Bhag 3

Eden Bhagent Jivit Koxem Aslem?

Jehovahn Adanv ani Evek zaiteo boreo vostu dilʼleo. Utpoti 1:28

Jehovan Eve-ek rochlea uprant to tika adanv-axim haddtta

Jehovahn poili ostori, Evek rochli, ani tika Adanvak potin mhunn dili.—Utpoti 2:21, 22.

Jehovahn tankam koslench khot nastana, sompurnn motin ani kuddin rochlim.

Adanv ani Eve sobit bhag aslolea hea prithumek polloitat

Tanchem Bhuimkutt ghor Eden bhag aslem. Tea sobit bhagent ek noim, folladdik zhaddam ani monzateo asleo.

Jehovah tanche kodde uloilo ani tankam xikoilim. Tannim tachem aikolʼlem zalear, tim sasnnak Eden bhagent jivim urpachim.

Devan ekach zaddachem foll khaum naka mhunn sanglolem. Utpoti 2:16, 17

Bhagent aslolem zhadd. Tachem foll khainakat mhunn Jehovan Adanv ani Eve-ek sanglolem

Ek ainz boddvo Devacher virodh utthlo. To noxtto ainz zaun asa Soitan mhonnge Devchar.

Vaitt aiz, zo Soitan ani Devchar zaun asa to eka sorpak uzar korun Eve lagim uloita

Jehovahn, Adanv ani Evek, tea bhagent ek zhadd dakoilem ani tankam sanglem ki, tachem foll khalem zalear, tim mortelim.

Adanv ani Even Jehovahchi adnia pallʼloli Soitanak naka asli. Mhonntoch Evek sangunk tannem eka sorpak uzar kelo, ki tinnem tem foll khalem zalear, ti kednanch morchinam, punn Deva sarki zatoli. Punn, ti ek fott asli.—Utpoti 3:1-5.