JW.ORG-cher Sodanchea Jivita Pasot Zannvaiechim Totvam Sodhat

Hea nimannea disanchea kotthin vellar amcher ietat tea oddchonneancho fuddo korunk, Devachem Utor amkam goroz tem soglem dita. (2Tim. 3:1, 16, 17) Tori astana, eke umkech poristhitint Bible-antlem khoinchem totv lagu zata tem sodhunk amkam ghoddie modot zai astoli. Udharonnak, avoi-bapui zalolean tumchea bhurgeank koxim vaddounchim tea vixim tumkam solʼlo zai kai? Vo tornnattim zalolean Jehovak visvaxi ravonk tumkam kotthin zata kai? Vo tumcho kazari sangati bhair poddla mhunn tumi dukhant asat kai? Toxem zalear, oslea ani her dusrea poristhitimnim Bible-antlim khoinchim umkinch totvam tumkam modot korunk xoktat tea vixim jw.org-cher tumkam mahiti mellttoli.—Mho. 2:3-6.

JW.ORG website-icher, BIBLE-ACHI XIKOUNN hacher klik korat. (Chitr 1 polloiat.) Uprant, thoim aslolea khoinchea vixoi-a vixim tumkam zannam zaunk zai tacher klik korat. Vo LIBRARY > VEG-VEGLLEA VIXOI-ANCHER LEKH hantunt vochat, ani tumkam zai to vixoi vinchun kaddat. (Chitr 2 polloiat.) He vixoi tumkam JW Library^®a app-acher pasun mellttole. Tumkam he lekh avoddttole. Tumi te jw.org-cher vo JW Library-cher pollounk zatat. Toxench, ek umkeach vixoi-a vixim zannam zaunk, tumi jw.org-cher aslolem ‘Sodh’ boks pasun uzar korunk zata.

Sokol dilʼle vixoi sodh boksant type korat. Ani uprant, tache vixim aslole khoinche lekh tumi vachunk sodhtat tem boroun dovrat.

• Bhurgeank vaddovop

• Tornnatteam pasot modot

• Mornna vixim sot