Zhuzak Lagon Ani Vatavoronnant Bodol Zalʼlean Sonvsarbhor Jevnnachem Unnemponn—Hea Vixim Bible Kitem Sangta?

Ukraine-antlea zhuzak lagon ani vatavoronnant bodol zala dekhun sonvsarbhor jevnna-khannachem unnemponn zait asa. Oslim poristhiti chodd korun gorib desamnim asa, zoim favo titlem jevonn mellonk khub kotthin zata.

• “Zhuz, vatavoronnant bodol, toxench, gas, petrol sarkea her gorjechea vostunchem mol vaddtta dekhun jevonn mellonk ani favo titlem pik mellonk kotthin zata.”—António Guterres, UN secretary-general, 17 Julay , 2023.

• “Ukraine-a thaun jevonn dhaddunk Ukraine ani Russia modem ek contract aslo, punn to contract Russia-n moddlo. Tea karonnank lagon sonvsarbhor jevnna-khannachem unnemponn anikui vaddttolem ani Utʼtor Africa ani Gulf-achea gorib desamnim jevnna-khannacheo vostu anikui mharog zatoleo oxem zannar sangtat.”—Atalayar.com, 23 Julay , 2023.

Jevnnachem unnemponn ani fuddara vixim Bible kitem sangta tem zannam zaiat.

Jevnnachem unnemponn astolem mhunn Bible-ant adim fuddench sanglolem

• Jezun sanglolem: “Ek raxttr dusrea raxttracher ani ek raj dusrea rajeacher zhuz kortolem. Veg-vegllea zageancher bhuk poddttoli.”—Matev 24:7.

• Bible-ant Prokasovnni pustokant char ghoddesvaram vixim sanglam. Tantuntlo ek ghoddesvor, zhuzank suchit korta. Tachea fattlean anik ek ghoddesvor ieta zo bhukek suchit korta, jea vellar jevnna-khannacheo vostu unneo ani khub mharog astoleo. “Ek kallo ghoddo mhaka dixtti poddlo; tacher boslolo aslo tachea hatant ek tagddi asli . . . Ek tallo hanvem aikolo. To oxem sangtalo: Eka dinarak xer-bhor gonv, ani eka dinarak zovache tin xer.’”—Prokasovnni 6:5, 6.a

Jevnna-khannam vixim Bible-ant sangloleo bhasaunneo, aichea kallar, tem mhunnttlear Bible-ant sanglolea “nimannea disamnim” purnn zatat. (2 Timotak 3:1) Tor ‘nimannea disam’ vixim, ani Prokasovnni pustokant sanglolea char ghoddesvaram vixim anik zannam zaunk 1914 Vorsa Thaun Sonvsarachi Poristhiti Bodolʼlea ho video polloiat, ani ““The Four Horsemen—Who Are They?” ho lekh vachat.

Bible amkam koso modot korunk xokta?

• Bible-ant amkam faideak poddttat tosle solʼle mellttat. Hea vorvim amkam kotthin poristhitincho, zoxem mhargai ani jevnnachem unnemponn, hancho pasun fuddo korunk modot zata. “How to Live on Less” hea lekhant osle thodde solʼle dilʼle asat.

• Fuddarak poristhiti bori zatoli mhunn Bible amkam bhorvonso dita. Fuddarak oslo vell ietolo jednam “porvotanche tengxe meren subhamponnan desant piktolo dhanno” ani sogleank bhorpur jevonn astolem mhunn Bible-ant bhas dilea. (Stotr 72:16) Tor Bible fuddara vixim koslo bhorvonso dita, ani ami tacher kiteak patieunk zata tea vixim anik zannam zaunk “A Real Hope for a Better Tomorrow” ho lekh vachat.

  [Futtnott]

  a Ek dinar mhunnttlear eka akʼkhea disacho pagar zaun aslo.