Devan Poilo Dadlo Ani Poili Bail Rochli

Jehovan ek bag toiar keli. Tea bagechem nanv aslem Eden. Tea bagent zaitim zhaddam, fulam ani zonvaram aslim. Ani uprant, Devan poilea dadleak rochlo. Tachem nanv Adanv. Devan matie thaun tachi kudd toiar keli ani tachea nakant svas ghatlo. Tednam kitem zalem tem tum zannam? Adanv jivo munis zalo! Jehovan taka ek kam dilem. Tem mhunnttlear, tea bagecho samball korunk ani soglea zonvarank nanvam diunk.

Jehovan Adanvak ek adnea dili ji aikop gorjechi asli. Devan taka sanglem: ‘Tum soglea zhaddanchim follam khaunk xokta, fokot ek zhadd soddun. Tem zhadd khub khas zaun asa. Tea zhaddachem foll khailear tum mortolo.’

Uprant Jehovan sanglem: ‘Hanv Adanvak modot korunk ek bail kortam.’ Dekhun Devan taka ek bori nhid ghatli. Ani tachi ek bor vo hadd kaddlem ani tea bor-e thaun bail rochli. Tea baileche nanv Eve aslem. Hea toren hi poili famil zali. Aple bailek polloun Adanvak koxem dislem? Tannem khuxal zaun sanglem: ‘Polloiat Jehovan mhojea bor-i thaun kitli sobit bail rochli! Xevottak mhojea sarko konn tori asa.’

Jehovan Adanv ani Evek, hi prithum tanchea bhurgeamnim bhorunk sanglem. Tannem tankam hea akʼkhea prithumek sobit, Eden bage sarki korunk sanglem. Hem kam korun tim khub khuxal zaunk xoktalim. Punn Devak zai toxem zaunk na. Kiteak? Hem ami dusrea odheai-ant polloum-ia.