ODHEAI 53
Jehovak Manvota Toslem Monoronjon Vinchun Kaddat
Jehova ek ‘khuxal Dev’ zaun asa. (1 Timotak 1:11) Ani ami pasun khuxal aslolim taka zai. Ami soglea vellar fokot kamamnim buddon ravlolim Jehovak naka. Punn ami amchea famili sangata ani ixttam sangata khuxalkaien vell sarlolo taka zai. Hem ami koxem korunk zata? Ani Jehovak manvota toslem monoronjon amchean koxem vinchun kaddunk zata tem ami hea odheai-ant polloum-ia.
1. Monoronjon vinchun kaddttana ami kitem ugddas dovrunk zai?
Thoddea lokank ghora astana kitem-i vachpak, Internet-acher kitem polloupak, kantaram aikopak, film-am polloupak vo jevonn randpak khub avoddtta. Anik thoddea lokank aplea ixttam sangata bhair vochon bhonvpak vo kosli-i game khellpak avoddtta. Tor, amchi avodd veg-veglli astoli. Punn ami kitem-i kortat zalear vo koslem-i monoronjon vinchun kaddttat zalear, tem ‘Dhoniak manvota’ vo nam tem ami zannam zaunchi goroz asa. (Efezkarank 5:10) Karonn aiz-kal TV-cher vo Internet-acher hinvsa, pozoddponn, ghaddiponn hench chodd dakhoitat. Ani hem soglem Jehovak matui avoddnam. (Stotr 11:5 vachat.) Tor, Devak manvota toslem monoronjon vinchun kaddunk amkam koxi modot zaunk xokta?
Mhonnʼnneo 13:20 sangta: “Xanneam borabor bhonvlear xannom zata, pixea vangdda bhonvta tachem nisonntton zatolem.” Tor, Jehovachea dorjeancho mog korinant tosleam lagim ami chodd vell sarunk upkarona. Punn, ami Jehovacho mog kortat toslim ixttam vinchun kaddttat zalear, tim amkam borem monoronjon vinchun kaddunk modot korunk xoktat.
2. Ami monoronjonant kitlo vell sartat tacher tabo dovrop kiteak gorjechem?
Ami jem kitem kortat vo jem monoronjon vinchun kaddttat, tantunt ghoddie kainch vaitt na zait. Punn ami tantunt kitlo vell ghaltat tem ami pollounk zai. Karonn, ami monoronjonant chodduch vell ghaltat zalear, gorjechim kamam korunk amkam vell mellchonam. Teach pasot, Bible amkam sangta, “tumcho vell bore toren uzar korat.”—Efezkarank 5:15, 16 vachat.
KHOLAIEN XIKAT
Monoronjona vixim bore nirnnoi koxe gheunk zatat tem zannam zaiat.
3. Devak manvona tem monoronjon pois korat
Ami amchem monoronjon chintun kiteak vinchun kaddunk zai? VIDEO polloun sokol dilʼlea prosnanche zobab zannam zaum-ia:
Aichem thoddem monoronjon adim Romant choltolea gladiator khella sarkench asa mhunn ami kiteak mhunnonk zata?
Monoronjona vixim Danny-k kitem xikonk mellʼllem?
Romkarank 12:9 vachun sokol dilʼlea prosnacho zobab zannam zaum-ia:
Hem vers tumkam borem monoronjon vinchun kaddunk koxem modot korta?
Jehova koslea vostuncho dves korta? Mhonnʼnneo 6:16, 17 ani Galasiekarank 5:19-21 vachat. Dor ek vers vachlea uprant, sokol dilʼlea prosnacho zobab zannam zaum-ia:
Hea versamnim sangloleo khoincheo vostu aiz amkam monoronjonant dison ietat?
Borem monoronjon vinchun kaddunk tumkam koxi modot zatoli?
Tumkanch vicharat:
Hea monoronjonant Jehova dves korta toslem kitem-i asa kai?
Hea monoronjonant mhozo kitlo vell voitolo? Mhaka gorjechim kamam korunk vell mellttolo kai?
Hea monoronjonant hanv konna sangata vell sartam? Jehovacho mog korinant toslea lokam sangata mhoji ixttagot zatoli kai?
Dhokea thaun poilench pois ravlolem borem. Teach bhaxen, jea monoronjonant thoddem vaitt asonk xokta oxem amkam dista zalear pasun tea monoronjona thaun ami poilinch pois ravlolem borem.
4. Tumchea vellacho boro upeog korat
VIDEO polloun sokol dilʼlea prosnacho zobab zannam zaum-ia:
Tea video-nt dakhoilʼlo bhav kainch vaitt polloinaslo. Tori astana, to monoronjonant zo vell ghaltalo taka lagon kitem zalem?
Filipkarank 1:10 vachun sokol dilʼlea prosnacho zobab zannam zaum-ia:
Monoronjonant kitlo vell ghalpacho hem tharaunk hem vers amkam koxem modot korta?
5. Borem monoronjon vinchun kaddat
Thoddem monoronjon Jehovache nodren chukichem asa, punn thoddem na. Tor Jehovak avoddtta tem korun ani polloun ami khuxal zaunk xoktat. Upodexok 8:15 ani Filipkarank 4:8 vachun sokol dilʼlea prosnacho zobab zannam zaum-ia:
Borea monoronjona modlem tumkam khoinchem monoronjon avoddtta?
Tumi borem monoronjon vinchun kaddun khuxal zaunk xoktat
THODDO LOK MHUNNTA: “Hinvsa, pozoddponn vo ghaddiponn aslolem monoronjon polloilear kitem zata? Karonn hanv toxem korina, hanv tem fokot polloitam.”
Tumi kitem mhunnttolim?
KITEM XIKLIM
Ami borem monoronjon vinchun kaddun khuxal aslolim Jehovak zai.
Porot Ugddas Korum-ia
Koslem monoronjon ami pois korunk zai?
Ami monoronjonant kitlo vell ghaltat tacher kiteak dhean diunk zai?
Tumi Jehovak manvota toslem monoronjon kiteak vinchun kaddunk sodhtat?
ANIK SODHAT
Monoronjon vinchun kaddunk konnem nirnnoi gheunk zai tem zannam zaiat.
Monoronjon vinchun kaddttana tumi kitem monant dovrunk zata tem zannam zaiat.
“Tumchem Monoronjon Tumkam Khuxalkai Haddtta Kai?” (The Watchtower, October 15, 2011)
“Hanv Bhed-bhav Pasun Pois Korunk Pavlom,” hea lekhant eka bhavan monoronjon vinchun kaddunk kosle bodlav kele ani kiteak tem zannam zaiat.
Eke avoin TV-cher bhutanchem film ailem tednam kitem kelem tem polloiat.