Xanneponn Uzar Korat

Totv: “Tumchim utram sodanch mogall . . . asum-di.”—Kol. 4:6.

Paulun Kitem Kelem?

Apostl Paulu Athenantlea lokam lagim uloita.

VIDEO: Paulu Atenantlea Lokank Porgott Korta

1. VIDEO polloiat, vo Itihas 17:22, 23 vachat. Uprant hea prosnancher niall korat:

Atenantle lok murti puza kortale tem polloun Pauluk koxem dislem?—Itihas 17:16 polloiat.
Paulun xanneponn uzar korun Atenantlea lokank bori khobor koxi porgott keli?

Paulu Thaun Ami Kitem Xiktat?

2. Ami kednam, koxem ani kitem uloitolim tacher ami dhean dilem zalear lok amchem aikonk chodd korun toiar astole.

Pauluchi Dekh Gheiat

3. Aiknnareank vaitt dischem na toslim utram uzar korat. Udharonnak, aiknnaro Kristanv dhormantlo nhoi zalear taka Bible vo Jezu vixim sangtana tumchim utram chintun uzar korat.

4. Modench uloinakat. Taka aple vichar ukteponnim sangonk diat. To Bible-ache xikounne add kitem-i sangta zalear pasun, taka rokddench somzaunk vochonakat. (Jak. 1:19) Tumi tachem dhean diun aikolem zalear, tachea monant kitem asa tem tumkam kollon ietolem.—Mho. 20:5.

5. To kitem tori sarkem sangta tednam taka xabaski diat. To patieta tench sarkem oxem taka disonk xokta. Tor poilim, tumchea ani tachea modem kitem ek-sarkem asa tea vixim uloiat, ani uprant Bible kitem xikoita tem somzonk sovkas-sovkas taka modot korat.

HEM PASUN POLLOIAT

Mho. 25:15; 2 Tim. 2:23-26; 1 Ped. 3:15