Jehovacho Mog Kortoleam Sangata Vell Sarat

Jehovacho mog kortoleam sangata ami kiteak vell sarunk zai? Karonn ami zanchea sangata vell sartat, tim amkam borem vo vaitt korunk urba diunk xoktat. (Mho. 13:20) Udharonnak, Raza Joash-an Porom Iadnik Jehoiada sangata vell sarlo titlea porian tannem, “Sorvesporachea [“Jehovachea,” NW] nodre mukhar borem tem kelem.” (2 It. 24:2) Jehoiada melea uprant, vaitt sangateank lagon Joash-an Jehovak soddlo.—2 It. 24:17-19.

Poilea xekddeant, apostl Paulun, Kristi sobhek ‘eka vhoddlea ghorak’ sor keli ani sobhentlea bhav-bhoinnank “aidonam,” vo ghorant vapurtat tea sadhonak sor kelim. Jehovak avoddna tem kortat toslea lokam lagim, tim amchea familintlim vo sobhentlim zalear pasun, ami tanchea lagim chodd vell sarinant tednam ami “unch molachim . . . aidonam” zaun urtat. (2Tim. 2:20, 21) Toxem zalolean, Jehovacho mog kortat ani tachi seva korunk amkam urba ditat toslim ixttam ami sodhit ravum-ia.

VAITT SANGATI POIS KORUNK XIKAT, HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

• Ami chintinastana vaitt sangateam lagim koxim vell sarunk xoktat?

• Viddeo-nt dakhoilam toxem, tea teg Kristanvank vaitt sangati pois korunk kitem modot zali?

• Khoinchim Bible-antlim totvam tuka xanneponnan bore sangati vinchun kaddunk modot kortolim?