na,

Taka lagon, hanvem taka hem nanv dilam: “Rahab, ji bexttich boson asta ani kainch kamachi na.”

 8 “Atam voch ani hem tanchea mukhar fatranchea pattiecher boroun kadd,

Ani eka pustokant boroun dovor,

Oxem kelolean, fuddara pasot

Tem ek sasnachem govai koxem zatolem.

 9 Karonn te odhikarachea add vochpi, visvasghat korpi put,

Te osle put, je Jehovache kaide* aikon gheunk toiar nant.

“Tumi mhojem utor nakarlam,

Khotteponn ani fottincher tumi visvas dovorla,

Ani tancher tumi patieun ravlim.

13 Taka lagon, tumcho ho guneanv vero poddlolea eka vontti sarko zatolo,

Oslea eka fuglolea vontti sarko, ji kednam-i poddonk xokta.

14 Ti kumbharachea vhoddlea moddke bhaxen futtʼttoli,

Ticho purnn toren churo zatolo,

Ujeantlean ingllo kaddunk,

Vo fonddkulantlean* udok kaddunk, ek pasun kuddko urchona.”

17 Fokot ekleanuch dhomki dilear, tumche hozar lok bhieun kamptole,

Panch zannanchi dhomki aikon tumi pollon voitole.

Tumche modle je vanchon urtole, te dongrachea tengxer lailolea eka khambea sarke zatole,

Hoi, porvotar khunna mhunn ubarlolea eka khambea sarke zatole.

18 Punn tumkam doia dakhounk Jehova pasiensan ravla,*

Ani tumchi kakut korunk to panvl ghetolo.

To aplea zollttea ragan ani datt kupamnim ieta,

Tache vontt krodhan bhorleat,

Ani tachi jib bhosm korta toslo uzo zaun asa.

28 Tachi povitr xokti* buddtte bhaxen asa, zachem udok gollea meren pavta,

To raxttrank nisonttonache challnnint challttolo,

Ani veg-vegllea desantlea lokank chukiche vatten vhoronk tanchea daddank* logom* ghaltolo.

29 Punn tumi zalear, konnui porbechi toiari kortana*

Ratchem gaita toslem git gaitole.

Ani zoso konnui basuri* vazoit* Jehovachea dongrar choddtta, Izraelachea Khoddpa lagim voita,

Toxem tumchem kalliz khuxalkaien ulʼlastolem.

To aplea zollttea krodhan, bhosm korta toslea ujean,

Futtʼttolea kupan, goddgoddachea vadollan,

Ani korveachea pausan aplea hatachem boll dakhoitolo.

31 Jehovacho avaz aikon Asiriecher bhirant posortoli,

To Asiriek danddean martolo.

32 Asiria add zhuz korunk Jehova aplo hat ubartolo tednam,

To tacher khasticho danddo martolo tednam,

To dor ek pavtti taka marta tednam,

Ddofli* ani kinori* vaztoli.

33 Asiria pasot Tofeth* poilinchean toiar asa,

Tachea raza pasotui to toiar asa.

Devan lakddachea raxik toiar kelʼlo zago khol ani rund kela,

Thoim khub lakddam ani uzo asa.

Jehovacho svas, gondhokachea vhalla bhaxen asa,

Zo tea raxik uzo pettoitolo.

31 Je modoti pasot Ejiptta lagim voitat,

Je ghoddeancher patietat,

Je zhuzanchea rothancho ankddo polloun tancher visvas dovortat,

Ani je zhuzanchea ghoddeanchem* boll polloun tancher bhorvonso dovortat, tancher hai!

Te Izraelachea Povitr Devak polloinant,

Ani te Jehovak sodhinant.

 2 Punn to-ui zannvaiecho asa ani to odruxtt haddttolo,

Apnnem dilʼlem utor to fattim gheunchona.

Noxtteanchea ghora add to uttʼttholo,

Ani vaitt kortoleank tenko ditat tanchea add to panvl ghetolo.

Jehova aplo hat ubartolo tednam,

Je konn modot ditat te addkhollttole,

Ani je konn modot ghetat te poddttole,

Tancho sogleancho ekach borabor nas zatolo.

“Zoso ek xinv, ek bollixtt xinv* aplea xikarak lagon gurgurta,

Ani tea xinvak dhanvddaunk gonvlleanchea akʼkhea zomeak ektthaim apoun haddttat,

Tori astana tancho avaz aikon to bhiena,

Ani tancho bovall aikon to fattim sorona,

Teach bhaxen fouzancho Dev Jehova,

Sion Dongra pasot ani tachea porvota pasot zhuz korunk sokol ietolo.

Tea tolvarik bhieun to pollon voitolo,

Ani tachea tornatteank gulam kortole.

 9 Bhirantin koddkoddon tachem khoddop nanch zatolem,

Ani khunna mhunn ubarlolo khambo polloun tache kunvor bhieun thorthortole,” oxem Jehova mhunntta,

Zacho uzvadd* Sionant asa ani zachi bhottʼtti Jeruzalemant asa.

32 Polloi! Raza nitivontponnan raz kortolo,

Ani kunvor neai-an odhikar choloitole.

 2 Dor eklo, varem suttʼtta tednam lipʼpachea zagea bhaxen zatolo,

Vadollachea pausan asro koso zatolo,

Udok naslolea vattarant udkachea vhalla bhaxen zatolo,

Sukea vattarant eka vhoddlea khoddpache savlle bhaxen zatolo.

 3 Tednam polloitoleanche dolle porot kednanch bond zaunchenant,

Ani aikotoleanche kan dhean diun aikotole.

 4 Utavollai kortoleachem mon, gineanachea vostuncher bariksannen niall kortolem,

Ani uloita astana addkholltta ti jib suddsuddit ani spoxtt toren uloitoli.

 5 Hea fuddem ginean nasloleak porot kednanch udar kallzacho oxem mhunnchenant,

Ani zo totvam pormonnem cholona taka manadik mhunnchenant.

 6 Karonn ginean naslolo kaiche-kai uloita,

Ani dusreank Jehovachea add korunk,*

To aplea monant ievzonneo korta.

Ani bhukelʼlo upaxim uronk ani tanelʼlo tanen uronk,

To tachea vixim fotti sangta.

To lojechim kamam korunk urba dita,

Fott uloun to dukhi asloleank kabar korun uddoita,

Sot sangta tea goribak pasun to toxem korta.

 8 Punn udar kallzacho munis udarponnan diunk sodhta,

Ani to udar kallzan di-it ravta.*

10 Tumi, zankam aiz kainch poddon gelʼlem na, tim eka vorsa uprant koddkoddttolim,

Karonn drakxam kaddpachem kam kabar zatolem, punn tumkam kainch mellchem na.

Tumche kopdde kaddat,

Ani bhenddak sak bandat.

12 Tumchim horddim boddoun dukh korat,

Khub pik ditolea xeta pasot ani follam ditolea drakxanchea mollea pasot dukh korat.

13 Karonn mhojea lokanchi zomin kantteamnim ani kantteanchea jhilkuttamnim bhortoli,

Jea ghoramnim khuxalkai monoitale,

Hoi, tea khuxalkaiechea xarant tim posortolim.

14 Karonn tache vhoddle gopur soddun dileat,

Lokamnim bhorlolem xar ritem asa.

Ofel ani pahro korpacho gopur* sasnak lagon osadd poddla,

Tem ranvotti gaddvancho moja korpacho zago zala,

Ani hinddam pasot chorvachem moll zalam.

15 Voir thaun Dev amcher apli povitr xokti votoum poriant,

Ranvott vattar follanchi bag zai poriant,

Ani follanchi bag hirvea rana sarki zai poriant oxem zatolem.

16 Tednam tea ranvott vattarant neai vosti kortolo,

Ani tea follanche bagent nitivontponn thikann kortolem.

17 Khorea nitivontponnak lagon sogleak xanti astoli,

Khorea nitivontponnak lagon kednanch kabar zaina tosli xant poristhiti ani surokxa astoli.

18 Mhoje lok oslea zagear ravtole, zoim xanti astoli,

Hoi, oslea zagear zoim te xant poristhitint ani surokxotaien astole.

19 Punn korveanchea pausan ranacho nas zatolo,

Ani xarachem nisontton zatolem.

20 Udok asa thoim bim vomptoleamno,

Aplo boil ani gaddum ukte soddttoleamno,* tumi khuxal!”

33 Are nas korpea, tum, zacho nas zaunk na,

Are visvasghatkea, tum, zacho visvasghat zaunk na, tujer* hai!

Tum nas korop bond kortolo tednam tuzo nas zatolo,

Tum visvasghat korop bond kortolo tednam tujea sangata visvasghat zatolo.

 2 Jehova Deva, amchi doia kor,

Amcho bhorvonso tujer asa.

Dor disa sokallim amchem boll* zav,

Hoi, sonkoxttachea vellar amkam taronn diupi zav.

 3 Tum gorozta to avaz aikon veg-vegllea desache lok pollon voitat,

Tum ubo ravtanch raxttram hevtten-tevtten ximpoddttat.

 4 Bhukelʼle toll ieun akʼkhea desantlem soglem khaun uddoitat toxe, dusre ieun tuzo lutticho mhal khaun uddoitole,

Tollanchea bhiream bhaxen lok tacher zhompoi martole.

 5 Jehovak voir ubartole,

Karonn to unchlea sthanacher ravta.

 6 To tujem jivit* thir kortolo,

Bhorpur taronn, zannvai, ginean ani Jehovachi bhirant

—Hoch tacho thevo asa.

 7 Polloi! Tanche* dhirvont munis rosteacher dukhan bob martat,

Xanticho sondex diupi sondexkar dukam golloun roddttat.

 8 Mha-marg osadd poddla,

Rosteancher provas korpi konn na.

 9 Des dukh korta* ani bavon voita,

Lebanonak loz bhogta, to kusot voita.

Sharonachim mollam oronnʼnnem zaleant,

Bashanachim ani Karmelachim panam zhoddttat.

10 Jehova mhunntta, “Atam hanv uttʼttholom,

Ani mhoji vhoddvik kortolom,

Mhoji mhoima kortolom.

14 Sionantle patki bhieleat,

Devak soddun geleat te bhirantin koddkoddttat ani te mhunnttat:

15 Zo nitivontponnachea vatter cholot ravta,

Zo sot uloita,

Zo fottkirponnan ani dusreank fosoun melltta ti zodd nakarta,

Zo lonch* gheunk zhompoi marchea bodlek aple hat fattim kaddtta,

Zo jivexim marchea vixim asloleo ievzonneo aikoncheo nhoi mhunn aple kan bond korta,

Ani zo vaitt vostu dixtti poddcheo nhoi mhunn aple dolle bond korta,

16 Oslo munis unch zageancher ravtolo,

Khoddpacher aslolo ghott* kilʼlo tacho asro zatolo,

Taka unddo mellot ravtolo,

Ani udok taka kednanch unnem zaunchem na.”

17 Tuje dolle razak, tachea purnn vorteponnant polloitole,

Ani te desak pois thaun polloitole.

19 Tum tea gorvixttank porot anik kednanch pollounchona,

Hoi, tea lokank zanchi bhas somzonk khub kotthin asa,

Zanchi bhas vichitr asa, tankam tum porot kednanch pollounchona.

To eka oslea tombu sarko zatolo, zaka kednanch halounchenant,

Zache khille kednanch umttun kaddchenant,

Ani zacheo dorio kednanch katrun uddounchenant.

21 Thoim, Mhoimen Bhorlolo Jehova Dev amkam rakhtolo,

Zoxeo nhoim-eo vo kanal* eka vattarachi rakhonn kortat toso to amchi rakhonn kortolo.

Zhuzachim vhoddim amchea add ailear pasun, to tankam bhitor soronk diunchona,

Vhoddlea-vhoddlea tarvank pasun pasar zaunk diunchona.

22 Karonn Jehova amcho Neai Korpi,

Jehova amkam Kaido Diupi,

Jehova amcho Raza,

Toch amkam salvar kortolo.

23 Dusmananchea tarvancheo dorio dhil* zatoleo,

Te xidd ubem dovrunk pavchenant ani xiddacho kopddo posraunk xokchenant.

Tea vellar, itlo lutticho mhal vanttʼttole,

Ki longdde pasun bhorpur lutt gheun voitole.

Prithum ani tantunt jem kitem asa,

Zomin ani tantunt jem kitem upzota, tea sogleamnim aikonchem!

 2 Karonn Jehovacho rag soglea raxttrancher pettla,

Tanchea soglea fouzancher to khub ragar asa.

To tancho purnn toren nas kortolo,

To tankam jivexim martolo.

 3 Tanchea meloleank purchenant,

Ani tanchea moddeanchi ghann voir voitoli,

Tanchea rogtan dongor pigollttole.*

 4 Mollbachi sogli fouz kuson voitoli,

Ani mollbak kovllea bhaxen guttlaun dovortole.

Zoxi drakxanchea valichim panam sukon sokol poddttat,

Ani anjirachim follam bavon sokol poddttat,

Toxich mollbachi fouz bavon sokol poddttoli.

Hi tolvar Edomak khast lavunk sokol ietoli,

Tea lokancher ietoli, zancho hanvem nas korunk tharailam.

Ti chorben bhortoli,

Menddranchea ani bokddeanchea rogtan,

Menddranchea kiddnechea chorben ti bhortoli,

Karonn Jehova Bozra xarant bolidan bhettouncho asa,

Ani to Edomant zaitea zannank jivexim marcho asa.

 7 Ranvotti boil pasun tanchea sangata nas zaunk voitole,

Tornatte boil, vaddlolea ghott-mutt boilam sangata voitole.

Tancho des rogtan bhiztolo,

Ani tanchi mati chorben fugtoli.”

 8 Karonn Jehovan dusmanancho bodlo gheunk dis tharaila,

Sionak neai mellcho mhunn bodlo gheunk tannem ek voros tharailam.

 9 Tacheo* nhoim-eo damor zatoleo,

Ani tachi mati gondhok zatoli,

Ani tachi akʼkhi zomin zolltta toslo damor zatoli.

10 Tem dis ani rat zollot ravtolem,

Tantuntlean sodankal dhunvor ieit ravtolo.

Pillgean-pillgi poriant tem padd zaun urtolem,

Porot kednanch tantuntlean konn pasar zaunchona.

11 Pannkolli* ani sall* thoim kobzo korun ravtolim,

Lamb kananche ghughum* ani kavlle thoim ravtole.

Mezpachi dori ani ollombo* gheun Dev tem xar meztolo,

Karonn tannem tacho nas korunk ani tem osadd korun soddunk tharailam.

12 Tachea khoincheach odhikareak raza korchenant,

Ani tache sogle kunvor nanch zatole.

13 Tachea vhoddlea gopurancher kantteanchim zhaddam vaddttolim,

Tachea kilʼleancher ranvotti jhilkuttam* ani kantteanchim jhilkuttam zatolim.

Tem xar koleanchi* dhol zatolem,

Ani xohamrugancho* ravpacho zago zatolem.

14 Oronnʼnneantlim ranvotti zonvaram kuleo ghaltolea zonvaram sangata ravtolim,

Ani ranvotti bokddo aplea sangateak apoitolo.

15 Uddtta toslo sorop thoim aplem bill* kortolo ani tantiam ghaltolo,

To tankam ub ditolo ani aplea pilank aple savllent ektthaim kortolo.

Tanchea modem eklo-i unno aschona,

Tim soglim zoddien astolim, eklo-i sangati nastana aschona.

Karonn ho hukum Jehovachea tonddantlean asa,

Ani tache povitr xokten tankam ektthaim keleant.

17 Tannench tanchea pasot sort ghatlea,

Ani tannench aplea hatamnim tankam zago mezun dila.*

Te sodankal tacher kobzo kortole,

Ani pillgechea-pillge poriant tim thoim ravtolim.

35 Ranvott ani suko vattar khuxal zatolo,

Oronnʼnnem khuxal zatolem ani kesri fulanchea bage bhaxen fultolem.

 2 Dubhav nastana tem fultolem,

Tem sontosbhorit zaun khuxalkaien bob martolem.

Lebanonachi mhoima taka dilʼli astoli,

Karmel ani Sharonachem vorteponn taka mellttolem.

 3 Oskot hatank ghott korat,

Ani koddkoddttolea dhomprank thir korat.

Polloi! Tumcho Dev dusmanam koddlean bodlo gheunk,

Tankam khast lavunk ieta,

To ietolo ani tumkam salvar kortolo.”

 5 Tea vellar, kuddʼddeanche dolle ukte zatole,

Ani bhereanche kan ugoddttole.

 6 Longdde merva* bhaxen uddio martole,

Ani moneancheo jibo khuxalkaien bob martoleo.

Ranvott vattarant udkacheo zhori futtʼttoleo,

Ani oronnʼnneant nhoim-eo vhanvtoleo.

 7 Taploli zomin tollem* zatoli,

Ani tanelʼlea zomnintlean udkacheo zhori futtʼttoleo.

Jea dholimnim kole* ravtale,

Thoim, hirvem tonn ani lamb tonnacheo boddio ani papyrus-achim zhaddam zatolim.

 8 Ani thoim ek mha-marg astolo,

Hoi, ek osli vatt zaka Povitr Vatt mhunnttole.

To fokot tancheach pasot astolo, zanchea pasot to kela,

Murkh tacher paim pasun dovrunk xokchona.

 9 Thoim xinv aschona,

Ani koslinch bhirankull ranvotti zonvaram bhonvchimnant.

Tim thoim dixtti pasun poddchimnant,

Jea lokank mol farik korun soddoileat, tech tacher choltole.

10 Jehovan zankam soddoileat, te sogle lok khuxalkaien bob marit Sionant porot ietole,

Kednanch kabar zaunchina tosli khuxalkai tanchea toklecho mukutt zatolo.

Te itle anondan ani sontosan bhortole,

Ki dukh ani roddnnem tanchea thaun pollon voitolem.

24 Tujea sevokam udexim ho sondex dhaddun tunvem Jehovak tomnno marla:

‘Hanv mhojim hixob naslolim rotham gheun

Dongranchea tengxer choddttolom,

Lebanonachea poisulʼlea vattaram meren voitolom.

25 Hanv baim-eo martolom ani tanchem udok pietolom,

Ani mhojea paim-am tolla hanv Ejipttache vhall* sukoitolom.’

27 Tantunt ravtole lok kainch adar naslolea bhaxen zatole,

Te bhietole ani lojent poddttole.

Te mollar aslolea zhaddam-peddam bhaxen, ani hirvea tonna bhaxen zatole,

Te ghora voir* aslolea tonna bhaxen zatole, jem udentechea varean korpon voita.

28 Tum kednam uttʼttha-bosta, kednam ieta-voita,

Tum mhojer kednam ragar zata tem hanv zannam.

Hanv tujea nakant gori ghaltolom ani tujea tonddank logom* ghaltolom,

Ani tuka voddun hanv teach vatten vhortolom, zoim thaun tum ailʼlo.”

“To hea xarant ieunchona,

To ek pasun bann soddchona,

To ddhal gheun akromonn pasun korchona,

Vo vonott bandun gherav pasun ghalchona.’”

34 Jehova mhunntta: ‘To jea vatten aila, teach vatten porot voitolo,

To hea xarant ieunchona.

35 Hanv mhojea nanva pasot ani mhozo sevok Davida pasot,

Hea xarachi rakhonn kortolom ani tem salvar kortolom.’”

10 Hanvem mhunnttlem: “Mhoji ordi pirai jieun,

Hanv Fonddachea* darvontteant bhitor voitolom.

Hanv munxank kednanch pollounchom na,

Karonn hanv meloleam modem voitolom.

12 Gonvlleachea tombu sarkem

Mhojem ghor umttun uddoilam ani mhoje koddlean kaddun ghetlam.

Vinnpi zoso kopddo guttlaun dovorta, toxem mhojem jivit guttlailam,

Attiechea* suta bhaxen mhaka katrun vegllo kela.

13 Hanv sokall meren mhojea monak xant kortam,

Punn to xinva sarko mhojim haddam moddit ravta,

Sokall thaun rat meren tum mhaka dukh dita.

14 Eka lhan suknnea sarko vo bokea sarko hanv chinvchinvtam,

Parvea bhaxen hanv roddttam.

Voir polloun-polloun mhoje dolle thokleat,

‘Jehova Deva, hanv khub dukhi asam,

Mhozo adar zav!’

Kotthin vellar mhaka samballʼllo,

Taka lagon, jivitbhor hanv khalteponnan choltolom.

16 ‘Jehova Deva, hea karonnak lagon* munis jieta,

Ani heach karonnak lagon hanv-ui jivo asam.

Punn tuka mhoji khub opurbai asli,

Dekhun tunvem mhaka nisonttonnachea fondda thaun vanchoilo.

18 Fondd* tuji mhoima korunk xokona,

Moronn tuka vakhannʼnni diunk xokona.

19 Hanv aiz kortam toso,

Ek jivo munis, hoi, ek jivo munisuch tuji vakhannʼnni korunk xokta.

20 Jehova Deva, mhaka salvar kor,

Oxem kelolean, dusream sangata tar aslolim songitachim sadhonam vazoun,

Jivitbhor tujea ghorant, Jehovachea ghorant ami mhojim gitam gaitolim.’”

 2 Jeruzalema lagim doiall toren uloi,*

Tache dukhache dis somple mhunn taka sang,

Tannem aplea patkanchem farikponn dilem,

Jehova koddlean taka tachea patkanchem purnn* farikponn mellʼllem.”

 4 Dor ek falkem bhorun kaddat,

Ani dor ek dongor ani porvot ek-sarki zomin korat,*

Voir-sokol aslolo zago ek-sarko korat,

Ani khoddboddit zomin molla sarki korat.

 5 Tednam Jehovachi mhoima ugddapi zatoli,

Ani sogle lok ti polloitole,

Karonn Jehovan hem sanglam.”

 7 Jehovacho svas tancher poddtta tednam,

Hirvem tonn sukta

Ani fulam bavtat.

 8 Hirvem tonn sukta

Ani fulam bavtat,

Punn amchea Devachem utor sodankal togta.”

 9 Sionak bori khobor haddpi baile,

Unch dongrar choddon voch.

Jeruzalemak bori khobor haddpi baile,

Vhodd tallean ti sang.

10 Polloi! Akʼkhea Vixvacho Dhoni Jehova aple xokten ietolo,

Ani tacho hat tachea pasot raz kortolo.

Polloi! Dev aplea sangata inam gheun ieta,

Zo disvoddo to farik kortolo, to tachea mukhar asa.

Aplea hatamnim to menddurleank ektthaim kortolo,

Ani tankam aplea vengent ubartolo.

Dongor ani porvot,

Tagddi gheun konnem zokhleat?

13 Jehovachi povitr xokti konnem mezlea?*

Solʼlo diupi zaun, konn taka solʼlo diunk xokta?

Konn taka ginean dita,

Vo khore somzonnechi vatt dakhoita?

15 Polloi! Soglim raxttram tachea mukhar baldentlea udkachea eka thembea sarkim asat,

Tim tagddecher matlolea dhulʼli sarkim asat.

16 Lebanonantlim soglim zhaddam pasun vedicher zollounk pavchimnant,

Ani hulpailʼli bhett diunk thoinchim ranvotti zonvaram pasun unnim poddttolim.

17 Soglim raxttram tachea mukhar ostitvant naslolea sarkim,

Tachea nodrent tim kainch nhoi, tankam kainch mol na.

19 Kola aslolo kamdar murti* toiar korta,

Ani xett tika bhailean bhangar kaddtta,

Ani tichea pasot chandicheo sorpolleo* korta.

20 Vo ek munis bhett diunk ek oslem zhadd vinchun kaddtta,

Jem kusona.

Uprant to vochon kola aslolea eka kamdarak sodhta,

Zo thir ubi urta tosli murti toiar korunk xoktolo.

22 Zo gol prithume voir ravta,

Tachea mukhar prithumer jietolim soglim tollam sarkim asat.

To mollbak mov ani patoll kopddea sarko posraita,

Ravonk tannlolea tombu sarko to taka posraita.

23 To vhoddlea-vhoddlea odhikareank sokol uddoita,

Prithumechea neai korpeank* kainch nhoi korun soddtta.

24 Te atanch roilolea rompea sarke asat,

Tankam atanch vomplole,

Tanchim mullam azun ghott zaunk naslim,

Punn tancher varo marta ani te suktat,

Ani vadoll ieun pola bhaxen tankam uboun vhorta.

Taka aslolea zobordost takotik lagon ani ojapache xoktek lagon,

Tanche modlo, dor eklo ap-aplea zagear asta.*

‘Mhoji vatt Jehova koddlean liplea,

Deva koddlean mhaka kosloch neai mellona’?

29 Thokloleank to xokti dita,

Ani boll nasloleank toch ghottai dita.

30 Bhurge thoktole ani tankam puro zatolem,

Ani tornatte addkhollon poddttole,

31 Punn je Jehovacher bhorvonso dovortat, tankam novean xokti mellttoli.

Te dhanvtole punn thokchenant,

Te choltole punn tankam puro zaunchem na.”

41 “Zunveamno, vogi ravon mhojem aikat,*

Veg-vegllea raxttranchea lokamno, novea bollan bhorat.

Neai korunk zannem taka aplea paim-a lagim* apoila,

Raxttrank tachea tabeant keleant,

Ani razank tachea adhin keleat, to konn?

Tachea tolvari mukhar zo tankam dhulʼl korun soddtta,

Ani tachea dhonu mukhar tankam varean ubtolea tonna sarko korta, to konn?

 3 To tanchea fattik lagta, thambonastana fuddem sorta,

To tea rostea voilean voita, zoim tannem aiz meren paim dovrunk na.

Hanv Jehova, hanv sogleam-von Poilo zaun asam,

Ani nimanne pillge pasotui hanv bodolchom na.”

 5 Zunve hem polloun bhieleat,

Prithumeche poisulʼle vattar kampunk lagleat.

 6 Dor eklo aplea sangateak modot korta,

Ani aplea bhavak mhunntta: “Dhir dhor.”

 7 Kola aslolo kamdar xettik urba dita,

Zo hatoddi uzar korun dhatu sopatt korta,

To dhaddaupachea fatracher* hatodden kam kortoleak urba dita.

 8 “Punn tum Izraela, tum mhozo sevok zaun asa,

Jakoba, hanvem tuka vinchun kaddla,

Tum mhozo ixtt Abrahamachi sonsot.*

 9 Hanvem tuka prithumechea pontam thaun haddla,

Hanvem tuka prithumechea poisulʼlea vattarantlean haddla.

Hanv tuka ghott kortolom, hoi, hanv tuka modot kortolom,

Mhojea nitivontponnachea uzvea hatan hanv tuka samballun dhortolom.’

11 Polloi! Je tujer ragar zatat, te lojek poddttole ani tancho opman zatolo,

Je tujea lagim zhogoddttat, tanchi dhulʼl zaun te nanch zatole.

12 Tujea lagim zhogoddttoleank tum sodhtolo, punn te tuka mellchenant,

Karonn tujea lagim zhuz kortoleancho nas zatolo, te nanch zatole.

13 Karonn hanv Jehova tuzo Dev, tujea uzvea hatak ghott dhorun asam,

Ani tuka mhunnttam, ‘Bhienaka, hanv tuka modot kortolom.’

15 “Polloi! Hanvem tuka mollnnechea follea* sarko kela,

Dhariche dant aslolea mollnnechea novea sadona sarko kela.

Tum dongranchi mollnni korun tancho churo kortolo,

Ani porvotancho kunddo korun uddoitolo.

16 Tum tankam varem ditolo,

Ani varo tankam uboun vhortolo.

Tum Jehovak lagon khuxal zatolo,

Ani Izraelachea Povitr Deva vixim gorvan uloitolo.”

17 “Gorjevont ani gorib udok sodhtat, punn tankam udok mellona,

Tanchi jib tanen suklea.

Hanv Jehova, tankam zobab ditolom,

Hanv Izraelacho Dev, tankam soddun diunchom na.

18 Hanv sukea porvotancher nhoim-eo vhanvoitolom,

Falkeant zhori futtom-xeo kortolom.

Hanv ranvott vattarak tollem* kortolom,

Ani sukea desak udkacheo zhori kortolom.

19 Hanv oronnʼnneant cedar* zhadd,

Acacia* zhadd, pormollit zhadd,* ani pine* zhadd laitolom.

20 Oxem kelʼlean, sogle lok polloitole ani tankam kollttolem,

Te dhean ditole ani tankam somzotolem,

Ki hem Jehovachea hatachem kam,

Izraelachea Povitr Devan hem rochlam.”

Jem adim* ghoddlolem tem amkam sangat,

Oxem kelolean ami tea vixim chintunk ani tacho porinnam zannam zaunk pavtole.

23 Fuddarak kitem zaunchem asa tem amkam sangat,

Oxem kelolean tumi dev mhunn amkam kollttolem.

Hoi, kitem tori korat, borem vo vaitt,

Jem polloun ami ojap zatole.

24 Polloi! Tumi ason naslolea sarke asat,

Ani tumchim kamam kainch upeogachim nant.

25 Hanvem utʼtore thaun konnank tori upzoila ani to ietolo,

Udente thaun* ieta to mhojea nanvachi mhoima kortolo.

Zoso kumbhar voli mati maddoita,

Toso to raz korpeank* matie bhaxen maddoitolo.

Hanvem tacher mhoji povitr xokti ghatlea,

To raxttrank neai korun ditolo.

 2 To bob marchona vo vhoddlea avazan ulounchona,

Ani rosteancher tacho avaz aikonk ieunchona.

 3 Khoinchich maddoilʼli tonnachi boddi to moddchona,

Ani minnminntta ti khoinchich vat to palounchona.

 4 Prithumer neai stapon kori poriant, to palvochona vo maddvochona,

Ani sogle zunve tachea kaideachi* vatt polloit ravtole.

 5 Mollob Rochpi ani tem posraupi Vorto Dev,

Zannem prithum ani ticher asloleo sogleo vostu rochleat,

Zannem ticher ravtolea munxank jivit dilam,

Ani tankam sogleank svas dila,

To khoro Dev Jehova mhunntta:

 6 “Hanvem, Jehovan tuka nitivontponnan apoila,

Hanvem tujea hatak dhorla.

Hanv tuka rakhtolom, ani mhojea ani lokam modem tum ek korar koso zatolo,

Ani raxttram pasot uzvadd zatolo.

 7 Hea udexim, tum kuddʼddeanche dolle ugoddttolo,

Kallkhi kuddant aslolea koideank soddoitolo,

Ani bondkhonnichea kallkhant aslolea lokank bhair kaddttolo.

Hanv mhoji mhoima dusrea konnankuch dina,*

Hanv mhoji vakhannʼnni kantoilʼlea murteank dina.

 9 Polloi! Hanvem adim sanglolem tem ghoddon ailem,

Atam hanv tumkam noveo vostu kolloitam,

Teo ghoddon ieunchea poilinch hanv teo tumkam sangtam.”

10 Doriant voitoleamno ani tantunt asloleamno,

Zunveamno ani tantunt aslolea sogleamno,

Jehova pasot ek novem git gaiat,

Prithumechea konnxea-konnxeamnim tachi vakhannʼnni korat.

11 Ranvott vattaran ani tantuntlea xaramnim,

Toxench Kedarant ravtoleamnim, aplo tallo ubarcho.

Khoddpant ravtoleamnim, khuxalkaien bob marchi,

Dongrachea tengxer thaun vhoddlean bob marchi.

12 Tannim Jehovachi mhoima korchi,

Ani zunveamnim tachi vakhannʼnni korchi.

To bob martolo, hoi, to zhuzachi kollounni kortolo,

Ani aplea dusmanam poros apunn chodd xoktivont mhunn to dakhoun ditolo.

Punn atam hanv zolm ditolea eke baile bhaxen

Pirgotolom, khorxetolom ani vhoddlean suskar ghetolom.

15 Hanv dongor ani porvotancho nas kortolom,

Tachim soglim hirvim zhaddam sukoitolom.

Hanv nhoim-enche zunve* kortolom,

Ani tonn aslolim tollim sukoitolom.

16 Hanv kuddʼddeank oslea vatten vhortolom, ji te nokllot,

Oslea vatten gheun voitolom, ji tankam khobor na.

Hanv tanchea mukhar kallkhak uzvaddant bodoltolom,

Khoddboddit rosteank ek-sarko* kortolom.

17 Je kantoilʼlea murteancher visvas dovortat,

Je dhatuchea murteank* mhunnttat: “Tumi amche dev.”

21 Jehova nitivont asa dekhun,

Tannem aple kaide kitle vorte* ani mhoimebhorit asat tem khuxalkaien dakhoun dilam.

22 Punn he tor chorlole ani luttlole lok,

Sogle dholimnim addkon urleat, ani bondkhonnint lipon bosleat.

Tankam chorleat ani tankam vanchounk konn na,

“Tankam porot hadd!” oxem mhunnpi tanchea vatten konn na.

Zachea vatten cholonk tannim nakarlolem,

Ani zacho kaido* tannim pallunk na.

25 Taka lagon, to aplo rag ani krodh tacher votoit ravlo,

Ani taka tachea zhuzachi tiddok sosunk poddli.

43 Jakoba, zannem tuka rochla,

Izraela, zannem tuka ghoddoila, to Jehova oxem mhunntta:

 2 Tum udkantlean voita tednam, hanv tujea sangata astolom,

Tum nhoim-entlean voita tednam, teo tuka buddouncheo nant,

Tum ujeantlean cholta tednam, tum laschona,

Tacho hulop pasun tuka lagchona.

 3 Karonn hanv Jehova, tuzo Dev,

Hanv Izraelacho Povitr Dev, tuzo Salvar Korpi zaun asa.

 4 Tum mhojea nodren moladik asa,

Hanvem tuka man dila ani tuzo mog kela.

Taka lagon hanv tujea bodlek, lokank ditolom,

Ani tujea jivachea bodlek, raxttram ditolom.

Udente thaun hanv tujea sonstik* haddttolom,

Ani ostome thaun tuka ektthaim kortolom.

Mhojea putank poisulʼlean ani mhojea dhuvank prithumechea konnxea-konnxea thaun gheun ieo,

 7 Dor ekleak, zaka mhojea nanvan vollkhotat,

Zaka hanvem mhojea mhoime pasot rochla,

Zaka hanvem ghoddoila ani kela, taka gheun ieo.’

 8 Tea lokank gheun ieo, zankam dolle asonui te kuddʼdde asat,

Zankam kan asonui te bhere asat.

 9 Soglea raxttramnim eka zagear ektthaim zaunchem,

Ani veg-vegllea desantlea lokamnim ektthaim ieunchem.

Apunn sarke mhunn dakhoun diunk tannim sakxeank haddche,

Ani dusreamnim tem aikonchem ani mhunnchem, ‘Hem sot zaun asa!’”

10 Jehova mhunntta, “Tumi mhoje sakxi,

Hoi, mhozo vinchun kaddlolo sevok.

Tunvem mhaka vollkhon gheunchem ani mhojer visvas dovorcho,*

Ani hanv toch mhunn somzon gheunk, hanvem tuka vinchun kaddla.

Mhojea poilim konn Dev naslo,

Ani mhojea uprantui konn aschona.

12 Jehova mhunntta, “Tumchea modem khoinchoch porko dev naslo tednam,

Hanvench tumkam ugddapem kelem,* tumkam vanchoile ani tumkam tem kolloilem.

“Tumkam lagon, hanv tankam Babilonant dhaddttolom ani soglea darvontteanche lokhnnache dandde moddun uddoitolom,

Ani Kaldeikar aplea tarvamnim khontin roddttole.

16 Jehova oxem mhunntta,

Zo doriantlean vatt toiar korta,

Ani unchamboll doriantlean vatt ukti korta,

17 Zo aplea sangata zhuzachim rotham ani ghodde,

Xoktivont zhuzaream sangata akʼkhi fouz gheun ieta:

18 “Adim ghoddlolea vostuncho ugddas korinaka,

Ani jem zaun gelam tea vixim chintit ravom naka.

19 Polloi! Hanv kitem tori novem kortam,

Ani atam tachi survat zata.

Hanv ranvott vattarantlean ek vatt toiar kortolom,

Ani oronnʼnneantlean nhoim-eo vhanvom-xeo kortolom.

20 Kole* ani xohamrugam,*

Him ranvotti zonvaram mhaka man ditolim,

Karonn hanv mhojea lokam pasot, mhojea vinchlolea pasot,

Ranvott vattarant udok pieunk ditolom,

Oronnʼnneant nhoim-eo vhanvoitolom.

21 Hea lokamnim mhoji vakhannʼnni korchi mhunn,

Hanvem tankam mhojea pasot rochleant.

22 Punn Jakoba, tunvem mhaka ulo marunk na,

Karonn Izraela, tuka mhozo vaz aila.

23 Hulpailʼleo bhetto diunk tunvem mhojea pasot menddram haddunk nant,

Vo tujea bolidanam udexim tunvem mhoji mhoima korunk na.

Dennem haddunk hanvem tujer dobhav ghalunk na,

Toxench, tuje lagim dhovo dhump magon-magon hanvem tuka bejar korunk na.

24 Tunvem tujea poixeamnim mhaka ek vasachi boddi haddunk na,

Toxench, tujea bolidananchi chorbi bhettoun mhaka dhadoxi korunk na.

Tachea bodlek, tujea patkanchem vojem tunvem mhojer ghatlam,

Ani tujea guneanvamnim mhaka bejar haddla.

25 Hanv, hoi hanv toch, zo mhojea nanva pasot tuje oprad pusun kaddttam,

Ani tujea patkancho hanv ugddas korchom na.

27 Tujea poilea purvozamnim patok kelem,

Tujea vatten uloitat te* mhojea add geleat.

28 Taka lagon, hanv povitr zageachea kunvrank oxudʼdh kortolom,

Jakobachem nisontton zaunk ditolom,

Ani Izraelak opman zata toslim utram aikonk soddttolom.

44 “Jakoba, mhojea sevoka,

Izraela, mhojea vinchun kaddlolea, aik!

 2 Tuzo Rochpi,* zannem tuka ghoddla,

Zo tum kusveant aslo tednam thaun tuka* modot korit asa,

To Jehova oxem mhunntta:

‘Jakoba, mhojea sevoka,

Ani tum Jeshurun,* zaka hanvem vinchun kaddla, bhienaka.

 3 Karonn hanv tanelʼleak udok ditolom,*

Ani sukea zomnir vhall vhanvoitolom.

Hanv tujea sonsticher* mhoji povitr xokti votoitolom,

Ani tujea pillgencher besanvam ghaltolom.

 4 Te hirvea tonnam bhaxen busbuxit vaddttole,

Vhanvtea udkachea deger lailʼlea zhaddam* bhaxen vaddttole.

Tor anik eklo aplem nanv Jakob dovortolo,

Anik konn eklo aplea hatar boroitolo: “Hanv Jehovachom.”

 6 Jehova zo Izraelacho Raza ani tacho Soddoupi zaun asa,

Jehova zo fouzancho Dev zaun asa, to mhunntta:

To osleo vostu sangonk xoktolo kai, jeo rokddeoch ghoddcheo asat,

Ani jeo fuddarak ghoddpacheo asat?

 8 Tumi bhienakat,

Ani bhirantin koddkoddo nakat.

 9 Kantoilʼleo murteo kortat te kainch kamache nant,

Ani tankam avoddttat teo murteo kainch faideacheo nant.

Sakxi ason pasun teo* kainch pollounk xokonant ani somzonk xokonant,

Taka lagon, heo murteo kortoleank loz bhogchi poddttoli.

10 Oso konn asa zaka hatamnim kelʼlea deva thaun,

Vo dhatuchea murteam* thaun koslo-i faido zala?

Tannim sogleamnim ektthaim ieun fuddem ieunchem,

Te sogle thorthortole ani lojent poddttole.

Aplea bollvont hatamnim tacher hatoddi marta,

Ani taka akar dita.

Kam kortam-kortam taka bhuk lagta ani taka samkem puro zata,

To udok piena dekhun to khub thokta.

To taka eka munxacho akar dita,

Mondirant* dovrunk lagon,

To taka munxa bhaxen sobit korta.

14 Cedar* zhaddam katorpi,

Ghoddie ek khas torechem zhadd vinchun kaddtta, tem mhunnttlear oak,*

Ani ranantlea dusream zhaddam borabor to taka vaddonk dita.

16 Zhaddachem ordem lakudd uzar korun to uzo pettoita,

Tacher to mas bhazta ani tem khaun dhadoxi zata.

18 Oslea lokank kainch khobor na, te kainch somzonant,

Karonn tanche dolle bond asat, te kainch pollounk xokonant,

Ani tankam* kholaiechi somjikai na.

19 Konnuch aplea kallzant chintina,

Vo konnank itlem ginean vo somjikai na, ki to mhunnttolo:

“Ordem lakudd hanvem zolloilem,

Tachea inglleancher unddo bhazlo ani khaunk mas bhazlem.

21 “Jakoba, Izraela, hanvem sangloleo heo vostu ugddas dovor,

Karonn tum mhozo sevok.

22 Hanv tuje oprad eka kupan,

Ani tujim patkam eka datt kupan pusun kaddttolom.

Dongramno, ranamno ani tumchea soglea zhaddamno,

Sontosbhorit zaiat!

Karonn Jehovan Jakobak soddoila,

Ani to Izraela udexim apli mhoima dakhoita.”

24 Jehova zo tuzo Soddoupi zaun asa,

Tum kusveant aslo tednam thaun zannem tuka ghoddla, to mhunntta:

“Hanv Jehova, hanvem soglem kelam,

Hanvem mollob posrailam,

Ani hanvem prithum ghoddlea.*

25 Polkeo vostu uloitoleancheo* khunna khotteo mhunn hanv dakhoun ditolom,

Ani fuddar parkhupeank pixeam bhaxen korun uddoitolom.

Hanv zannarank ghuspaun uddoitolom,

Ani tanchea gineanak pixeponnant bodoltolom.

26 Hanv mhojea sevokachem utor khorem korun dakhoitolom,

Ani mhojea sondexkarancheo bhasaunneo purnn korun dakhoitolom.

Judachea xaram vixim mhunnttam, ‘Hanv tankam porot ubim kortolom,

Ani Jeruzalemache padd zaun gelʼle zage porot bandun kaddttolom.’

27 Hanv khol udkank mhunnttam, ‘Vaf zaun voir vochat,

Ani hanv tujea soglea nhoim-ank sukoitolom.’

28 Hanv Sirusa vixim mhunnttam, ‘To mhozo gonvlli,

Ani to mhojeo sogleo khuxeo purnn kortolo.’

Raxttrank tachea adhin korunk,

Razanchim hotʼtearam tanchea koddlean kaddun gheunk,*

Ani darvontte porot bond zaina tea toren

Tachea mukhar xarachim donui daram ugddunk,

Hanvem, Jehovan tacho uzvo hat dhorla, ani hanv taka mhunnttam:

 2 “Hanv tujea mukhar voitolom,

Ani porvot, ek-sarki zomin kortolom.*

Hanv tambeachea daranche kuddkean-kuddke kortolom,

Ani tache lokhnnache dandde katrun uddoitolom.

 3 Hanv tuka kallkhant dovorlole theve ditolom,

Ani gupit zageamnim lipoun dovorlole theve ditolom.

Hea vorvim, hanv Jehova, Izraelacho Dev,

Tuka tujea nanvan apoitam mhunn tuka kollon ietolem.

 4 Mhozo sevok Jakoba pasot, ani mhozo vinchun kaddlolea Izraela pasot,

Hanv tujem nanv gheun tuka apoitam.

 5 Hanv Jehova, mhojea bhair anik konn na,

Mhaka soddun dusro khoinchoch Dev na.

 6 Oxem kelolean, suria udeta thoim thaun tem suria buddtta thoim meren,*

Mhaka soddun dusro konnuch na mhunn

Lokank kollon ietolem.

 7 Hanv uzvadd ani kallokh rochtam,

Hanvuch xanti ani odruxtt haddttam.

 8 Mollbamno, voir thaun paus ghalat,

Kupamnim nitivontponnacho paus akʼkhea prithumer votoum-di.

Prithumek zagi zaum-di

Ani taronn ani nitivontponnacheo bio kirlon foll upzoum-di.

Karonn to tor zomnir poddlolea matiechea aidonachea kuddkeantlo,

Fokot ek lhanso kuddko zaun asa.

Hanvem mhojea hatamnim mollob posrailam,

Ani hanv tanchea soglea foujek hukum ditam.”

13 Fouzancho Dev Jehova mhunntta: “Mhojea nitivontponnan hanvem eka munxak upzoila,

Ani hanv tacheo sogleo vatto nitt kortolom.

Toch mhojem xar bandtolo,

Ani koslench mol vo lonch* ghenastana, koident aslolea mhojea lokank soddoitolo.”

“Ejipttacho faido* ani Ethiopiechem saman* ani Sebache lamb munis,

Tujea lagim ietole ani tuje sevok zatole.

Te sanklleamnim tujea fattlean choltole,

Te ieun tujea mukhar man bagoitole,

Ani te manan tuka mhunnttole, ‘Khorench, Dev tujea sangata asa,

Tachea bhair anik Dev na, konnuch na.’”

15 Izraelachea Deva, tum Salvar Korpi,

Khorench, tum apleakuch gupit dovorta toslo Dev.

16 Murteo korpeank loz bhogchi poddttoli,

Ani tancho sogleancho opman zaun, te lojek poddttole ani te voitole.

18 Khoro Dev Jehova zannem mollob rochlam,

Prithum ghoddlea, ani ti thir stapon kelea,

Zannem prithum bexttich* rochunk na, punn lokank ravonk ti ghoddlea,

To Dev mhunntta:

Hanvem Jakobachea sonstik* oxem mhunnonk na,

‘Mhaka sodhat, punn tumcho vavr funkott voitolo.’

Kantoilʼleo murteo gheun bhonvtat, tankam kainch khobor na,

Te oslea deva lagim magnnem kortat, zo tankam salvar korunk xokona.

23 Hanv mhozoch soput gheun sangtam,

Mhojea tonddantlean bhair sorlolem utor sot zaun asa,

Tem purnn zalea bogor urchem na:

Dor eklo mhojea mukhar dimi ghaltolo,

Dor ek jib visvaxi ravpacho soput ghetoli,

24 Ani mhunnttoli, ‘Khorench, Jehova nitivontponnacho Dev. To xoktivont asa.

Tancheo murteo zonvarancher, vojem vhortolea zonvarancher oxeo dovorleat zoxeo,

Thoklolea zonvarancher zaitem saman dovorlam.

 2 Bel ani Nebok sangata loz bhogchi poddlea,

Te aplem saman* vanchounk xokonant,

Ani te apunnuch koident voitat.

 4 Tumchea zanntteponnar pasun hanv bodolchom na,

Tumche kens pikle zalear pasun hanv tumkam uklun dhortolom.

 6 Osle lok asat, je potientlean bhangar kaddun-kaddun ditat,

Ani tagddecher chandi meztat.

 7 Te tika khandar ubartat,

Ani vhoron tika tichea zagear ubi dovortat.

Te tichea mukhar roddttat, punn ti kainch zobab dina,

Ti konnankuch tanchea sonkoxttantlean vanchounk xokona.

 8 Guneanvkaramno, teo vostu ugddas korat,

Teo tumchea kallzant dovrat ani dhir gheiat.

 9 Adim* ghoddlolea vostuncho ugddas korat,

Ani hanvuch Dev mhunn zannam zaiat, mhaka soddun anik konnuch na.

10 Hanv survatekuch, xevottak kitem ghoddttolem tem sangtam,

Ani jeo vostu atam meren zaunk nant, teo hanv poilinch kolloitam.

Hanv mhunnttam, ‘Hanvem jem tharailam tem purnn zatolench,*

Ani mhaka zai tem hanv kortolonch.’

11 Hanv udente thaun* xikar korpi suknneak apoitam,

Hanvem tharailam tem* purnn korunk hanv poisulʼlea desa thaun eka munxak apoitam.

Hanvench hem sanglam ani hanvuch tem purnn kortolom,

Hanvench hem tharailam ani hanv tem kortolonch.

13 Nitivontponn dakhouncho mhozo vell chodd pois na,

To lagim asa.

47 Babilonache ankvar dhuve,

Sokol denv ani dhulʼlint bos.

Kaldeikaranche dhuve,

Zomnir bos, tujea pasot xinvason na,

Karonn tum nazuk asa ani tuje ladd keleat, oxem lok porot kednanch mhunnchenant.

 4 “Izraelacho Povitr Dev

Amcho Soddoupi zaun asa.

 5 Kaldeikaranche dhuve,

Kallkhant voch ani thoim vogi bos.

Hanvem mhojem daiz boxttailem,

Ani hanvem tankam tujea hatan dile.

Tunvem hea vostuncher dhean diunk na,

Ani tujea kamancho kitem porinnam zatolo tea vixim tunvem chintunk na.

Tunvem kelʼlea tujea zaitea jadu-ttonak lagon ani bollixtt montram-tontrank lagon,

Heo vostu tujea thaim purnn toren ghoddttoleo.

Tujea zannvaien ani gineanan tuka bhottkoilea,

Ani tum tujea kallzantuch mhunntta: “Hanvuch sogleam-von vorti, mhojea sarki anik konnuch na.”

11 Punn tujer odruxtt ietolem,

Ani tujim khoinchinch montram-tontram tem addaunk xokchimnant.*

12 Tum tornattponnar thaun montram-tontram

Ani zaite jadu-ttona kortali toxi, korit rav.

Ghoddie tea udexim tuka faido zait,

Ani tum ghoddie lokancher bhirant ghalit.

Je mollbachi bhokti kortat,* je noketrank dhean diun polloitat,

Je novo chondrim polloun fuddar sangtat,

Tannim ieun tujea sovem kitem ghoddchem asa tem sangchem.

Ub gheunk he inglle nhoi,

Ani mukhar boson xekonk melltta toslo ho uzo nhoi.

15 Tum tornattponnar thaun jea jadu-ttona korpeam sangata vavr korit ailea,

Tanchi poristhiti pasun oxich zatoli.

Tum jem tukach Izrael mhunntta,

Tum jem Judachea zhorintlean* ailam,

Ani tum, jem Jehovachea nanvan soput gheta,

Ani Izraelachea Deva lagim magnnem korta,

Hem soglem tum sotan ani nitivontponnan korina.

 2 Karonn tum apunn povitr xarant ravpi oxem mhunntta,

Ani Izraelachea Devacho asro gheta,

Zachem nanv fouzancho Dev Jehova.

Teo mhojeach tonddantlean bhair sorloleo,

Ani hanvench teo kolloilʼleo.

 4 Karonn tum kitlem hottʼtti* asa tem mhaka khobor aslem,

Tuji man lokhnna bhaxen ani tujem kopol tambea bhaxen ghott asa.

 5 Taka lagon, hanvem khub poilinch heo vostu sangloleo,

Teo ghoddon ieunchea poilinch tuka sangloleo.

‘Hem mhojea murtechem kam, mhojea kantoilʼlea ani dhatuchea murtechea* adnea pormonnem tem zalem,’

Oxem tunvem mhunnchem nhoi mhunn hanvem tuka teo sangloleo.

 6 Tunvem heo sogleo vostu aikoleat ani polloileat,

Heo tum sogleank kollounchem na kai?

Atam thaun hanv tuka noveo vostu kolloitam,

Tuka khobor naslole gutt hanv ugddape kortam.

Karonn tum visvasghatki aslem mhunn hanv zannam,

Ani tuka zolma thaunuch opradi mhunnttlolem asa.

 9 Punn hanv mhojea nanva pasot mhozo rag addaun dovortolom,

Mhojea vakhannʼnnek lagon hanv mhakach addaitolom,

Hanv tuzo nas korchom na.

13 Hanvem mhojea hatamnim prithumechi buniad ghatlea,

Ani mhojea uzvea hatan mollob posrailam.

Jehovan zacho* mog kela,

To Babilonachea add tachi khuxi purnn kortolo,

Ani Kaldeikarancher tacho hat ubarlolo astolo.