Watchtower ONLINE LIBRARY
Watchtower
ONLINE LIBRARY
Konkani (Romi)
  • BIBLE
  • PROKAXONAM
  • MITTING
  • lfb patt 66 pan 156-pan 157 peregraf 1
  • Ezra Devache Kaide Xikoita

Tunvem vichun kaddla tea vixoi-acher viddeo na.

Sorry, ho viddeo sarko load zaunk na.

  • Ezra Devache Kaide Xikoita
  • Bible-antlean Xikonk Mellttat Tim Lisanvam
  • Oslich Mahiti
  • Kotthin Poristhitint Jehova Tumkam Modot Kortolo Mhunn Visvas Dovrunk Zata
    Pahrogopur Jehovachea Rajea Vixim Porgottʼtta (Obheas)—2023
  • Ap-khuxen Seva Keloli Jehovak Manvota
    Amchem Kristi Jivit ani Porgottnni—Mittingechi Pustika—2016
  • Ezran Aple Vagnnuke Udexim Jehovak Mhoima Dili
    Amchem Kristi Jivit ani Porgottnni—Mittingechi Pustika—2023
Bible-antlean Xikonk Mellttat Tim Lisanvam
lfb patt 66 pan 156-pan 157 peregraf 1
Eka uktea zagear ravon Ezra Jehovak vakhanntta ani lok to mhunntta toxench zaum mhunn dakhounk aple hat ubartat

LISANV 66

Ezra Devache Kaide Xikoita

Choddxe Izraelitkar Jeruzalemant porot gelear sumar 70 vorsam zalʼlim, punn azunui thoddim Persiechea razvottkechea veg-vegllea zagear ravtalim. Tanchea modem Ezra nanvacho ek iadnik aslo, zo lokank Jehovache Kaide xikoitalo. Jeruzalemant lok Devache Kaide pallinant mhunn taka kollʼllem tednam to thoim vochon tankam modot korunk sodhta. Persiecho raza, Artaxerxes taka sangta: ‘Devan tuka tache Kaide xikounk zannvai dilea. Tum Jeruzalemant voch ani tujea borabor ieunk sodhtat tankam-i vhor.’ Tor Jeruzalemant porot vochonk sodhtalim, tankam sogleank Ezra melltta. Tankam khub lamb provas korcho asta dekhun tea provasachea vellar, tanchi rakhonn kor mhunn tim Jehova lagim magnnem kortat ani Jeruzalemant vochonk bhair sortat.

Char mhoineam uprant, tim Jeruzalemant pavtat. Thoinche odhikari Ezrak sangtat: ‘Izraelitkaramnim, Jehova Devachi adnea moddlea ani te khottea devanchi bhokti kortolea bailam lagim kazar zaleat.’ Tednam Ezran kitem kelem? Lokam mukhar dimbi ghalun tannem oxem magnnem kelem: ‘Jehova, tunvem amchea pasot zaitem kelam, punn torui ami tujea add patok kelam.’ Tednam lokamnim poschatap kelo tem khorem, punn tim azunui thoddim vaitt kamam kortalim. Tor lokank modot korunk Ezran vhoddilank ani fuddareank nemle. Tin mhoineam uprant, je lok Jehovachi bhokti korinasle tankam tannim xarantlean bhair kaddle.

Bara vorsam soron gelʼlim. Tea mhunnosor, Jeruzalema bhonvtonnim aslolim durgam porot bandun zalʼlim. Tor Ezra uktea zagear Devacho Kaido vachun dakhounk lokank ektthaim korta. Ezra Kaideachem pustok ugoddtta tednam lok ube ravtat. Magir to Jehovachi vakhannʼnni korunk lagta, ani soglo lok to mhunntta toxench zaum mhunn dakhounk aple hat ubartat. Uprant, Ezra lokank to Kaido vachun somzaitalo tednam, lokamnim bariksannen aikolem. Tim Jehova thaun pois gelʼlim mhunn tannim manun ghetlem ani tim roddonk laglim. Dusrea disa, Ezra kaideachea pustokantlean tankam anik thoddem vachun dakhoita, tednam tankam kolltta ki beginuch tannim Mattvanchi Porob monounk zai. Dekhun rokddinch tim tea porbechi toiari korunk lagtat.

Sat dis poriant lok khuxalkaien porob monoitat ani Jehovan tankam bori pik dilea mhunn upkar attoitat. Joshuachea kallar thaun tednam meren hea toren kednanch Mattvanchi Porob monounk nasli. Porob zalea uprant lok ektthaim zata ani oxem magnnem kortat: ‘Jehova, tunvem amkam gulamponnantlim soddoilim, oronnʼnneant jevonn dilem ani amkam ho sobit des dilo. Punn ami porot-porot tuji adnea moddli. Tunvem amkam xittkaunk tuje provadi dhaddle. Ami tanchem-i aikonk na. Torui, tunvem amkam pasiens dakhoilem. Tunvem Abrahamak dilʼli promise samballʼlli. Atam ami tuka promise kortat ki ami tuji adnea pallttolim.’ Tim apli promise boroun dovortat ani tanche odhikari, Levitkar ani iadnik tacher xikʼko martat.

“Jim konn Devachem utor aikotat ani tea pormonnem choltat tim khuxal!”​—Lukas 11:28

Prosn: Jeruzalemant ektthaim zalʼlea Izraelitkarank Ezran kitem xikoilem? Lokamnim kitem promise keli?

Ezra 7:1-28; 8:21-23, 31, 32; 9:1–10:19; Nehemias 8:1-18; 9:1-37; 10:1

    Konkani Prokaxonam (1972-2025)
    Log Out
    Log In
    • Konkani (Romi)
    • Dhadd
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Dhadd