PORGOTTNNECHEA KAMANT AMCHI KOLA VADDOUM-IA—JW.ORG Uzar Korun

KITEAK GORJECHEM: Seve Pasot Mukhel Prokaxonam hantunt aslolem dor ek prokaxon jw.org website-i vixim sangta. Jw.org kardd ani Jivitantlea Gorjechea Proxnanche Zobab Khoim Mellttole? hem ttrektt hancho mukhel udʼdhex mhunnttlear, lokamnim website uzar korchi. Seve Pasot Mukhel Prokaxonam hantuntlea eka prokaxonachi electronic kopi jw.org uzar korun, e-mail-a vorvim dhaddunk zata vo tachem link dhaddunk zata. Hem chodd korun dusri bhas uloitat tea lokank porgottʼttana faideachem zata. Tea bhair, kednam kednam lok osle prosn vicharunk xoktat zanche zobab Seve Pasot Mukhel Prokaxonam hantunt mellche nant. Ami website bore ritin uzar korunk zannam zalim zalear amchi porgottnni folladik zatoli.

KOXEM KORCHEM:

• 

  “BIBLE TEACHINGS” (Inglez bhaxen) tab uzar korat. Somoz tumi avoi-bapaik porgottʼttat ani tankam bhurgeank vaddounche vixim anik mahiti zannam zaunk zai. BIBLE TEACHINGS > MARRIAGE & FAMILY hantunt vochat.

• “PROKAXONAM” tab uzar korat. Somoz tumi iskolant tumchea sangata xiktoleank sakxi ditat ani tankam Tornnatteanchea 10 Prosnanche Zobab hi pustika diunk zai. PROKAXONAM > PUSTOKAM ANI PUSTIKA hantunt vochat.

• “AMCHEA VIXIM” tab uzar korat. Somoz tumi kam kortat tea zagear tumchea sangata kam kortoleank tumi sakxi ditat ani tankam amche patienne vixim lhanxem kitem vachunk zai. AMCHEA VIXIM > JEHOVACHEA SAKXEAM VIXIM ZAITE PAUTT VINCHARLOLE PROSN hantunt vochat.

JW.ORG UZAR KORUM-IA, HO VIDDEO POLLOIAT ANI UPRANT SOKOL DILOLEA MUNXANK MODOT KORUNK WEBSITE-IR TUMI KHOIM VOITOLIM TEM ZANNAM ZAIAT:

• Dev asa mhunn patiena tosleank

• halinch jivitant ek vaitt ghoddnni ghoddlea tosleank

• sov mhoinea poros chodd temp porgottnent bhag gheunk naslolea bhav-bhoinnank

• porot bhett kelʼlea aiknnareak, amchea sonvsarbhor choltolea kamacho khorch koso suttʼtta tem zannam zaunk zai tednam

• dusrea desachea munxak aplea ghorchea vattarant mittingek vochonk zai tednam