Obheas Korunk Mahiti
“Bhoktechim Gitam” Tonddpatt Korat
“Hanv khub niraxi astam tednam, Jehova mhaka JW Broadcasting® kariavollintlea gitam vorvim urba dita.”—Lorraine, U.S.A.
Jehovak vakhannʼnni diunk, Kristanvam adlea tempa thaun “bhoktechim gitam” gaitat. (Kol. 3:16) Him gitam ami tonddpatt korunk zai. Kiteak? Faleam zor amchea lagim gitanchem pustok vo fon na zalearui, ami tim gaunk pavtolim ani amkam faido zatolo. Tor tim tonddpatt korunk, ami sokol dilʼleo thoddeo vatto uzar korunk zatat.
Gitacho orth somzonk tantuntlim utram dhean diun vachat. Umkich mahiti ami bore toren somzon ghetat tednam, ti ugddas dovrunk amkam sompem zata. Gitanchim utram (JW gitam ani bhurgeam pasot gitam) tumkam jw.org-acher mellttolim. Tumi website-icher Library hea bhagant, Songit hantunt pollounk zata.
Gitachim utram boroun kaddat. Oxem kelʼlean, tumkam tim anik bore toren ugddas urtolim.—D.S. 17:18.
Vhoddlean practice korat. Porot-porot gitachim utram vachat vo gaiat.
Tumkam kitlem ugddas asa tem polloiat. Gitachim utram polloinastana tumi tim gaunk xoktat zalear polloiat.