Zoddpeamnim Aplem Kazari Jivit Koxem Ghott Korunk Zata

Abraham ani Saran eka-mekak mog ani resped dakhoun, kazari zoddpeank ek borem udharonn dovorlam. (Ut. 12:11-13; 1Ped. 3:6) Toriastana, tanchem kazari jivit poripurnn naslem, karonn tankam trasancho fuddo korcho poddlo. Abraham ani Sarachi dekh gheun kazari zoddpim kitem xikonk xoktat?

Eka-meka lagim uloiat, ani eka-mekachem aikat. Tuzo ghov vo tuji bail bejar zata vo tiddkin uloita tednam khaltikaien zobab diat. (Ut. 16:5, 6) Eka-meka sangata vell sarunk manddavoll korat. Utramnim ani korneamnim tujea ghovak vo bailek tumi tancho mog kortat mhunn khatri diat. Punn soglea-von mhotvachem mhunnttlear, tumi Jehova sangata tumchi ixttagot ghott korit ravat. Hem korunk tumi sangata mellon tachea vixim xikat, tachi bhokti korat ani tachea lagim magnnem korat. (Up. 4:12) Kazari jivit ghott asta tednam hi povitr manddavoll bandun haddlolea Jehova Devak ami man haddttat.

KAZARI JIVIT KOXEM GHOTT KOROP, HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Hea nattkant, Shaan ani Kiara eka-meka thaun pois sortalim mhunn kitea voilean kollon ieta?

• Kazari jivitant ghov-bailamnim ukteponnim ulovop kiteak ekdom gorjechem?

• Shaan ani Kiarak, Abraham ani Sarachem udharonn koxem faideak poddlem?

• Aplem kazari jivit ghott korunk Shaan ani Kiaran kitem kelem?

• Eka ghovan ani bailen aplem kazari jivit kainch tras nastana astolem mhunn kiteak opekxa korunk zaina?