Dhumallo Asonui Job Devak Visvaxi Ravlo

Israel porza Ejiptachea desant koidi asloli tednam, Job Uz ganvant jietalo. Job ek Israelitkar naslo tem khorem, punn to Jehova Devacho ek visvaxi bhokt zaun aslo. Tacho ghorabo vhodd aslo. To khub girest aslo ani lokam modem taka vhodd nanv aslem. Lok tachea lagim solʼlo gheunk ietale karonn to munxam modem bhed-bhav korinastana nit kortalo. To sodanch goribank ani gorjevontank adar ditalo. Jehova Devachea nanvank to sodanch man haddttalo.

Aplea jivitant Jehovak poilem sthan asa mhunn Joban spoxtt ritin dakhoun dilem

1:8-11, 22; 2:2-5

• Job Devak visvaxi asa mhunn Soitanan polloilem ani to Devak khalto asa mhunn tannem manun ghetlem. Punn, to kiteak Devak khalto ravta hea vixim tannem prosn ubarlo

• Job apleach faideak lagon Jehovachi seva korta mhunn Soitanan davo kelo

• Soitanan kelolea prosnak zobab diunk, Jehovan Soitanak Jobachi porikxa gheunk porvangi dili. Soitanan Jobachem jivit zaitea dukh-trasamnim bhorlem

• Dukh-trasant pasun Joban aplem promannikponn samballʼllem tem polloun, Soitanan soglea munxanchea promannikponnacher prosn ubarlo

• Joban patok korunk nam vo Deva add kainch vaitt ulounk nam