Lotache Bailecho Ugddas Korat

Sodom xara thaun bhair sortana Lotache bailen fattlean vollon kiteak polloilem? Bible hacho zobab dina. (Ut. 19:17, 26) Punn Jezun hi xittkaunni diunchea poilim sanglolim utram vachtana, tika ghoddie fatti soddun ailolea vostu vixim anvdde asle mhunn dison ieta. (Luk. 17:31, 32) Lotache baile bhaxen ami Devachi maniotai koxim hogddaunk xoktat? Jivitant sukh-suvidha melloun gheunk ami chodd mhotv dilear oxem zaunk xokta. (Mt. 6:33) Jezun, ami “Devachim ani borabor Girestkaiechim gulamam zaum nozo” mhunn xikoilem. (Mt. 6:24) Amchi girestkai vo ami melloun gheunk sodhtat teo vostu, Jehova sangata amchi ixttagot piddʼddear korta mhunn amkam kollʼllem zalear ami kitem korunk zai? Amchea jivitant ami kosle bodol korunk zai tem somzonk, ani te bodol korunk amkam dhir ani ghottai di mhunn ami Jehova lagim magnnem korunk zai.

LOTACHE BAILECHO UGDDAS KORAT, HO TIN BHAGACHO VIDDEO UGDDASAK HADDAT, ANI TEA UPRANT SOKOL DILʼLEA PROSNANCHE ZOBAB DIAT:

• 

  Chodd poixe korchea dobhavak lagon Gloriachea chintpacher, ulovpacher ani kornneancher kitem porinnam zalo?

• Lotachea bailechem udharonn amkam ek xittkaunni kiteak zaun asa?

• Bible-achim totvam apnnailolean Joe ani tachea familik koxi modot zali?

• Kamachea zagear Annan kelolea songotik lagon, Deva lagim tachea ixttagoticher koslo porinnam zalo?

• Poixeank poilo zago diunk amcher dobhav ieta tednam taka tondd diunk amkam dhirachi kiteak goroz asa?

• Brian ani Gloria portun Devache sevek poilo zago koxim diunk pavlim?

• Bible-achim khoinchim totvam hea viddeo-nt dakhoileant?