AMCHEM KRISTI JIVIT
Hanv Devachem Utor Mhenotin Xiktolom Munis Koso Zaunk Xoktam
Daniel koxtt-dogdanchea vellar Devak visvaxi ravlo toso tum ravonk axeta? Daniel mhenotin Devachem utor obheas kortalo ani tosoch tantunt aslolim kholaiechim bhakitam topastalo. (Dan. 9:2) Mhenotin Bible obheas kelear tuka visvaxi ravonk modot mellttoli. Koxi? Obheas kelʼlean Devan bhasailam tem purnn zatolench mhunn tuzo bhavarth ghott zatolo. (Josh. 23:14) Deva pasot tuzo mog anik vaddttolo ani borem tem korunk tuka urba mellttoli. (St. 97:10) Punn, Bible obheas koso korcho? Thoddeo suchounneo polloi.
Hanv kitem obheas korum? Bible obheas korpachi ek bori sonvoim amkam asonk zai. Tea sonvoim-ent sobhechea mittingechi toiari korop mellon asa. Tujem sumanachem Bible vachop anik faideachem zatolem zalear, somzona tea vixoi-ancher sodh korunk tunvem vell kaddunk zai. Thoddeanim, Bible-antle bhasaunne vixim, povitr xoktechea gunnam vixim, apostl Paulun sot porgottunk kelʼlea bhonvdde vixim vo Devachea rochnne vixim chodd xikonk vinchun kaddlam. Bible-antlea khoinchea-i vixoi-acher tuka prosn asa zalear, tunvem to tujea fuddlea obheasant xikonk zata.
Mhaka mahiti khoim mellttoli? Mahiti khoim mellttoli hem zannam zaunk Odheatmik Theve Sodhun Kaddunk Sadhonam ho viddeo polloi. Uprant, Daniel pustokachea 7-vea odheai-ant dakhoilolea zonvaram vixim tumi sodh korunk zata.
Hanvem kitlo vell obheas korunk zai? Sodanch Bible-acho obheas kelear amchi odheatmik bolaiki bori urta. Survatek, tunvem thoddo vell obheas korunk zata ani magir to vell sovkas-sovkas vaddounk zata. Devachea utrant zaite odheatmik theve asat, jitle tuka mellttole, title chodd sodhunk koxe tuka distole. (Mho. 2:3-6) Devachea utra pasot tuji bhuk anik vaddttoli ani Bible obheas korpachi tuji sonvoim kednanch moddchinam.—1Ped. 2:2.
DANIEL ODHEAI 7-ANT SANGLOLIM ZONVARAM KONNAK SUCHOITAT?
Dan. 7:4
Dan. 7:5
Dan. 7:6
Dan. 7:7
ANIK PROSN:
Daniel 7:8, 24-ant boroiloli bhasaunni koxi purnn zali?
FUDDLO SODH:
Prokasovnni odheai 13-ant sanglolim zonvaram konnak suchoitat?