Dusreancher Dhean Diat

Jezun Kitem Kelem?

VIDEO: Jezu Samariechea Baile Lagim Uloita

1. VIDEO polloiat, vo Juanv 4:6-9 vachat. Uprant hea prosnancher niall korat:

1. Samariechea baile lagim ulounchea poilim Jezun kitem kelem?

2. Jezun mhunnttlem: “Mhaka udok pieunk di.” Tor, ulovop suru korunk hi ek bori vatt kiteak asli?

Jezu Thaun Ami Kitem Xiktat?

2. Lokank avoddtta tea vixoi-acher ami ulovop suru kelear, amchem ulovop borem zaunk xokta.

Jezuchi Dekh Gheiat

3. Uloupant bodol korunk toiar ravat. Tumi toiar kelʼlea vixoi-acheruch ulovop suru kortolim mhunn chintinakat. Punn lok tea disa kitea vixim chintʼtat astole tem monant dovrun uloiat. Tumkanch vicharat:

1. ‘News-ar aiz kosli khobor asa?’

2. ‘Mhojim xezarim, sangata kam korpi, vo iskolantlim bhurgim kitea vixim uloitat?’

4. Dhean diat. Tumkanch vicharat:

1. ‘Tumi bhett korunk geleant tednam aiknnaro kitem kortalo? To kitea vixim chintʼta astolo?’

2. ‘Tea munxache kopdde, to koso dista, vo tachem ghor polloun to kitem patieta vo to khoinchea sonskruticho mhunn mhaka kollon ieta?’

3. ‘Tea munxa lagim ulounk ho vell sarko asa kai?’

5. Aikat.

1. Tuminch uloinakat.

2. Aiknnareak tache vichar sangonk diat. Goroz asa tea vellar prosn vicharat.