Fuddarak Ugddas dis kortole mhunn Pask monounk Devan sangonk na punn Paskachea festa thaun amkam zaitem xikonk melltta. Udharonnak, Jezu Krist ‘Paskacho menddro’ mhunn Paulun sanglem. (1Kor. 5:7) Menddreachem rogot daranchea kovddancher ani umbreancher lailolean munxancho jiv salvar zatalo, teach bhaxen Jezuchem rogot munxancho jiv salvar korta. (Sutt. 12:12, 13) Ani zoxem Paskachea menddreachem hadd moddi-naslole, toxench, Jezuk marlo tednam tachem ek-ui hadd moddunk na. Punn khorem mhunnttlear, tea tempar khambear jivexim martale tanchim haddam moddttale.—Sutt. 12:46; Ju. 19:31-33, 36.