Mukhel Mudʼde Porot Ugddasak Haddat

Tumi jem xiklim tem ugddas dovrunk tumkam kednam-i kotthin zalam kai? Ami sogleamnim hem onnbhovlam nhoi? Oxem zaina zaunk tumkam koxi modot zatoli? Tumi mukhel mudʼde porot ugddasak haddunk zatat.

Obheas kortana modem-modem thambon tumi kitem xiklim tea vixim chintunk vell gheiat. Ani apli chitt vachtana oxench korunk apostl Paulun bhav-bhoinnank urba dili. Tannem mhunnttlem: “Atam ami jem kitem sangtat tacho mukhel mudʼdo ho.” (Heb. 8:1) Hea toren, tachea utrancho orth kitem ani to sangtalo tem soglem eka-mekak koxem zuddlolem asa tem somzonk to bhav-bhoinnank modot kortalo.

Obheas kelea uprant, tea vixim chintunk tumi ghoddie dha minttam sarunk zatat, ani tumi xikleant te mukhel mudʼde porot ugddasak haddunk zatat. Tumkam te mudʼde ugddas nant zalear, tumi porot subheading-am vachunk zatat vo dor eka peregrafachi poili voll vachunk zata. Oxem kelʼlean, tumi xikleant tem ugddas dovrunk tumkam modot zatoli. Tumi kitem novem xiklim zalear, tem tumchea utramnim tumkanch somzaunk proitn korat. Hea toren tumi kitem xiklim tem porot ugddas haddlear, tumi tem sompeponnim visorchimnant. Toxench, tem tumchea jivitant koxem apnnaunk zata tem tumi anik bore toren somzonk pavtolim.