Obheas 14

Mhotvache Mudʼde Ugddas Urta Toxem Korop

Hebrevank 8:1

KITEM KORCHEM: Bhaxonn ditana dor ek mudʼdeacher dhean diunk aiknnareank adar kor. Te mudʼde tujea vixoi-ak ani udʼdexak koxe zoddlole asat tem somzonk tankam modot kor.

HEM KOXEM KORCHEM:

Ek udʼdex dovor. Tujea bhaxonnacho udʼdex mahiti diunk, khatri diunk, vo aiknnareank prernna diunk asa tem zannam za. Ani tea pormonnem to vixoi manddun hadd. Sogle mukhel mudʼde tuzo udʼdex purnn korunk modot korta mhunn khatri kor.

Tukach vichar: ‘Hea vixoi-acher aiknnareank koslo prosn astolo? Fuddem tim anik kitem prosn vichartolim?’ Uprant tuje mudʼde tea pormonnem manddun hadd, jea vorvim aiknnareank tea vixoi-acher dilʼli mahiti somzon gheunk ani manun gheunk sompem zatolem.
Bhaxonnachea vixoi-acher uzvadd ghal. Bhaxonn ditana tujea vixoi-ant aslolim mukhel utram vo teach ortachim her utram porot-porot sangon tuzo vixoi aiknnareanchea ugddasak hadd.
Tuje mukhel mudʼde spoxtt ani sadea ritin sang. Tujea vixoi-ak lagta toslech mukhel mudʼde vinchun kadd, je tunvem tuka dilolea vella bhitor bore bhaxen soddoun xikounk zata. Chodd mukhel mudʼde gheum naka. Dor ek mudʼdo spoxtt ritin sang, fuddlea mudʼdeacher voiche poilim matso rav. Hea ritin ek ek mudʼdo xikoun fuddem sor.

Bhaxonnachea survatechea utramnim tunvem mukhel mudʼde sanglear, aiknnareank tancher dhean diunk sompem zatolem. Vo bhaxonnachea xevottak te mudʼde porot sanglear aiknnareank te ugddas dovorunk adar zatolo.