Somiachea Ugddas Disak Ieunk, Tumchea Vattarant Sogleank Amontronn Diat!

Febrerache 27 tarker thaun, ami amchea ganvant, zata titlea lokank amchea sangata, Somiacho Ugddas dis monounk apounnem diunk vavurtolim. Hea vixim konnem umed dakhoilea, tankam odik somzonni diun modot korunk, ami chodd dhean diunk zai.

PANVLAM GHEUNK MUDʼDHE

TUMCHEM PRODORXON

“Ami eka khas disak lagon tumkam apounnem diunk aileant. Marsachea 23 tarker sonvsarbhor lakʼkhanim lok Jezucho mornnacho dis ugddas korunk ektthaim ietolo. Jezuchea mornna udexim amkam kitem boreponn melltta, hea vixim tea disak ek bhaxonn astolem. Hea kagdar tea khas kariavollicho vell ani zago dakhoila. Ghoddtta zalear upkar korun ieiat.”

Konnui umed dakhoita zalear . . .

• DEVACHEM RAJ MHUNNTTLEAR KITEM? HEM TTREKTT DI

  Tea munxak porot bhett korunk ek prosn sodd.

• UGDDAS DISACHO VIDDEO DAKHOI

  Tea munxak porot bhett korunk ek prosn sodd.

Porot bhett korta tednam . . .

• BIBLE KITEAK XIKONK ZAI? HO VIDDEO DAKHOI

  Bible obheas korunk lagon toiar kelolem prokaxon di.

• BIBLE KHORENCH KITEM XIKOITA? HEM PUSTOK DI

  Pustokachi 236-238 panam uzar korun, Somiachea Ugddas Disa vixim chodd mahiti di. Tea uprant pustok di.

• DEVACHEM AIK HI PUSTIKA DI

  Pustekichim 18-19 panam uzar korun Jezuchem moronn kiteak mhotvachem aslem tem dakhoi. Tea uprant pustika di.