Obheas 15

Khatren Ulovop

1 Tesalonikekarank 1:5

KITEM KORCHEM: Tum sangta tem khorench sot ani khub mhotvachem mhunn dakhoun di.

Bori toiari kor. Tum sangpacho asa to vixoi bore bhaxen somzon ghe. Bible dor ek mudʼdo koso khoro asa mhunn dakhoita tem zannam za. Mukhel mudʼde sompea utramnim sang. Aiknnareank tancho koso faido zatolo tem dakhoun di. Povitr xoktecho adar mag.

Tum sangpacho asa to vixoi porot-porot vhoddlean mhunnttlear, mhotvache mudʼde sarke tujea motint bostole ani tuka spoxtt ritin ulounk modot zatoli.
Khatri dita toslim utram uzar kor. Prokaxonant asa toxinch utram uzar korche bodlek, tujea utramnim uloi. Oxem kelʼlean, tum kitem sangta tea vixim tuka khatri asa mhunn aiknnareank kollon ietolem.
Tuka khorench khatri asa mhunn dakhoun di. Goroz tednam avaz vhodd korun uloi. Aiknnareank vaitt disonam thoim tanchea tonddak polloun uloi.

Khatren ulovop mhunnttlear chinti nastana vo dobhav ghalta tea ritin ulovop nhoi. Khatren uloita tednam pasun aiknnaream lagim mogall ritin ulovop gorjechem.