Doia Dakhoiat

Jezun Kitem Kelem?

VIDEO: Jezu Eka Kuddʼddea Munxak Boro Korta

1. VIDEO polloiat, vo Juanv 9:1-7 vachat. Uprant hea prosnancher niall korat:

1. Jezun poilim tea kuddʼddea munxak boro kelo, vo taka bori khobor sangli?—Juanv 9:35-38 polloiat.

2. To Jezuchem aikonk kiteak toiar zalo oxem tumkam dista?

Jezu Thaun Ami Kitem Xiktat?

2. Amkam amchea aiknnareachi kallji asa mhunn taka kollon ieta tednam to chodd korun bori khobor aikonk toiar astolo.

Jezuchi Dekh Gheiat

3. Aiknnareak koxem bhogta tem somzon gheiat. Tumi tanchea zagear aslolim zalear tumkam koxem bhogtolem aslem tem chintat.

1. Tumkanch vicharat: ‘Taka kosle uske asat? Taka kitea vixim ulounk avoddttolem ani kitem faideak poddttolem?’ Tumi hea vixim chintʼtat tednam tumi kallzan thaun taka doia dakhounk pavtolim.

2. Aiknnaro aplea oddchonneam vixim vo apleak koxem bhogta tem sangta tednam, dusrea vixoi-acher ulounchea bodlek tachem dhean diun aikat. Oxem kelolean tumkam tachi kallji asa mhunn taka dison ietolem.

4. Doiall ritin ani respedan uloiat. Tankam koxem bhogta tem tumi somzon ghetat ani tankam modot korunk sodhtat tednam, tumchea uloupantlean tem dison ietolem. Tumi kitem uloitolim ani koxem uloitolim tacher dhean diat ani tankam dukhoita toxem kainch uloinakat.

5. Modot korat. Somjikai vaprun tea munxak modot korunk vatto sodhat. Oxem kelolean to amchea lagim ulounk toiar astolo.